AstraZenecaren bigarren dosiari buruzko erabakia beste astebetez atzeratu dute
Carolina Darias Espainiako Osasun ministroak jakinarazi duenez, Osasun Publikoaren Batzordeak datorren astean erabakiko du AstraZenecaren txertoaren lehen dosia hartu zuten 60 urtetik beherako pertsonei bigarrena emango zaien ala ez.
Lurraldeen arteko osasun kontseiluaren ondotik egin du agerraldian, Dariasek azaldu du erabaki hori txerto ezberdinak konbinatzeko orain arte egin diren entsegu klinikoen emaitzen arabera hartuko dutela. Ikerketa hori, besteak beste, Gurutzetako ospitalean egiten ari dira eta lehendabiziko emaitzak maiatza erdialdean ezagutuko direla espero da.
Madrilgo eta Andaluziako erkidegoek kritikatu egin dute erabakia beste behin atzeratu izana eta azpimarratu dute ezinbestekoa dela lehenbailehen jakitea bigarren dosiarekin zer egin behar den, bestela lehenengo dosiaren eragina galtzeko arriskua egongo delako.
Norvegia bezalako herrialdeetan AstraZenecarekin egiten ari ziren kanpaina bertan behera uztea erabaki dutela eta, Dariasek esan du "herrialde bakoitzean testuingurua ezberdina" dela eta "erabakiak beharrizanen arabera" hartu behar direla.
Hala ere, berretsi egin du baimendutako txerto guztiak direla seguruak.
Osakidetzak AstraZenecaren dosiak gordeko ditu
Testuinguru honetan eta dena argitu arte, Eusko Jaurlaritzaren Osasun Sailak azkeneko bidalketan jaso zituen AstraZenecaren 17.000 dosia gordetzea erabaki du.
Orain arte, Araban, Bizkaian eta Gipuzkoan 1.064.461 dosi jarri dira: Pfizerrenak 705.370; AstraZenecarenak 263.673; Modernarenak 82.671; eta Janssenenak 12.747.
Euskal Autonomia Erkidegoan 318.466 lagun dauden immunizatuta, herritarren % 14,4.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.