Albiste dira

Bilbobusek eta Bilbaobizik ordutegia luzatu dute alarma-egoera amaitu ondoren

Zapatu honetatik aurrera, Bilbobusen eguneko linea guztietako azken irteerak 22:30 eta 23:00ak bitartean izango dira. Bilbaobizik ere zabalduko du zerbitzua.

Bilbaobizi zerbitzuko bizikletak. Argazkia: EITB Medeia.

N. B. | EITB MEDIA

2021/05/13 - 13:57

Azken eguneratzea

2021/05/15 - 12:57

Bilbobus hiriko garraio-zerbitzuak eta bizikletak mailegatzeko zerbitzuak 23:00ak arte luzatuko dituzte ordutegiak, alarma-egoera amaitu ostean.

Gaurtik aurrera, Bilbobusen eguneko linea guztietako azken irteerak 22:30 eta 23:00ak bitartean izango dira, alarma-egoeraren eta etxeratzeko aginduaren amaieraren ondoriozko egoera berrira egokitzeko.

Bestalde, Bilbaobizik ere zerbitzua zabalduko du egoera berrira egokitzeko. Zapatu honetatik aurrera, zerbitzua astelehenetik igandera bitartean emango da, 06:00etatik 23:00ak arte.

Ordutegiak bilbao.eus helbidean, 010 telefono-zenbakian, erabiltzaileei arreta emateko bulegoan eta Bilbobusen sare sozialetan eta aplikazio ofizialetan kontsulta daitezke.