Bilbao Udaberria ekimenak kultur planak eskainiko ditu datozen egunetarako
Bilboko Udalak kultur agenda eskainiko du maiatzaren 17tik 23ra bitarte. Besteak beste, magia ekitaldiak, bertso saioak, kontzertuak, hitzaldiak eta antzerkiak egingo dituzte datozen egunotan zehar. Martxoan eta apirilean zehar ere jarduerak eskaini zituen #BilbaoUdaberria2021 ekimenaren barnean kokatu dituzte proposamen horiek.
Ekitaldiak kalean izango dira eta horietarako sarrera doakoa izango da. Aurretiaz egin daiteke erreserba, bilbaokultura.eus webgunean. Bi eserleku soilik erreserbatu ditzake pertsona bakoitzak, ekitaldia hasi baino 48 ordu eta 2 ordu lehenago bitartean.
Musukoaren erabilera ezinbestekoa izango da Bilbao Udaberriak aste honetarako eskaintzen dituen hitzordu guztietarako. Halaber, publikoaren zein artisten segurtasuna eta higienea bermatuko dira.
Egitaraua
Ekitaldiak egitarau zabala eskainiko du, hiriko barrutietan. Besteak beste, San Ignazio, Otxarkoaga, Begoña, San Frantzisko, Abando eta Basurtutik igaroko da.
Halaber, jarduera horiek askotariko kategoriatan egongo dira banatuta:
- Expodistritok argazki-erakusketak eta erakusketa plastikoak hartuko ditu, kultur guneetan.
- Eszena Kalera kaleko arteen zirkuituak antzerkia hiri osoan zehar mugituko du.
- Magiaren Topaketak egitarauak Otxarkoagan egingo du bisita, zenbait proposamen magikorekin.
- Udaberriko Bertso Saioak zikloaren hirugarren edizioa maiatzaren 22an iritsiko da Bilbora, bertso libre saio batekin. Maialen Lujanbiok eta Unai Iturriagak hartuko dute parte bertan.
- Musikauzoren programazioaren baitan, ekitaldiak egingo dituzte Begoñan eta Ametzola parkean.
- Bidebarrieta Kulturgunean hitzaldiak egingo dituzte, maiatzaren 17an eta 19an.
- Bukatzeko, Musika dibertigarria da zikloaren barnean, Sustrai Art Duok kontzertua egingo du, "Una visión de los siglos XVII al XXI" izenburupean.
Zure interesekoa izan daiteke
Baltsa piratek Kontxako badia hartuko dute berriro astelehen honetan
Piraten abordatzeak milaka parte-hartzaile bilduko ditu berriz ere Donostiako Aste Nagusiko hitzordu jendetsuenetako batean, 17:00etan, Donostiako portutik aterako baitira.
Kanoikadak Donostia astindu du eta hasiera eman die jaiei
Euriak ez du unea zapuztu, eta Onintza Mokoroak metxa piztearekin batera lehertu da Gipuzkoako hiriburua. Jarraian, lehen aldiz, dantzek hartu dute udaletxeko terraza, hiriko zortzi dantza talderen eskutik.
Aktibo jarraitzen dute Huelvan eta Castellon piztutako suteek
Castellon, Cullako sutea kontrolpean dute jada, eta Serra d’en Galcerango sutearen bilakaera ona da; Tirigen, aldiz, sugarrek aurrera egiten jarraitzen dute. Nieblan (Huelva), suteak aktibo jarraitzen du, eta 4.000 hektarea erre dira jada.
Blusa eta neska beteranoen eguna ospatu dute larunbat honetan Gasteizko jaietan
Gasteizko nagusiek blusa eta neska beteranoen eguna ospatu dute larunbat honetan. Jardunaldia 09:00etan hasi da, San Migel elizako Andre Maria Zuriaren kaperan egindako elizkizunarekin. Ondoren, beteranoek erroskillak eta ardo gozoa dastatu dituzte, elizako balkoia hartu eta hiriko zaindariari ohiko lore-eskaintza egin aurretik. Guztira, 300 blusa eta neska inguru bildu dira bertan. Ohorezko aurreskua egin ostean, eguneko protagonista nagusiak Artepan okindegira joan dira, txoripanez gozatzera, musika bandaren erritmora.
Ia Nafarroa osoa alertapean egongo da ekaitzengatik; EAE eta Iparraldea, abisu horian
Arratsaldean, bero hodeiak garatu eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean. Ebroko Konfederazio Hidrografikoak ohartarazi duenez, uholdeak egon litezke euriteengatik.
Beroa eta oporrak oztopo dira Euskadin behar diren odol-emateak lortzeko
Tenperatura altuek eta oporraldiek zaildu egiten dute udan transfusioetarako behar den odol kopuruari eustea.
Amaitu dira AP-8ko Irun pareko eta A-8ko auto-ilarak
Trafiko Sailak amaitutzat eman ditu Euskal Autonomia Erkidegoko errepide-sareko bi puntutan sortutako auto-ilarak.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.