60 urtetik beherakoek aukeratu egingo dute bigarren dosia: Pfizer edo AstraZeneca
Espainiako Osasun Ministerioak eta erkidegoek erabaki dute AstraZenecaren lehenengo dosia jaso duten 60 urtetik beherakoek immunizazio prozesua etxe horretako dosiarekin amaitzea edo Pfizerrena hartzea aukeratu ahalko dutela. Dena dela, dokumentu bat sinatu beharko dute erabakiarekin bat datozela adierazteko.
Horixe iragarri du Carolina Darias Osasun ministroak Espainiako Osasun Sistema Nazionalaren Lurraldearteko Kontseiluaren ostean. Egoera "apartekoa" delako hartu dutela erabaki hori gaineratu du.
Bioetika Batzordeak iritzia eman beharko du orain, aukeraketari buruzko baimen idatziaren baldintzak zehazteko.
Dariasek, hala ere, esan du ez dela "aukeraketa kontua", Osasun Publikorako Batzordeak bigarren dosia Pfizerrena izatea erabaki zuelako, eta soilik eragingo die "arrazoi jakin batzuengatik" RNA mezulariaren txertoa jaso nahi ez dutenei.
Atzo hartutako erabaki horrek (10 boto alde, 7 kontra eta 3 abstentzio) hautsak harrotu zituen, eta zenbait erkidegok berretsi zuten immunizazio prozesua AstraZenecarekin amaituko zutela lehenengo dosia jaso zutenek.
Bilera horretan, erkidegoetako Osasun arduradunek eta Ministerioak atea ireki zioten bigarren dosia aukeratu ahal izateari, eta hurrengo batzarretan zehazteko utzi zuten.
Erabakia gehiago "ez atzeratzeko", Dariasen esanetan, Lurraldearteko Kontseiluan proposatu dute, eta erkidego gehienek onartu dute askok duela hainbat aste eskatu zutena.
Eusko Jaurlaritzak, Gotzone Sagardui Osasun sailburuaren ahotik, bileraren aurretik eman zuen horri buruzko iritzia. Sagarduik ohartarazi zuenez, "60 urtetik beherakoei orain Pfizerren dosia emanez gero, txerto horrekin egin beharreko txertaketak bi astez etenda geratuko lirateke".
Zure interesekoa izan daiteke
2 kilometroko auto-ilarak Orioko zubian, istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.
"Irabazi arte", "Generación Click" eta "Los Williams" saioek Telebista Akademiaren Iris sarietako izendapena jaso dute
Sariak banatzeko ekitaldia 2026ko otsailaren 16an egingo dute, Madrilen, Teatro Real antzokian.
"Palestinarekin bat, konpromiso bat" ekimena aurkeztu dute, Gernika-Palestina sareak deituta
Gernika-Palestina herri ekimenak euskal gizartearen konpromisoa eskatu du larunbat honetan, "Palestina babesteko eta elkartasun aktiboan urratsak emateko", bai arlo ekonomikoan, bai arlo humanitarioan. Hainbat "eragile politiko eta sozialen" babesarekin eman du konpromisoaren berri, Donostian egindako prentsaurreko batean, eta Israelekin harremanak haustea eta "nazioarteko zuzenbidea errespetatzea eta aplikatzea" eskatu du.