50 eta 59 urte arteko herritarren % 44k gutxienez dosi bat jaso dute EAEn
EAEn covid-19aren aurkako 1.256.193 dosi eman dituzte gaur arte, eta horietako 413.184 bigarren dosia edo immunizatzeko dosi bakarrak izan dira; beraz, biztanle kopuru horrek amaitu du txertaketa prozesua eta immunizatuta dago. Gainera, 50 eta 59 urte arteko herritarren % 44,2k jaso dute dosiren bat, eta portzentajea % 90era eta % 100era igotzen da 60-79 urte artekoen eta 80tik gorakoen artean, hurrenez hurren.
Eusko Jaurlaritzaren Osasun Sailaren azken txertaketa txostenaren arabera, EAEn Pfizer-BioNTechen 850.732 dosi eman dituzte (346.145 bigarren dosi eta 5.151 dosi bakar), Modernaren 118.860 (31.495 bigarren dosi eta 2.248 dosi bakar), AstraZenecaren 263.499 (5.043 dosi bakar) eta Janssenen 23.102 (dosi bakarrak).
Zentro soziosanitarioetako profesional eta egoiliar guztiek eta Osakidetzako profesionalek dagoeneko jaso dute bigarren dosia, osasun zentro pribatuetako eta osasun garraioko langile guztiek bezalaxe.
Bestalde, 55 urtetik beherako ertzain guztiek jaso dute gutxienez lehenengo dosia, eta bestelako zerbitzu soziosanitarioetako langile eta erabiltzaile gazteagoek ere bai. Unibertsitatetik kanpoko hezkuntzako 55 urtetik beherako irakasle guztiek ere jaso dute gutxienez dosi bat.
Adinaren arabera banatuta, 80 urtetik gorako herritar guztiek jaso dute dosiren bat. 70-79 adin tartean, portzentajea % 96,5era iristen da, 60 urtetik 69ra, % 91ra, eta % 50 urtetik 59ra, % 44,2ra.
100 urtetik gorakoen % 99,1ek immunizazio prozesua amaitu dute; 90-99 adin tartean, % 99,2k, 80 eta 89 urte artean, % 99,5ek. Portzentajea % 71,5era jaisten da 70 urtetik 79ra. 60-69 tartean, % 7,9koa da tasa, eta 50-59koan, % 11,7koa.
Eusko Jaurlaritzak orain arte 1.290.860 txerto eman ditu, eta Pfizerren 10.800 eta Modernaren 9.250 ditu gordeta bigarren dosirako. AstraZenecaren 17.205 dosi ere baditu gordeta. Beraz, 37.255 dira orotara gordetako dosiak.
Maiatzaren 19tik 25era 87.276 txerto ematea da Osasun Sailaren asmoa.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.