Gaur hasiko dira AstraZeneca hartu zuten 60tik beherakoei deitzen, bigarrenerako
Astelehen honetan hasiko da Osakidetza AstraZenecarekin txertatutako 60 urtetik beherako oinarrizko langileei deitzen, covid-19aren kontrako bigarren txertoa jasotzeko hitzordua emateko.
Hilaren 26tik uztailaren 8ra arte bigarren dosia jaso beharko lukete EAEn otsailaren 26tik apirilaren 8ra lehen dosia jaso zuten kolektibo horretako 83.300 pertsonek; AstraZenecaren lehen dosia jaso eta hiru hilabetera, hain zuzen ere.
2021eko otsailaren 26an hasi zen Euskal Autonomia Erkidegoan 60 urtez azpiko oinarrizko langileen txertaketa AstraZeneca erabiliz, Haur Hezkuntzako irakasleekin, Hezkuntza Berezikoekin eta jangeletako langileekin, horretarako mutuak erabiliz. Egun batzuk geroago, martxoaren 1ean, "txertaketa masiboa" hasi zen, Illunbeko "bakunodromoa" estreinatuz. Egun hartatik aurrera, besteak beste, udaltzainak, suhiltzaileak, ertzainak, kartzeletako langileak, farmazialariak, migratzaileen zentroetako langileak, arrantzaleak, albaitariak eta fisioterapeutak ere txertatzen hasi ziren.
Martxoaren 15ean, aldi baterako geldiarazi zuten AstraZenecaren txertaketa EMA Sendagaien Europako Agentziak txerto horrek tronbo kasu arraro batzuekin zerikusirik ba ote zuen ikertzen zuen bitartean, eta martxoaren 24an berriro ekin zitzaion txertaketari. Apirilaren 7an "harremana bazegoela" ondorioztatu zuen EMAk, baina kasuak zeinen bakanak ziren ikusita, txertoa "segurua" zela berretsi, eta berau jartzen jarraitzeko eskatu zuen. Hainbat gobernuk, ordea, Espainiakoak tarteko, bertan behera utzi zuten 60 urtetik beherakoekin erabiltzeko aukera.
ETBri egindako adierazpen batzuetan, Gotzone Sagarduik azaldu du hitzorduak Pfizer jartzeko izango direla: "Osasun Publikorako akordioak esaten duena ez da aukeran emateko, baizik eta jarraitu behar den pautan bigarren dosia Pfizerrena izatea dela, eta horri uko egiten dionari aukera emateko, ezohikotasunez, AstraZeneca eskatu ahal izateko".
Hala, printzipioz, oinarrizko kolektiboetako langileek Pfizer jasoko dute bigarren ziztada horretan, eta Oxforden formula nahi dutenak "agenda ezberdin batean sartuko dira".
AstraZeneca aukeratzen dutenek "baimena emateko dokumentua" sinatu behar izatearen inguruan, Sagarduik gogorarazi du "beste prozedura batzuetan ere hartzen den erabakia" dela, "erabaki nagusia ez den bat hartzeak suposatzen duen arriskuaren jakitun izatea" eskatzen dela, alegia. "Kasu honetan, aukera pertsonal bat egitea dela uste dut", gaineratu du.
Osasun Sailak logistikaren eta hitzorduen prozesuaren berri ematen jarraituko du datozen egunetan.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.