Covid pasaportea eskuragarri dago jada Osakidetzaren webgunean
Arabako, Bizkaiko eta Gipuzkoako herritarrek gaurtik (ekainak 9) aurrera izapidetu ahalko dituzte covid-19aren aurkako txertoa jarrita dutela edo gaixotasuna igaro dutela egiaztatzen duten ziurtagiriak, biak ala biak oraingoz sinadura digitaleko prozesu baten bidez.
Uztailaren 1etik aurrera Europar Batasunean barrena bidaiatzeko aukera ematen duen pasaportea izapidetzeko aukera 09:00etan aktibatu du Osakidetzaren webguneak.
Oraingoz sinadura digitalaren bidez bakarrik egin ahal da izapide hori, baina Osakidetza prozedura "irisgarriagoak" eskaintzeko lanean ari da, atzo Sagardui sailburuak iragarri zuenez.
Txertaketaren pauta osoa egin duten pertsonek edota gaixotasuna pasatu dutenek eskuratu ahalko dute.
Espainiako mugak turistei irekitzearekin bat, hainbat autonomia erkidegok, Extremadurak, Andaluziak, Nafarroak, Valentziak eta Aragoik, besteak beste, astelehenean jarri dute martxan ziurtagiri hori, proiektu pilotu baten barruan.
Txertaketa oporretako helmugetan
Txertoaren bigarren dosia opor lekuan jartzeko aukeraren inguruan, Gotzone Sagardui Osasun sailburuak argi utzi zuen EAEko estrategiak "pauta osoa bakoitzari dagokion erkidegoan" jasotzea aurreikusten duela. Atzoko gobernu bileraren osteko prentsaurrekoan egin zituen adierazpenok.
Ildo horretan, txertoari lehentasuna eman behar zaiola esan zuen, eta Pfizer, AstraZeneca edo Modernaren bigarren dosia noiz emango zaien kalkula dezaketela.
Data hori oporrekin bat etorri, eta oporrei lehentasuna eman nahi dietenek hitzordua baliogabetu beharko dute, eta beste hitzordu baten zain geratu beharko dute.
"Guztiok oporretan pentsatzen dugu, baina ez dezagun ahaztu pandemia egoeran jarraitzen dugula eta gure ingurua defendatzeko tresnarik onena txertoa jartzea dela", azpimarratu zuen.
Euskadin milioi bat dosi baino gehiago jarri dira (1.003.740) eta biztanleen % 34k dute pauta osoa. "Iristen den guztia inokulatzen dugu", esan zuen sailburuak, eta aste honetan Euskadira Pfizerren 112.320 txerto (aurreikusitakoa baino % 12 gutxiago), Janssenen 6.700 dosi eta Modernaren 14.400 iritsiko direla iragarri zuen.
Txertoek pandemiaren bilakaeraren "datu itxaropentsuak" eragiten dituztela azpimarratu zuen, baina zuhurtzia eskatu zuen, EAEko osasun sistemak "tentsioan" jarraitzen duelako eta pandemia oraindik indarrean dagoelako.
Astelehenean hasi ziren 49 urteko pertsonak immunizatzen, eta 49 eta 40 urte artekoak txertatzen jarraituko dute datozen egunetan.
60 urte baino gutxiago dituzten eta AstraZenecaren lehen dosia jaso duten oinarrizko kolektiboetako pertsonei dagokienez, sailburuak jakinarazi zuen horien % 70 Pfizerren txertoa onartzen ari direla prozesua amaitzeko.
BIDEOA: EAEk ez du aurreikusten oporretan datozenak hemen txertatzea
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP8ko auto-ilarak Orioko zubian, baina errei batek itxita jarraitzen du Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.