Bilbon lau hiri Hondartza Berde egongo dira berriro larunbatetik aurrera
Bilboko Udalak lau hiri Hondartza Berde irekiko ditu berriro larunbat honetan, hilaren 12an, itzala, ura eta dutxak bermatuta dauden lau lekutan, osasun neurriak beteko dituen aisialdia sustatzeko helburuarekin.
Zehazki, eguzkia hartzeko eremuak jarriko dituzte San Antonion, Ibaiederren eta Etxebarrian, eta dutxak jarriko dituzte Arraiz mendian, Udalak jakitera eman duenez.
Hondartza Berdeen denboraldia kanpoko igerilekuenarekin batera hasiko da, larunbatean, eta irailaren 12an amaituko da.
Ekimen horren helburua, 2020an ere martxan jarri zena, osasun egoera honetan oraindik nahitaezkoak diren distantzia fisikoa zainduta oporraldian jarduerak egiteko aukera ematea da.
San Antonion, Ibaiederren eta Etxebarrian eguzkia hartzeko eremuak mugatuko dituzte, baina Arraiz Mendian ez dute halakorik egingo, iaz ikusi zutelako ez dela beharrezkoa, lekuaren tamaina kontuan izanda.
San Antonio parkean sei dutxa, hiru iturri, komun publiko bat, mahaiak, bankuak, haur jolasak eta kirol jarduerak egongo dira. 110 eremu zehaztuko dituzte, borobilak, 4 metroko diametrokoak, eta 2 metroko distantziarekin elkarren artean.
Etxebarria parkean, berriz, 8.000 metro koadro bideratuko dituzte hondartza berdera, 232 eremutan banatuta. Horiek ere 4 metroko diametrokoak izango dira, 2 metroko distantziarekin, eta komunak, iturriak eta dutxak jarriko dituzte.
Ibaiederren kasuan, 120 eremu borobil jarriko dituzte, baldintza berberetan, eta bertan ere egongo dira komunak, iturriak eta dutxak.
Zure interesekoa izan daiteke
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik".
Eric Courdyren heriotzagatik auzipetutako boxeolari ohiak barkamena eskatu eta bere gain hartu du hilketa
"Egindakoa onartzen dut eta barkamena eskatzen diot biktimaren familiari", esan du lehen saioan. 09:00etan hasi dira Verin epaitzen, hilketa gertatu zenetik ia bi urtera.
Bikotekideak 13 labankada eman zizkion Maialen Mazoni, "hiltzeko asmoarekin", fiskalaren arabera
45 urteko espetxe zigorra eskatu du Fiskaltzak hiltzailearentzat, Zigor Kodeak baimentzen duen zigorrik handiena. Zehazki, 25 urte azpikeriaz eta ankerkeriaz egindako hilketagatik (emakumea labankadaz hil zuen), 8 urte bi abortu delituengatik eta 4 urte adingabea (onik atera zen 2 urteko alaba) abandonatzeagatik.
34 urteko gizon bat atxilotu dute Iruñean, sexu-erasoa egotzita
Atxiloketa Nafarroako hiriburuko Udaltzaingoak egin zuen, igandeko lehen orduan.
Datorren ikasturtean Lanbide Heziketako 74.963 plaza eskainiko dira EAEn, inoiz baino gehiago
Berrikuntza gisa, Lanbide Heziketako plazen % 50 emakumeentzat gordeko dira 2026-2027 ikasturtetik aurrera.
Lehiaren Euskal Agintaritzak isunak jarri dizkie eskola garraioko 31 enpresari, Hezkuntza Sailari boikota egiteagatik
2023-2024 ikasturterako lehiaketan, Gipuzkoako ibilbideak baino ez ziren esleitu. Horregatik, Eusko Jaurlaritzak agindu bat argitaratu zuen, aurretik Bizkaian eta Araban esleipendun izan ziren enpresak zerbitzua betetzera behartzeko.
Aldentze aginduen inguruan zeukan protokoloa aldarazi zion Ertzaintzari Maialen Mazonen hilketak
Maialen "arrisku handiko" biktima zen indarkeria matxistarekin lotutako kasuak aztertzen dituen Estatuko VioGen sistemaren arabera. Ertzaintzak, ordea, "arrisku txikiko" biktimatzat jo zuen. Antza denez, Polizia Nazionalaren VioGen sistemako eta Ertzaintzaren EVA sistemako artxiboak ez zetozen bat. Bestalde, Ertzaintzak berak kasuaren inguruan egindako balorazioak ere huts egin zuen.
2025ean 13.297 haur jaio ziren EAEn, 2024an baino %2,8 gehiago
2025eko azken hiruhilekoan, 3.438 jaiotza izan ziren Euskal Autonomia Erkidegoan, hau da, iazko aldi berean baino % 6,1 gehiago, Eustaten datuen arabera.
Bi pertsona atxilotu dituzte Donostiako Herrera auzoko pabiloi batean izandako suteagatik
Sua goizaldean piztu da, Zardoya fabrika zaharreko gela batean. Ondorioz, lau pertsona zauritu dira eta horietako bat Donostia Ospitalera eraman dute. Hiru lagun tokian bertan artatu dituzte, kea arnasteagatik. Lehen ikerketen arabera, sutea nahita piztu dute.