Musuko batek covid-19 infekzioa antzeman dezake 90 minutuan
Biosentsore eramangarriak dituen maskara prototipo berri batek 90 minututan diagnostikatu dezake, musukoa daraman pertsonak covid-19az kutsatuta dagoen ala ez, Natute Biotechnologyk argitaratu duen ikerketa baten arabera. Azterlanak adierazten duenez, teknologia bera beste patogeno eta toxina batzuei ere egokitzea posible izango litzateke.
Massachusettseko Institutu Teknologikoko eta Harvardeko Unibertsitateko ingeniariek diseinatu dute maskara hau, eta erabili eta botatzeko sentsore ñimiño batzuk ditu, beste aurpegi-maskara batzuei akoplatzeko modukoak.
Maskaran ur-biltegi txiki bat dago, erabiltzailea proba egiteko prest dagoenean botoi bat sakatzean askatzen dena. Honek SARS-CoV-2 sentsorearen osagai liofilizatuak hidratatzen ditu, eta hauek maskararen barnean metatutako arnasa tantak aztertzen dituzte.
Emaitzak 90 minututan daude eskuragarri, eta maskararen barruan baino ez dira erakusten, pribatutasuna errespetatzeko.
Harvardeko Unibertsitateko Peter Nguyen ikertzaileetako batek nabarmendu duenez, "Diagnostiko laborategi oso bat biologia sintetikoan oinarritutako sentsore txiki batera murriztu dute, edozein maskararekin funtzionatzen duena eta PCR proben zehaztasun handia antigeno testen azkartasunarekin eta kostu txikiarekin konbinatzen duena".
Taldea sentsore eramangarriei buruzko lana 2020. urtearen hasieran amaitzen ari zen, covid-19a munduan zehar hedatzen hasi zenean, eta bere teknologia SARS-CoV-2 birusa diagnostikatzeko modu bat sortzeko erabiltzea erabaki zuten.
Zure interesekoa izan daiteke
Elon Musk bat dator Anthropic eta OpenAI lehiakideekin, adimen artifiziala moteldu behar dela
Anthropiceko Dario Amodeik adimen artifizialaren (AA) garapena moteltzeko eskatu zuen ostiralean, segurtasun arriskuengatik, eta eskaera horren alde egin dute lehiakideek, OpenAIko Sam Altmanek eta xAIren sortzaile Muskek. OpenAIko eta Anthropiceko liderrek iragarri dute ebaluatzaile independenteei beren sistemak ikuskatzea ahalbidetuko dietela, baina Muskek ez du hori argitu.
Ceutako 860 migratzaile baino gehiago aldi baterako instalazio egokitu berri batera eraman dituzte
Jaurlaritzak 4.300 plaza inguru izango ditu aldi baterako, eta datozen egunetan 6.000 plaza baino gehiago izango direla aurreikusi du.
AEBk Kuban ezarritako "setioa" salatu dute Bilbon, Silvio Rodriguezen kontzertuaren aurretik
Manifestariek Kubako eta hainbat herri zapalduren banderak eraman dituzte. "Nazio Batuetan urtero giza eskubideen urraketa masiboa gaitzesten den arren, gobernu gehienak geldi daude", salatu dute. "Argia eta Indarra Kubarentzat. Blokeoaren aurka, Energia Kubarentzat" kanpaina solidarioa babesteko ere balio izan du protestak.
Oihane Mateos Oria, duela gutxi hildako lankide eta laguna, gogoan izan du Dani Alvarezek Gasteizko FesTVal jaialdian
Aste gogorrak izan dira azken hauek Orain eta EITBko Albistegietako lantalde guztiarentzat. Dani Alvarez lankideak Gasteizko FesTVal jaialdian esan duen bezala, "bizitzako injustizia bategatik goizegi joan berri da Oihane Mateos Oria". Bere irribarrea, energia eta lanerako grina beti izango dira gure artean, ordea. Hemen Daniren hitzak gaur iluntzean, sari bat banatu aurretik.
Zarrakazteluko baso sutea eragindakoa ote den ikertzen ari dira
Garrak atzo piztu ziren Corral Nuevo inguruan, eta gaur arratsaldean egonkortu dituzte. Eremuan ez zegoen nekazaririk lanean, eta, hori dela eta, Foruzaingoak susmoa du nahita piztutakoa izan zela.
Bost gasolindegi Margaritan, 30 laguneko herrian, bizilagunen desesperaziorako
Gasteizko Margarita kontzejuan, bizilagunak kexu dira beste gasolindegi bat jarri nahi dietelako, bosgarrena bailitzateke. 30 bat biztanle diren herrixka honetarako sarbideak dagoeneko kolapsatuta daudela diote, eta gainera salatzen dute, kamioi gidariek ez dutela askotan oso gizalegez jokatzen.
Logroñon desagertutako 83 urteko gizon baten gorpua aurkitu dute Vianan
Hilotza Iruñeko Auzitegiko Institutu Anatomikora eraman dute, autopsia egin diezaioten.
54 urteko motorzale bat hil da Gasteizen izandako istripu batean
Istripua AP-1etik N-622ra doan zatian gertatu da, Arabako hiriburuan. Larrialdi-zerbitzuak biktima suspertzen saiatu dira, baina ez dute lortu.
Motozerra bat martxan zuela hainbat pertsonaren atzetik ibili den gizon bat atxilotu dute Getxon
Ustezko erasotzailea, polizia-aurrekariak dituena, arma zuri batekin zauritu dute atxilotu aurretik.
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.