Bea Sever: “Adingabeei dagokienez, trans lege berria atzerapausoa da”
Espainiako Ministroen Kontseiluak astearte honetan onartuko du trans eta LGTBI legeak bateratzen dituen aurreproiektua. Berritasun nagusiena denak Erregistro Zibilari eragiten dio. Horren arabera, 14 urtetik gorakoek beren sexua aldatu ahalko dute Erregistro Zibilean, medikuaren txostenik edo tratamendurik behar izan gabe. Horretarako nahikoa izango da pertsona horrek aldaketa egiteko nahia adieraztea. Naizen Arabako, Bizkaiko, Gipuzkoako eta Nafarroako adingabe transexualen familien elkartetik salatu dutenez, adingabeei dagokienez atzerapausoa da. Izan ere, Auzitegi Konstituzionalak 2019an emandako epai batek aukera hori aitortzen die, zenbait kasutan, 11 eta 12 urtekoei ere.
Naizen elkarteko bozeramaile den Bea Severren esanetan, legeak ekarriko duen aurrerapauso bakarra 14 urtetik gorakoei norbere identitatearen autodeterminazioa aitortzearena da.
Arau berriak hiru adin tarte zehazten ditu: 12 urtetik beherakoak, 12 eta 14 urte artekoak eta 14 urtetik gorakoak. Lehendabizikoek ez dute autodeterminazio eskubiderik izango (izena aldatu ahalko dute), bigarrengoek epaitegietako onespena beharko dute eta hirugarrengoek, ostera, nahikoa izango dute beren sexu identitatea zein den adieraztearekin. Dena dela, 16 urtez azpikoek gurasoen baimena ezinbestekoa izango dute.
Interesa duen pertsonak Erregistro Zibileko funtzionarioaren aurrean agertu beharko du hiru hilabetera berriro erabakia berresteko eta gauzatzeko.
Bea Sever lege aurreproiektua lantzen aritu da beste kolektibo batzuetako kideekin eta Espainiako Gobernuko ordezkariekin batera. Azkenean ez da ordea trans lege espezifiko eta integralik onartuko eta, besteak beste, horregatik etsipena agertu du Naizen elkarteko ordezkariak.
PSOEren eta Unidas Podemosen arteko gobernu akordioaren arabera bi lege izan behar zutenak, trans legea batetik eta LGTBI legea bestetik, bakar batean bildu ditu Espainiako Gobernuak.
Albiste gehiago gizartea
Hiru adin txikiko zauritu dira Castro Urdialesen, atrakzio batean istripua izanda
Gurutzetako Ospitalera eraman dituzte hiru zaurituak. Batek pronostiko erreserbatuko zauriak ditu, eta beste biak arin zauritu direla jakitera eman da.
Maiatzean Bakion desagertutako gizonarena izan daitekeen gorpua aurkitu dute Asturiasen
Maiatzaren 27an, 52 urteko gizon bat desagertu zen Bakioko hondartzara joan ostean. Euskadiko larrialdi zerbitzuek abisua jaso bezain pronto hasi zituzten desagertua aurkitzeko lanak baina ez zuten lortu. Matxitxakoko lurmuturraren eta Lemoizen artean itsasoan egin ziren miaketak.
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.