Kutsatzeak harrotu egin dira berriro Nafarroan, 113 kasu atzeman baitituzte
Koronabirus kasuak hanpatuta, ehunekoaren langa gaindituta, daude azken orduetan Nafarroan. Zehazki, 113 positibo atzeman dituzte, Foru Gobernuak emandako datuen arabera.
Maiatzaren 6tik zenbatutako kopuru altuena da (125 kutsatze izan ziren ordukoan). Gainera, bezperan baino 45 gehiago dira, duela astebete baino 62 gehiago eta duela 14 egun baino 66 gehiago.
Atzokoan 1.550 proba diagnostiko egin zituzten (bezperan baino 75 gehiago) eta horietatik % 7,3 positibo izan ziren. Positibotasun tasa hiru puntu igo da.
Orokorrean izandako kutsatzeen gorakada horrek udalerrien datuetan ere izan du isla. Corellan zortzi positibo zenbatu dituzte, eta Tuteran, zazpi. Barañainen eta Iruñeko Sarriguren auzoan, azkenik, bosna kasu hauteman dituzte.
Erietxeetako egoerari dagokionez, ostegunean pertsona bat ospitaleratu zuten, eta guztira, 23 dira erietxeetan dauden gaixoak. Sei egoera kritikoan daude, ZIUan. Ez da inor hil azken orduetan, eta hortaz, pandemia hasi zenetik zendutakoen kopurua berdina da (1.192).
Txertaketari dagokionez, atzokoan 8.856 txerto jarri zituzten. Guztira, 616.583 prestakin ipini dituzte eta 259.359 pertsonak pauta osoa dute.
Atzoko gorakada nabarmena gorabehera, Nafarroa alerta-maila baxuan dago. Hala, Foru Gobernuak ostalaritzako eta gaueko aisialdiko edukiera eta ordutegiak zabaldu ditu.
Zure interesekoa izan daiteke
Meta eta Google, 2,6 milioi euro ordaintzera behartuta, gazte bati eragindako menpekotasunagatik
Antsietatea, depresioa edo gorputz-dismorfia dira gazteak pairatutako kalteetako batzuk. “Haurrentzat mendekotasuna sortzen duten eta kalte egiten duten produktuak diseinatzen dituzte”, adierazi du abokatuak.
Hondarribiak gaur onartuko du bere II. Berdintasun Plana, Alardearen inguruko gatazka bideratzeko neurriak jasoko dituena
Planak “emakumeen eskubideen defentsan jasandako indarkeria aitortzeko formulak" bilduko ditu.
Albiste izango dira: Korrika zuzenean, krisi energetikoaren aurkako neurriak eta hauteskunde sindikalak Ertzaintzan
Gaurkoan Orain-en albiste izango direnen laburpena, bi hitzetan.
?fmt=png-alpha&qlt=80)
Ikerbasquek 30 ikertzaile erakarri eta 49 milioi euro baino gehiago bildu zituen 2025ean ikerketarako funtsetan
Urtearen amaierarako, 35 herrialdetako 417 profesional zeuden, eta 1.685 lagunek fundazioko langileek gidatutako taldeetan lan egiten zuten.
Kasua artxibatu ostean, Justizian sinestea zaila egiten zaiela adierazi du Amaya Zabarteren senarrak
Epaileak Amaya Zabarteren kasua artxibatzea erabaki zuen atzo, eta familiak helegitea jarri du gaur. Haren bikotekideak, Joseba Novoak, haserre eta minduta daudela dio. Deitoratu du epaileak ertzainen bertsioa soilik izan duela kontuan, lekukoen testigantzak eta frogak alde batera utzita. Probintzia Auzitegira begira itxaropentsu dago, justizia kasua hara heldutakoan iritsiko zaielakoan.
Eureka! Zientzia Museoak ekainaren amaieran itxiko ditu ateak, 25 urteren ondoren
Kutxa Fundazioak ATENEA proiektua bultzatuko du, Tabakaleran, eta jakintza-eredu irekiagoa eta diziplinartekoa proposatuko du.
Hondarribiak "berariaz" landuko du Alardea Berdintasun Planean, "gatazkaren konponbidean aurrera egiteko"
Udal arduradunek esan dutenez, Emakundek egindako txosten batek ezartzen du Berdintasun Planak gai horri heldu behar diola, "parte-hartzean dauden desorekak direla eta".
Fiskaltzak 22 urteko eskaerari eutsi dio adingabeei sexu-proposamenak egiteagatik epaitutako Irungo irakaslearentzat
Defentsak, bere aldetik, absoluzioa eskatu du, irakasleak ustezko biktimekin "adiskidetasun" harreman soila zuela eta deliturik ez duela egin iritzita.
Benetako pobrezia % 4tik % 6,1era igo da Euskadin, gizarte-desberdintasunei buruzko inkestaren arabera
Familiek eguneroko gastuak ordaintzeko duten gaitasuna hobetu bada ere, oporretan joateko eta hamar urte baino gutxiagoko autoa izateko zailtasunak areagotu dira.
Eder Perez (BFF): "Epaileen aurkako indarkeria desagertu egin behar da, eta epaileen batzordeak hartzen dituen erabakien alde gaude, % 100ean"
Bizkaiko Futbol Federazioaren presidenteak argi adierazi du "epaileak babestea" dela lehentasuna. Basaurin izandako gertaera jakin horrez gain, egoerari modu orokorrean begiratu eta epaileen kontrako indarkeriarekin amaitu beharra dagoela esan du. Haren hitzetan, Federazioak eta futbolaren egitura osoak lan egin beharko dute horretarako.