Abisu horia igande honetarako Ebro ibarrean muturreko tenperatura altuengatik
Eusko Jaurlaritzako Segurtasun Sailak abisu horia jarriko du indarrean igande honetan, Ebro ibarrean, muturreko tenperatura altuengatik; izan ere, 37 graduak harrapatu ditzakete termometroek.
Konkretuki, abisua 15:00etan hasi eta 20:00etan bukatuko da.
Euskalmeten arabera, Gasteizen tenperaturak gehiago igoko dira Bilbon eta Donostian baino, 34 gradura arte, hain zuzen. Bitartean, tenperatura baxuena 10 gradukoa izango da.
Bilbon 16 eta 27 gradu artean izango dira termometroak, eta Donostian 15 eta 26 gradu artean.
Giro eguzkitsua izango da, erdi mailako hodeiekin eta goi-hodeiekin. Kostaldean hodei itsatsiak izango dira. Arratsaldean, haizea ipar-mendebaldetik sartuko da, eta hodeiak areagotuko dira. Gauean zerua estalita egongo da.
Nafarroan, larunbat honetan tenperatuta altuenek aldaketa esanguratsurik ez dute izango, baina goizaldean minimoek gora egin ondoren, eta igandean termometroek nabarmen gora egitea espero da.
AEMETen arabera, erdialdean eta Erriberan 38 gradu harrapatuko dituzte, eta 35 Pirinioetan. AEMETek alerta horia ezarri du Foru Erkidegoan iganderako.
Lizarran gaur 15 graduko minimoa eta 30eko maximoa izango dute, Iruñean 13 eta 29 graduren bueltan ibiliko dira termometroak, Erronkarin 12 eta 30 artean eta Tuteran 18-33.
Nafarroan ostarteak edo zerua garbi egongo dela diote iragarpenek; hori bai, eguneko lehen erdian behe-hodeiak izango dira ipar-mendebaldean. Haizeak ahul joko du iparraldetik eta ipar-mendebaldetik.
Espainiako Estatuan, zortzi erkidegotako 21 probintzia tenperatura maximoengatik alertan egongo dira. Toki batzuetan termometroek 40 graduak gaindituko dituzte.
Zure interesekoa izan daiteke
Athleticek gaitzetsi egin ditu Jon Uriartek jasotako mehatxuak eta bere “babes osoa” adierazi dio
Erakundeak adierazi duenez, "errespetua irmo aldarrikatuz baino ez dugu gizarte eta Athletic hobea eraikiko".
Martxoaren 23an irekiko dute Osakidetzako EPErako izen-ematea
Probak ekainaren 19an, 20an eta 21ean egingo dira, eta horietan LEP eredu berri bat ekarriko du: test motako azterketak egingo dituzte eta nota hurrengo deialdietarako erreserbatuko da.
Euskal Herrian Euskarazek CCOO sindikatuaren mehatxua salatu eta mobilizatzeko deia egin du
Euskal Herrian Euskarazen agerraldia. Argazkia: EITB Media
Ramadanaren amaiera jendetsua Euskal Herrian
Ehunka musulman bildu dira Gasteizen eta Zumarragan islamaren hilabeterik sakratuenari agurra emateko. 2026ko otsailaren 17tik martxoaren 19ra arte, musulmanek abstinentzia egin dute egunez. Argia egon den orduetan, ez dute jan, ez dute edan (ezta urik ere), ez dute erre eta ez dute sexu-harremanik izan.
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.