Kantabriako 53 udalerritan eta Kataluniako 161etan etxeratzeko agindua ezartzea baimendu du Justiziak
Kataluniako 161 udalerritan gauean etxeratzeko agindua ezartzeko baimena eman du bertako Justizia Auzitegi Nagusiak. Generalitateak neurria planteatu zuen, covid-19 pandemiari aurre egiteko.
Fiskaltzaren irizpidearekin ados, Kataluniako Auzitegi Nagusiak gauean mugikortasuna mugatzea babestu du 01:00etatik 06:00etara, uztailaren 23ra arte, 100.000 biztanleko 400 kasu baino gehiago gainditzen dituzten 5000 biztanle baino gehiagoko udalerrietan.
Koronabirusaren intzidentzia altua ikusita, bi erkidego gehiagok, Nafarroak eta Extremadurak, etxeratzeko agindua ezartzeko baimen judiziala eskatu berri dute.
Horrela, etxeratzeko agindua ezarri nahi duten erkidegoak gero eta gehiago dira. Honezkero, Kataluniak eta Valentziak gauean mugikortasuna mugatzeko Justiziaren babesa lortu dute; orain Nafarroak eta Extremadurak Kantabriarekin bat egin dute eskaeran.
Kanariar Uharteetan, ostera, bertako Auzitegi Nagusiak erkidegoko Exekutiboaren eskakizuna atzera bota zuen. Hala ere, Angel Victor Torresen Gobernuak Auzitegi Gorenaren aurrean helegitea aurkeztuko duela iragarri du.
Etxeratzeko agindua Kantabriako 53 udalerritan
Bestalde, Kantabriako 53 udalerritan gehienez sei pertsoen arteko bilerak baimenduko dira, eta etxeratzeko agindua ezarriko da 01:00etatik 06:00etara. Izan ere, neurri horiek "beharrezkoak" eta "orekatuak" direla uste dute Kantabriako Justizia Auzitegi Nagusiko magistratu gehienek, birusaren "kontrolik gabeko hedapena dela eta".
Ostiral honetan emandako epaian, neurri hori hartzeko baimena eman dio Kantabriako Gobernuari, eskualdeko 53 udalerritan, besteak beste, Santanderren eta Torrelavegan eta turista gehien biltzen diren udalerri batzuetan (Castro, Laredo, Suances, Noja eta Comillas), 14 egunez.
Kantabriako Justizia Auzitegi Nagusiaren ebazpenaren arabera, neurriak "beharrezkoak" eta "orekatuak" dira; izan ere, "koronabirusaren transmisioa kontrolik gabe dago, eta Kantabrian inoiz izandako positibotasun-tasarik handiena pilatzen ari da".
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.