Asteazkenetik aurrera etxeratzeko agindua ezarriko dute muturreko arriskuan dauden Nafarroako udalerrietan
Maria Chivite Nafarroako presidenteak datorren astetik aurrera Foru Erkidegoan indarrean sartuko diren neurriak aurreratu ditu, covid-19 pandemiaren bilakaera ikusita. Datorren asteazkenean indarrean sartuko diren neurriak hiru izango direla azaldu du buruzagiak: muturreko arriskuan dauden udalerrietan etxeratzeko agindua 01:00etatik 06:00etara; bilerak 10 pertsonara mugatuko dituzte kanpoaldean, eta herri bazkariak, kalejirak eta kaleko zezen-festak bertan behera geratuko dira.
Muturreko arriskuan dauden udalerrien zerrenda bat argitaratuko dutela erantsi du Nafarroako presidenteak, etxeratzeko agindua non aplikatuko den zehazteko.
Koronabirus kasuak atzemateko orduan "Nafarroa buruan" dela azpimarratu du Chivitek: "Kasuak bilatzen baldin badituzu, azkenean aurkituko dituzu". "Autobusetan baheketa egin duen erkidegorik ez dut ikusi", gogorarazi du.
"Ospitaleratzeen gorakada txiki bat izaten ari gara", onartu du.
"Arriskuan diren udalerrietan bereziki, neurri oso kirurgikoak" hartzearen alde agertu da Chivite. "Osasun publikoaren eta ospitaleen egoeraren inguruko beharrezko txostenak aurkeztuko ditugu, auzitegiek neurriak babes ditzaten", ziurtatu du agintariak.
Santos Indurain Osasun kontseilariak neurrien inguruko xehetasun gehiago eman ditu 12:00etan, prentsaurrekoan. Neurri berriak uztailaren 21eko 00:00etan sartuko dira indarrean, asteartetik asteazkenerako gauean, eta gutxienez uztailaren 29ra arte, osteguna, izango dira indarrean.
Gaurko datuekin etxeratzeko agindua "Nafarroako udalerrien ia % 80an" indarrean sartuko litzatekeela adierazi du.
"Ospakizunekin eta bidaiekin lotutako agerraldiak" saihesteko helburua dutela azaldu du Indurainek.
Zentzu horretan, Osasun kontseilariak jakitera eman duenez, Salouko agerraldiak dagoeneko 1700 positibo utzi ditu Foru Erkidegoan. Gainera, Lesakako baheketak 150 kasu baieztatu ditu. Azken orduetan 10 ospitaleratze izan dira Nafarroako ospitaleetan, horietako bi ZIUn.
Indurainen ahotan, neurriak "gutxienekoak eta ezinbestekoak" dira, pandemiari aurrea hartzeko eta positibo kopurua murrizteko. "Bizitza sozial, ekonomiko eta emozionalean eraginik txikiena izateko esku-hartze kirurgikoa bilatzen dugu", erantsi du.
"Batez ere lehen arretan nabaritzen ari dira positiboen gorakada eta intzidentzia handia", onartu duenez.
Positibo berrien % 90 Delta aldaera "kutsakorragoak" eragin dituela esan du kontseilariak.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.