622 positibo berri zenbatu dituzte Nafarroan, 131 Bortzirietan
Nafarroan beste koska bat egin dute gora kutsatzeek, eta 622 zenbatu dituzte, Foru Gobernuak emandako datuen arabera.
3.978 proba diagnostiko egin dituzte eta horietatik % 15,6 positibo izan dira.
Ostegunari dagozkion datuek urriaren 29ko maximotik gertu utzi dute Erkidegoa, orduko hartan 698 kasu zenbatu baitzituzten. Duela zazpi egun atzemandakoak baino 347 gehiago dira, eta duela bi aste baino 509 gehiago.
Ez-sanferminen testuinguruan, transmisioak gora egin du nabarmen azken egunetan Lesaka inguruan. Asteazkenean egindako baheketa masiboak eta positiboen kontaktu estuei egindako testek are gehiago igoarazi dituzte Bortzirietako datuak. Hala, 131 positibo zenbatu dituzte bost udalerriotan: 65, Lesakan; 40, Beran, 14, Igantzin eta 6na Etxalarren eta Arantzan. Gainerakoan, kezkagarria izaten jarraitzen dute Iruñeko hainbat auzotan zenbatutako kutsatzeek ere: Arrotxapean 27 izan dira, eta Mendillorrin, 25.
Erietxeetan ere hasi da nabaritzen kutsatzeen gorakada. Azken orduetan 10 pertsona ospitaleratu behar izan zituzten, eta beste bi gaixo sartu ziren ZIUan. Horrenbestez, guztira, 40 lagun daude gela arruntetan eta 10 zainketa intentsiboetako unitatean. Zorionez, baina, ez da inor hil covid-19ak jota, eta pandemia hasi zenetik 1.193 dira zendutakoak.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.