Zazpi pertsona atxilotu dituzte Zornotzako erasoarekin lotuta
Zazpi pertsona atxilotu dituzte dagoeneko asteburuan Zornotzan (Bizkaia) gazte bati emandako jipoi basatiarekin lotuta. Bost behintzat adingabeak dira, eta horietako bat bere bakuz joan da Erandioko ertzain-etxera, tutore legalarekin batera.
Polizia-operazioa zabalik dago oraindik, eta, beraz, baliteke hurrengo orduetan atxiloketa gehiago egitea.
Bien bitartean, biktimak oso larri jarraitzen du, Gurutzetako Ospitalean.
Erasoa asteburuan jazo zen, Zornotzan. 15 bat pertsonak (horietako asko, adingabeak) jipoitu zuten biktima, sare sozialetan zabaldu diren irudietan ikus daitekeenez.
Iñigo Urkullu lehendakariak ohartarazi du erasoak "muga onargarri guztiak" gainditu dituela, eta "konpromiso sozialik handiena" eskatu du horrelako jarrera "onartezinak" desagerrarazteko. Halaber, "erabateko elkartasuna" adierazi die biktimaren familiari eta ingurukoei, eta Ertzaintza erasotzaileak atxilotzeko lanean ari dela azpimarratu du.
Gaitzespen elkarretaratzeak
Lemoako Udalak (biktima bertakoa da) elkarretaratzea deitu du ostegunerako, 20:00etan, udaletxearen aurrean, gertatutakoa salatzeko.
Udalak elkartasuna adierazi dio gaztearen familiari, eta "jarrera eta jokabide bortitz horiek" arbuiatu ditu. Era berean, "pandemiaren ondorioei diziplina eta hezkuntza anitzeko ikuspuntutik heltzeko beharra" azpimarratu du, "hezkuntza, prebentzioa eta tolerantzia ardatz hartuta".
Asteartean, Zornotzan, ehunka pertsonak protesta egin zuten, ostalariek eta hainbat gizarte mugimenduk deituta, "hau ez da eraiki nahi dugun herria" lelopean.
Zure interesekoa izan daiteke
Baionako gotzainak Urruñako erretorea baztertu du adingabe batek sexu-abusu salaketa jarri diolako
Marc Ailletek Baionako elizbarrutian apaiz gisa jardutea debekatu dio Xavier Zabaletari, Besiers herrian adingabe bati ustez egindako abusuen salaketa baten berri izan ostean. Zabaletak ukatu egin ditu akusazioak.
Eskisabel: "Norbanakoen esku utzita, nekez egingo du aurrera euskarak; baldintza politikoak behar dira"
Larunbatean Iruñean egingo den Euskaltzaleen Martxaren atarian, Idurre Eskisabel Euskalgintzako Kontseiluko idazkari nagusia itxaropentsu mintzatu da, eta ekitaldi jendetsua izatea aurreikusten dutela ziurtatu du. Herritarren inplikazioa eskatzeko ez ezik, agintariei mezu zuzena helarazteko ere baliatuko dute hitzordua. Euskaraz bizitzeko eskubidea bermatzeko, baldintza sozialak, politikoak, kulturalak eta materialak behar direla aldarrikatuko dute.
Larunbatean Iruñeko kaleak euskaltzalez betetzeko azken deia egin du Kontseiluak
Nafarroako hiriburuko kaleak zeharkatuko dituzten hiru zutabeen pankarten diseinuak eta egileak iragarri dituzte, hain zuzen ere, gaurkoan. Hartara, zutabeen hasieran, gizarte zibileko hiru kolektibok botako dituzte pregoiak eta txupinazoa: Azterketak Euskaraz mugimenduak, euskarazko eduki sortzaileek, eta Batuz Aldatuko talde eragileak.
25 urteko kartzela zigorra berretsi du Auzitegi Gorenak Nelson David Morenorentzat, hilketa, lapurreta eta iruzurra egotzita
Bizkaiko Auzitegiak eta, ondoren, Euskal Autonomia Erkidegoko Auzitegi Nagusiak errudun jo zuten Nelson David Moreno, eta gaur, astelehenarekin, Auzitegi Gorenak gaitzetsi egin du akusatuaren defentsak epaiaren aurka jarritako kasazio errekurtsoa.
Leon XIV.a aita santuak migratzaileei babesa, harrera eta integraziorako benetako aukerak ematea eskatu du
Historian lehen aldiz, aita santu batek hitzaldia eman du Espainiako Kongresuan. Besteak beste, abortuaren eta eutanasiaren kontra hitz egin du, estatuen berrarmatzea salatu eta aurkaria deskalifikatzea kritikatu.
Espainiako Gobernuak preskripzio epea zabaltzeko legea blokeatu duela salatu dute Elizaren abusuen biktimek
Reparacion Integral Ya (RIYA) elkarteak Leon XIV.a aita santuari eskatu dio pederastia delituen preskripzio epeak luzatzearen alde egiteko. Halaber, Felix Bolaños Presidentetzarako eta Memoria Demokratikorako ministroak Kongresuan agerraldia egin dezala eskatzeko galdegin die talde parlamentarioei.
Albiste izango dira: EITB Data, aita santua sexu abusuen biktimekin bilduko da eta Iran-Israel gatazka
Gaurkoan Orain-en albiste izango direnen laburpena, bi hitzetan.
Aita santua Elizak egindako sexu abusuen biktimekin bilduko da arratsaldean
Madrilen egingo duen azken egunean batzartuko da Leon XIV.a biktimekin, Kongresuan hitzaldia eman eta gero.
Zopak, tortillak eta izozkailukoak dira gehien kontsumitzen diren aurrez prestatutako platerak
Zopak eta kremak janari prestatuaren kontsumoaren liderrak dira; pizzak, ordea, pisua galdu du, eta jateko prest dauden plater berriak goraka doaz.
Gero eta gutxiago kozinatzen dugu: aurrez prestatutako plateren kontsumoa % 150 hazi da Euskadin, eta % 133 Nafarroan
Euskadik eta Nafarroak etxeko elikagaien kontsumoa murriztu dute janari prestatuaren erosketa handitzen den bitartean.