CSIC eta Biofabriren txertoaren entsegu klinikoa atzeratu dute
Espainiako Bioteknologia Zentroak —Zientzia Ikerketen Kontseilu Nagusiko (CSIC) organismoa— eta Biofabri farmazia enpresak garatutako txertoak ez du lortu Osasun Produktuen Espainiako Agentziaren (AEMPS) baimena. Hala, CSICek Europa Press agentziari jakitera eman dionez, oraindik ezinezkoa izango da txertoa gizakietan probatzea.
CSICen iturrien arabera, AEMPSen balorazio txostenaren zain daude, oraindik ez baitakitelako zergatik ukatu zaien entsegu klinikoarekin aurrera egiteko lizentzia.
Gainera, Osasun Produktuen Espainiako Agentziak hainbat komunikabidetan agertutako informazio faltsua salatu du. Bada, argitu dute txertoaren esperimentuan parte hartutako makakoetako bat ez dela birikietako lesioarengatik hil. CSICek azaldu duenaren arabera, makakoaren autopsian agerikoa zen biriki lesioa, baina ez zen hori izan animaliaren heriotzaren zergatia.
Txertoaren entsegua 1 fasean dago, eta dagoeneko bilatzen hasitako ehunka boluntario ziren ikerkuntzan parte hartzekoak. Mariano Esteban eta Juan Garcia Arriaza dira ikerketa buruak, eta lantaldeak Madrilgo La Paz ospitalea aukeratu zuen ukatu berri zaien entsegu klinikoa gauzatzeko.
CSICen covid-19aren kontrako hiru txerto proiektu ikertzen ari dira. Horietatik aurreratuena zen arestian aipatutako lantaldearena, arratoiekin egindako saioetan % 100eko eraginkortasuna lortu baitzuen.
¿Nola funtzionatzen du txertoak?
Mariano Estebanen eta Juan Garcia Arriazaren proiektuan, SARS-COV-2aren proteinan sartzen dute txertatuaren gorputzean, baztangaren familiako birus indargabetu baten bidez.
Horrela, proteina horren kontrako antigorputzak sortuko ditu txertatutako pertsonaren organismoak, immunitatea lortuz.
Albiste gehiago gizartea
Sindikatuek "propagandatzat" jo dute Osakidetzak Lehen Mailako Arretako 13 zentrotan psikologia zerbitzua eskainiko duela iragarri izana
ELA eta LAB sindikatuek ohartarazi dutenez, psikologo hauek "ez dute espezialitaterik, eta ezin izango dute tratamendurik diagnostikatu edo bideratu". Lehen Mailako Arretako osasun zentroetan psikologia zerbitzua ezarriko duen proiektu pilotua aurkeztu die Eusko Jaurlaritzako Osasun Sailak Osakidetzako sindikatuei. Osasun Sailak iragarri duenez, helburua "anbulatorioetako arreta emozionalaren irisgarritasuna hobetzea" da.
44 urteko gizonezko bat hil da Arrigorriagan, autoarekin BI-3723 errepidetik AP-68ra erorita
Lau metrotan behera erori da ibilgailua. Pertsona bakarra zihoan barruan, eta tokian bertan zendu da.
EITBren "Glaziarrak agurtzen" lanak aitortza lortu du nazioarte mailan, Venice TV Awards sarietan
Nazioarteko telebista-programen berrikuntza eta bikaintasuna saritzen dituzte Veneziako Telebista golardoek, eta Cross Platform Programming atalean izendatu dute proiektua, EITBk eduki berritzaile eta hainbat euskarritan emititzearen alde egindako apustua aitortuta. Glaziarrak agurtzen PRIMERANen, Euskal Telebistan eta ORAINen estreinatu zen, guztietan egokitutako lengoaia eta formatuak erabilita.
Osakidetzak psikologia zerbitzua emango du Lehen Arretako 13 zentrotan
Gipuzkoako lau zentrotan, Arabako bitan eta Bizkaiko zazpitan arituko dira psikologoak. Lehen Arretako gaixoen ongizate emozionalaren erreferente izango dira psikologo horiek, kasu arinenak ere artatuz, eta familia-medikuaren eta ospitalez kanpoko osasun mentala artatzeko zentroen arteko bitartekari moduan jardungo dute.
Aurkikuntza arkeologiko oso garrantzitsua Iruñean: Barbazan dorrearen barruan dagoen Kalonjeen atea
Iruñean, arkeologia aurkikuntza bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Nahi izanez gero, bisita gidatua egiteko aukera dago.
Giza Eskubideen Behatokiak kereila bat bultzatu du 1974ko Asturiagako segadagatik
Behatokiak iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzengatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.