Hamar emakume haurdun ospitalean daude Euskadin, horietako bi ZIUn
Gotzone Sagardui Eusko Jaurlaritzako Osasun sailburuak emakume haurdunak txertatzearen "garrantzia" azpimarratu du astearte honetan. Hamar emakume umedun ospitalean eta horietako bi ZIUn daudela jakinarazi du.
Dagoeneko 2.005 emakume haurdunek txertaketa bukatu dutela erantsi du sailburuak, Bilbon egindako agerraldi batean.
Gainera, emakume haurdunen % 45ek txertoa jasotzeko hitzordua, txertaketa amaitu edo lehen dosia jaso dutela nabarmendu du.
Jadanik biztanleriaren % 70 immunizaturik dagoela azaldu du Sagarduik, eta 1.384.000 pertsonak bi dosiak jaso dituztela. Sailburuaren esanetan, covid-19aren aurkako borrokan "itxaropena" izateko datua da.
EAEko herritarren % 70ek txertaketa bukatu dutela erantsi du agintariak, eta, horren esanetan, 12 urtetik gorakoen % 76k gutxienez dosi bat jaso dute.
"Talde immunitatea" Euskadik noiz lortuko duen galdetuta, Sagarduik ez du zehaztu, eta unean uneko aldaera nagusiaren arabera aldatzen joan dela gogorarazi du. Zentzu horretan, orain birusaren aldaera nagusia delta dela esan du.
"Joera aldaketaz" hitz egin ahal izateko oraindik "goiz" dela uste du sailburuak, nahiz eta EAEn intzidentzia metatuak 18,5 puntu behera egin.
Egunero positibo berrien "kopurua handia" dela errepikatu du arduradunak. "Zenbateko kezkagarriak dira, eta denbora itxaron behar dugu, datozen egunetako bilakaera ikusi arte", ohartarazi duenez.
Aurreko olatuetan baino "abiadura txikiagoan", baina osasun zentroetan eragina izaten ari dela azpimarratu du sailburuak. Positibo berrien kopurua ikusita, ospitaleratzeak eta pazienteak ZIUetan areagotzea espero dute.
Adinekoen egoitzetan izaten ari diren positiboei dagokionez, "kasuez eta ez agerraldiez hitz egiten ari gara, zorionez", adierazi du Sagarduik. Hala ere, biztanleriaren sektore zaurgarri hori babesteko bilakaera adi jarraitzea eskatu du.
Azkenik, Euskadik etxeratzeko agindurik ez duela eskatuko aurreratu du sailburuak; izan ere, herritarrak gaueko mugikortasuna mugatzeko gomendioa betetzen ari direla uste du Eusko Jaurlaritzak.
Gainera, "justiziarekin" izandako "eskarmentua" gogorarazi du Exekutiboak, EAEko Auzitegi Nagusiak indarrean jarritako neurri murriztaileak bertan behera utzi ondoren.
Zure interesekoa izan daiteke
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
3,5 kilometroko auto-ilarak AP-8an, Orioko zubian izandako istripu baten ondorioz
Kamioi baten eta auto baten arteko talkak ilarak eragin ditu AP-8an, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.
Horrela eragingo dio Behobia-Donostia lasterketak trafikoari
Igandeko lasterketa herrikoiak eragina izango du trafikoan, autobusen ibilbide eta geltokietan, TAO zerbitzuan eta lurrazpiko aparkalekuetan. Ia 28.000 korrikalarik hartuko dute parte eta milaka izango dira ikustera hurbiltzen direnak ere. Donostiako Udalak garraio publikoa erabiltzeko gomendatu du. 09:45etik aurrera, ETB1en eta eitb.eus-en jarraitu ahal izango da zuzenean.