Hirugarren dosia izango da gaur arratsaldeko Lurralde Arteko Osasun Batzordean gai nagusia
Osasun Ministerioa eta erkidegoak berriro bilduko dira gaur arratsaldean, 16:00etan, egoera epidemiologikoaren eta txertaketa-kanpainaren ohiko errepasoa egiteko, bai eta Osasun Publikoko Zuzendaritza Nagusiaren ebazpenaren eguneratze teknikoa egiteko ere, txertaketaren jarraipena egiteko Osasun Sistema Nazionalaren informazio-sistema ezartzen duena.
Hala ere, txertoaren hirugarren dosia inokulatzearen inguruko eztabaida eta, horren inguruan Sendagaien Europako Agentzia ematekoa den ebazpena izango dira bileran gai nagusi.
Europako herrialde batzuek EMAren zain egon gabe eta AEBren bermearekin errefortzu-dosia ezartzea erabaki dute. Horren inguruan, Dariasek uztailean aurreratu zuen oso posible zela laster espainiar estatuan ere onartzea, nahiz eta Ministerioaren jarrera ebidentzia zientifiko gehiago biltzea eta Europako agentziaren iritzia itxarotea izan.
Jarrera bera dute autonomia erkidego gehienek ere, nahiz eta batzuek dagoeneko zenbait kolektibotan ezarri duten hirugarren dosi hori, batez ere egoitzen sektorean, eta gripearen txertoarekin batera jartzearen aldekoak dira batzuk, Gaztela eta Leon edo Madril kasu.
EAEn, komunitate zientifiko gehienak defendatzen duenaren ildotik, Eusko Jaurlaritzak uste du oraindik ez dagoela datu nahikorik hirugarren dosi bat jartzea komeni dela ziurtatzeko, eta OMEren eta EMAren gomendioak ezagutu arte itxarongo du.
Nafarroak txertaketa-estrategiaren eztabaidaren eta eguneratzearen arabera finkatuko du bere azken jarrera, CISNSeko Osasun Publikoaren Batzordean aztertzeko zain baitago.
Nolanahi ere, Nafarroako Osasun Saileko iturriek EFE agentziari adierazi diotenez, hiru elementu dira garrantzitsuak kontu honetan: "Zorroztasun teknikoa/zientifikoa; autonomien arteko koordinazioa (irizpide komunak izatea) eta pandemiaren ikuspegi globala, gizarte bakoitzean ez ezik, mundu mailan ere zaurgarrienak babesteak eta talde-babaesa lortzearen garrantziaren jabe".
Bestalde, txertoa aurreratzeari dagokionez, erkidego gehienek gaixotasuna pasa eta bi hilabetera aurreratzea erabaki dute, txertaketa-estrategiak sei hilabeteko epea ezartzen duen arren; Andaluziak eta Murtziak soilik itxarongo diote Osasun Publikoaren Batzordearen irizpideari.
Zure interesekoa izan daiteke
Auto-ilarak Txorierrin, Donostiarako noranzkoan, zenbait ibilgailuren arteko istripuagatik
Lau ibilgailuk talka egin dute Zamudion, eta zirkulazioa oztopatzen ari dira. BI-30ean ere istripua izan da, Barakaldon, eta auto-ilarak daude Donostiako noranzkoan.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.
Arabako eta Gipuzkoako etxebizitzetan lapurretak egin zituen gaizkile talde bat desegin dute
Estatu osoan indarra erabiliz 25 lapurreta egin izana egozten diete, eta Araban lapurreta bat egin ondoren atxilotu dituzte taldea osatzen omen zuten lau kideak.
Mugimendu sismikoak izan dira Andaluzian, denboralearen ondorioz
Intentsitate txikiko lurrikarak izan dira Cadizko mendilerroan eta Malagako hainbat udalerritan.
722 larrialdi eragin ditu larunbatean Marta ekaitzak Andaluzian, eta 11.089 lagunek etxetik kanpo jarraitzen dute
Juanma Moreno Andaluziako presidenteak ohartarazi du Ubriqueko (Cadiz) beste ehun bat bizilagun ere etxetik atera ditzaketela ondorengo orduetan lur mugimenduengatik.
Guggenheim Urdaibai proiektua "herri mugimenduak geldiarazi" duela ospatu dute Gernikan
Gernikan gaur ospatu dute Guggenheim Urdaibai proiektua bertan behera uzteko abenduan hartu zen erabakia. "Herri mugimenduaren garaipena" izan dela proiektu hori geldiaraztea, eta "herritarren borrokari esker gelditu" dela ospatu dute mosaiko erraldoi bat osatuz. Argi eta ozen aldarrikatu dute "gizarte antolatua gai dela erakunde eta agintarien burugabekeriei aurre egiteko".
Milaka lagunek Rodaliesen zerbitzu duin bat eskatu dute Bartzelonan egin dituzten bi manifestazioetan
Junts, ERC eta CUP alderdiek Paneque kontseilariaren eta Puente ministroaren dimisioa eskatu dute eguerdian. 8.000 manifestari bildu ditu protesta horrek, Udalaren arabera, eta 30.000 antolatzaileen esanetan. Arratsaldeko manifestazioan, berriz, Rodalies zerbitzuaren gainbehera salatu dute.