Eraso homofoboa salatu zuen Madrilgo gazteak bertsioa aldatu du Poliziaren aurrean
Eraso homofoboa salatu zuen Malasañako gazteak bertsioa aldatu eta zauriak egiteko baimena eman zuela azaldu du Poliziaren aurrean, Barne Ministerioko iturriek baieztatu dutenez.
Horregatik, Espainiako Poliziaren lana goraipatu du Barne Ministerioak; izan ere, gazteak erasoa salatu zuen igandean, Madrilgo Malasaña auzoan, baina "hasierako deklarazioa aldatzea erabaki du, eta hasiera batean salatutako zauriak egiteko baimena eman zuela aitortu du".
Hala ere, "ikerketak eta prozedura judizialak aurrera jarraituko du", iturriek erantsi dutenez.
Salaketa faltsuak salbuespenak dira, eta, hain justo, lehen seihilekoan % 43 hazi dira LGTBI pertsonen aurkako erasoak Estatuan. Gainera, biktimen %7k baino ez dute gertatutakoa salatzen, Europako Behatokiaren datuen arabera.
La Sexta telebistak aurreratu duenez, Poliziak gaztea arratsaldean galdekatu du berriro. Ezpainean eta ipurmasailean egindako zauriak, 'maritxu' hitza tatuatu zioten, egiteko baimena eman zuela aitortu du.
Salaketan ustezko biktimak emandako xehetasunak "bat ez" zetozela ikusi zuen Poliziak. Egunez, udako igande batean, 17:00etan, zortzi gazte kaputxadunek, buru-beroki eta jertseekin jantzita, eraso egin ziotela adierazi zuen, baina inork ez zuen ezer ikusi.
Palma kaleko zein metroko segurtasun kamerek ez zuten erasotzaileen taldea grabatu. Gainera, biktimak ez zien larrialdi zerbitzuei, Summari edo Samur Babes Zibilari deitu, Europa Pressek egiaztatu duenez.
Poliziek zonaldeko dendariak eta bizilagunak galdekatu dituzte azken egunetan, eta haiek ez zuten ezer entzun. Ondorioz, poliziek salatzailearen mugikorra eta sare sozialak aztertu dituzte, eta beste pertsona batekin harreman bitxi samarra zuela egiaztatu dute.
Orain, litekeena da gazteari salaketa faltsua leporatzea.
Albiste gehiago gizartea
Zarautzeko Udalak hondartzan erretzea eta bozgorailuak erabiltzea debekatuko du
Udalbatzak aho batez onartu zuen araudia berria, baina alegazioak aurkezteko epea zabalik egongo da abuztuaren 6ra arte.
Harresi baten aztarnak aurkitu dituzte Gasteizko Antzoki Zaharra birgaitzeko lanetan, besaulki-patioaren azpian
Arkeologoek txosten bat egingo dute aurkikuntza aztertzeko, eta, bitartean, lanek normaltasunez aurrera jarraituko dute antzokiaren gainerako eremuetan.
San Adriango kobazuloan neandertalak bizi izan zirela berretsi du Aranzadik
40.000 urte baino gehiago dituzten piezak berreskuratu dituzte arkeologoek. Aranzadik bi hamarkada daramatza Gipuzkoan, Aizkorri mendilerroan, dagoen tunel horretan indusketak egiten. Historiako garai ugaritako aztarnak aurkitu dituzte.
Euskararen aurkako azken epaia salatzeko elkarretaratzeak deitu ditu UEMAk larunbat honetan, udaletxeen aurrean
Euskarak "justizia" behar duela nabarmendu du Martin Aramendi Udalerri Euskaldunen Mankomunitateko (UEMA) lehendakaria, eta Auzitegi Gorenetik heldu dena, "ez da justizia, euskara bigarren mailara kondenatzen duen epaia baizik". "Horregatik, aukera guztiak aztertu, eta prest gaude EAEko udal legea dagokion lekuan defendatzeko, baita Europako auzitegietan ere, zerbitzu juridikoek horretarako aukera ikusiz gero", gaineratu du. Halaber, gogoratu du EAEko udal legea "mugarri" izan zela udalerri euskaldunentzat, "elebitasun simetrikoa gainditzeko eta euskara lehenesteko aukera eman zuelako".
Atzerapenarekin bada ere, iritsi dira Saharako haurrak Euskal Herrira
Agiriak tramitatzeko izan dituzten arazoen ondorioz, 15 egun beranduago iritsi dira Euskal Herrira Saharako 213 neska-mutikoak. Orain bertako familietan edota aterpetxeetan igaroko dute uda abuztu bukaera arte. Behar dituzten osasun frogak egiteaz gainera, elikadura hobetzea eta basamortuko 50 graduko tenperaturak ekiditea da Oporrak Bakean ekimenaren helburua.
Izaskun Ellakuriaga Bustintza kazetari bizkaitarra hil da
Hainbat hedabidetan aritu zen lanean, tartean Bizkaia Irratian edota 'Bertsolari' aldizkarian. Horrez gainera, erakunde ugariren komunikazio aholkularia ere izan zen, besteak beste, Gerediaga elkartekoa eta Durangoko Azokakoa.
"Torre Pachecoko migratzaileek ultraeskuinak egoera astindu aurretik zegoen bizikidetza itzultzea besterik ez dute nahi"
Asier Sanchez ETBk Torre Pachecon duen berriemaileak nabarmendu du, bertako meloi zelai batetik, poliziaren presentzia izugarria dela herrian, batez ere San Antonio auzoan. Bertan biltzen da magrebtar biztanleria. Ultraeskuindarrek beste elkarretaratze bat deitu dute gaurko, 20:00etan, baina ez dute horretarako baimenik. Torre Pachecoko bizilagunek atzoko egoera errepikatzea espero dute.
"Kezkatuta eta beldur handiarekin gaude. Nire semeak ez du etxetik irten nahi"
Joan den ostiralean 16 urteko gazte bat jipoitu zuten Torre Pachecon. Duela 23 urte Murtziako herria honetan bizi den emakume ondarroar baten eta marokoar baten semea da gaztea. Domingoren aurkako erasoa salatzeko manifestazio baketsu batera joan zen lagunekin, baina, sareetako bulo baten ondorioz, Domingoren erasotzailearekin nahastu zuten, eta pertsona talde batek lintxatu egin zuen. Amak herrian eta familian bizitzen ari diren amesgaiztoa kontatu digu.
Sareetako eduki arrazistek gora egin dute, diskurtso "oldarkorragoa eta sofistikatuagoa" erabilita
Sare sozialetan gorroto-diskurtsoa monitorizatzen duen behatokiak mota honetako 54.000 eduki baino gehiago atzeman zituen ekainean: % 81 Afrika iparraldeko pertsonei zuzenduta zeuden, eta plataformek mezuen % 29 baino ez zituzten ezabatu.
Albiste izango dira: udako helmugarik gogokoenak, abisu horia beroagatik eta elkarrizketa Domingori
Gaurkoan albiste izango direnen laburpena, bi hitzetan.