Gaixo immunodeprimituei hirugarren txertorako hitzordua ematen hasi da Osakidetza
Osakidetza dagoeneko hasi da immunodepresioren bat duten 4.500 gaixori covid-19aren kontrako txertoaren hirugarren dosirako hitzordua ematen, Espainiako Osasun Publikoko Batzordeak inokulazio prozesu horri oniritzia eman ostean. Jaurlaritzak gordeta dituen Pfizer edo Moderna farmazia-etxeen gertakinak erabiliko ditu horretarako.
Bingen Zupiria Eusko Jaurlaritzako bozeramaileak gaur goizean ETB1i eskainitako elkarrizketan azaldu duenez, aurrerantzean "oso adi" jarraituko dute "ahulen eta zaurgarrien" dauden pertsonak babeste aldera, baina, era berean, "mundu mailako txertaketarekin hartutako konpromisoa" ahaztu gabe. Horren esanetan, "pandemia mundu osokoa" da, eta, beraz, "leku guztietan txertatzen ez den bitartean, denok egongo gara arriskuan", erantsi du.
Osasun Sailak ohar batean gerora zehaztu duenez, taldea 4.500 pertsonak osatzen dute, hala nola organo solidoaren transplantearen hartzaileak, gurasoengandik jasotako transplante hematopoietikoen hartzaileak eta CD-20ren aurkako botikekin tratamenduan (minbizia kasu batzuetan erabiltzen da) dauden gaixoak. Kolektibo horren txertaketa pertsonalizatua izango da, hau da, gaixoaren jarraipena egiten duen osasun-zerbitzuak zehaztuko du noiz txertatu behar den, gaixoaren osasun-egoeraren arabera, lehen eta bigarren dosia hartzeko egin zuten moduan.
Izurriaren egoerari dagokionez, Jaurlaritzako eledunak esan du datozen asteetan eta hilabeteetan "gutxiago" hitz egingo dugula tasa metatuaz eta kutsatzeez eta "gehiago erietxeen eta ZIUen egoeraz, birusaren aldagaiez edo txertaketaz".
"Pentsatzekoa da txertoek eman diguten babesarekin, eta gutxieneko neurri batzuekin, bizimodu irekiagoa izango dugula bi edo hiru asteren buruan. Lehendakariak esan digunez, baliteke neurriak arautzen dituen dekretua irailaren 20ko astean berrikustea", azaldu du.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.