BioNTechek 5 eta 11 urte arteko haurrentzako txerto bat iragarri du

BioNTech enpresa alemaniarrak, Pfizer farmazialari estatubatuarrarekin batera, covid-19aren aurkako txertoetako bat garatu du, eta, orain, 5 eta 11 urte arteko haurrentzako beste bat prestatu du. Enpresak aurreikusi dutenez, prestakina urriaren erdialdetik aurrera eman ahal izango zaie Alemaniako adingabeei.

"Datozen asteetan aurkeztuko dizkiegu mundu osoko agintariei 5 eta 11 urte bitarteko adingabeei buruz egin dugun azterketaren emaitzak, eta txertoa emateko baimena eskatuko dugu, baita Europan ere", adierazi du Özlem Türeci BioNTech enpresaren sortzaileetako batek.

Spiegel egunkariak gaur aurreratu duenez, ekoizpena prestatzen ari dira eta txertoa orain arteko berdina izango da, baina dosifikazio txikiagoarekin.

Ugur Sahin BioNTechen sortzaileetako batek azaldu duenez, ikerketaren emaitzak mahai gainean daude dagoeneko, eta orain agintari arautzaileentzat baino ez dira prestatu behar. Era berean, urtearen amaierarako sei hilabetetik aurrerako adingabeei buruzko azterketa-datuak eskuragarri izatea espero dute.