Ertzaintzak Realeko, Alaveseko eta Celtako 20 zale "erradikal" inguru identifikatu ditu Donostian
Realak eta Lyongo Olympique taldeen iluntzean jokatuko duten Europa Ligako partidaren atarian, Ertzaintzak Realeko sei zale "erradikal" proposatu ditu administrazio zigorra jasotzeko, defentsa espraiak eta bastoi hedagarriak, bengalak, arma zuriak eta substantzia estupefazienteak izateagatik.
Ertzaintzak atzemandako materiala. Argazkia: Ertzaintza
Ertzaintzak 20 zale "erradikal" inguru identifikatu ditu bart Donostiako Anoeta estadioaren inguruan, Realak eta Lyongo Olympique taldeek gaur arratsaldean (18:45) jokatuko duten Europa Ligako partidaren atariko operatiboan, Ertzaintzak ostegun honetan ohar bidez jakinarazi duenez. Gainera, zale horietako seiri zigor espedientea ezartzea proposatu du, hainbat objektu eta arma izateagatik.
Atzo arratsaldeko lehen orduan, Ertzaintzak zaintzako prebentzio dispositibo bat ezarri zuen Donostian, Realaren eta Lyongo Olympiqueren zaleen arteko istiluak saihesteko helburuarekin.
Aipaturiko dispositiboaren baitan, 100 lagun inguruko talde bat aurkitu zuten, Anoeta estadiotik gertu. Tartean, Realeko zale "erradikalak" ez ezik, Alaveseko eta Celtako "erradikalak" ere bazeudela egiaztatu zuten.
Ertzaintzako agenteek adierazitako taldeetako 20 bat zale "erradikal" identifikatu zituzten estadioaren inguruan. Halaber, debekatutako hainbat objektu eta arma atzeman zituzten, hala nola borra hedagarriak, defentsarako spray poteak eta arma zuriak, bengalak eta substantzia estupefazienteak.
Hori dela eta, Realeko sei zaleri zigor espedientea zabaltzea proposatu du Ertzaintzak. 20 eta 31 urte bitarteko gizonak dira guztiak.
Ertzaintzaren kontrolak Biriatuko mugan
Zure interesekoa izan daiteke
Zazpi urteko kartzela-zigorra ezarri diote gizon bati, lo zegoen 14 urteko adingabe bat bortxatzeagatik
ErNEk Tolosako bi udaltzaini egindako eraso bat salatu du, esku-hartze batean larri zauritu zituzten
Greba orokorra Iparraldean, bizitzaren garestitzearen aurka
Zupiria: "Ertzaintzak eta Donostiako Udaltzaingoak hartu dituzte hartu beharreko neurriak gaurko partiduari begira"
Behobia-Donostia lasterketak aldaketak eragingo ditu igandean trafikoan, aparkalekuetan eta garraio publikoan
Etxebizitza eta ekonomia dira EAEko herritarren kezka nagusiak, erabakigarriak iruditzen zaizkien hauteskunde orokorren atarian
Elkarretaratzea deitu dute Santutxun, bi adingabe dituen familia baten etxegabetzea geldiarazteko
FIFAren ordezkariak Bilbon eta Donostian dira egunotan, 2030eko Mundialerako hautagaitza bateratua ebaluatzeko
