Nafarroak ostalaritzaren eta gaueko aisialdiaren ordutegiak luzatuko ditu ostiralean
Ostiraletik aurrera ostalaritzaren eta gaueko aisialdiaren ordutegiak luzatzea, garraioaren aforoak handitzea, gazteen lonjak berriz zabaltzea eta kanpoaldean gehienez 10 pertsona biltzeko muga kentzea planteatu du Nafarroako Gobernuak.
Foru agindua Nafarroako Auzitegi Nagusiari igorriko diote astearte honetan, hark baimena eman dezan. Justiziak neurri sorta onartuz gero, ostiralean indarrean sartu eta irailaren 30era arte aplikatuko litzateke.
Astelehen honetatik Foru Erkidegoa arrisku ertaineko egoera epidemiologikoan dago. Horregatik, neurri murriztaileak egokitu nahi ditu Nafarroako Exekutiboak.
Pandemiaren egoera aztertu ondoren, birusari eusteko ahalik eta arau gutxien aplikatzeko irizpidearekin, foru arau berriak kanpoaldean gehienez 10 pertsona biltzeko muga kenduko du, oinarrizko eskubideei eragiten dielako.
Gainera, ostalaritzaren ordutegia 02:00etara arte luzatuko ditu. Bitartean, lizentzia berezia duten tabernak 03:00etara arte irekiko dituzte, eta diskoteka eta gaueko aisialdiko aretoak 4:30era arte. Hiru kasuetan lokalak husteko tartea ordutegian dago jasota.
Era berean, mahaikideen artean 70 zentimetroko distantzia kenduko dute, baina barran ez kontsumitzeko irizpide orokorra mantentzen da.
Garraioari dagokionez, aforoa % 75era handituko dute, aireztapen egoki bat mantentzeko beharraren garrantzia azpimarratuz. Iruñerriako Mankomunitateak puntako orduetan zerbitzua areagotzeko konpromisoa hartu du, jendetzarik ez pilatzeko.
Gainera, etxabeak edo gazteen lonjak berriro zabaltzea posible izango da, Osasun departamentuko idazkaritza teknikoaren zein udalaren aurrean ardura adierazpen bat aurkezten baldin badute.
Entzierroak kalean
Neurri gehiago hartzeko sektore ezberdinekin biltzeko asmoa du Nafarroako Gobernuak. Zentzu horretan, Nafarroako Udalerrien Federazioarekin eta ganadu sektoreko ordezkariekin bildu nahi du Exekutiboak, egutegi bat finkatzeko, kalean herri entzierroak egin ahal izateko helburuarekin. Epe laburrera egin ahal izatea espero dute.
Iragan astean, % 40ko aforoa ezarri zuten 2.400 pertsona hartzeko gaitasuna duten toki itxietan, eta % 60koa 5.000 pertsona baino gehiago hartzeko gaitasuna duten leku irekietan.
Albiste gehiago gizartea
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.