Fiskaltzak ez du Hondaleako lanetan "irregulartasunik" ikusten, eta LABen salaketa artxibatu du
LAB sindikatuak Donostiako Udalaren aurka aurkeztutako salaketa artxibatu du Gipuzkoako Fiskaltzak, Hondaleako lanetan egindako ustezko irregulartasunengatik. Santa Klara uharteko itsasargian Cristina Iglesiasek egindako eskultura da Hondalea.
Iragan abuztuan ikerbidea abiatu zuen Fiskaltzak, LABek salaketa aurkeztu ondoren. Eskultura jartzeko lan batzuetan bi esleipen delitu leporatu zizkion sindikatu abertzaleak.
Donostiako Udalak ohar batean jakitera eman duenez, Ministerio Publikoak orain ez du "irregulartasunik" ikusi lanen esleipenean.
Juan Calparsoro Gipuzkoako fiskalburuak sinatu du ebazpena. Udalak aurkeztutako dokumentazioa aztertuta, "Santa Klarako uhartearen itsasargiko eraikinean lanak egiteko kontratazio prozeduran ez da irregulartasunik izan", adierazi du Fiskaltzak.
Ikerbidea hasi ondoren, Donostiak Fiskaltzaren esku jarri zuen "dokumentazio guztia", Udalak nabarmendu duenez.
Dokumentazioa aztertu ondoren, tramitazio egokia eta "fase ezberdinetan indarrean dagoen legedia" errespetatu dela egiaztatu du Fiskaltzak. Erabakiaren aurka helegitea aurkezteko aukerarik ez dago jadanik.
Eneko Goia Donostiako alkatea pozik agertu da Fiskaltzaren erabakiarekin: "prozedura administratiboa legala, zuzena eta zuzenbidezkoa izan zela egiaztatu da". Era berean, "Udaleko langileen eta kontrol organoen lana" defendatu du alkateak, "obra hau, guztiak bezalaxe, kontratu publikoen legearen arabera egitea bermatu dutelako".
Goiaren ahotan, "hiriaren ikur berri bihurtu den artelanaren gainean susmo txarra zabaltzeko eta giroa gaiztotzeko borondate argia egon da salaketaren atzean". "Donostiarrek artelana eurena egin dute, Cristina Iglesiasen lanaz gozatzera 9.000 pertsona baino gehiago hurbildu baitira", azpimarratu du.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.