LABek salatu du irregulartasunak izan zirela Hondalearen esleipenetan
Donostiako Udaleko LABek Hondaleako esleipenekin lotutako ustezko irregulartasunen dokumentazioa jarri du Fiskaltzaren esku. Cristina Iglesiasek Santa Clara irlako itsasargiaren etxean egin duen eskultura da Hondalea.
Sindikatuak Twitterren jakinarazi duenez, "Gipuzkoako Fiskaltzara eraman ditugu Hondalea eskulturari buruzko hirigintza izapideetan egin diren irregulartasunak".
Eskultura bertan jartzeko lanei lotutako esleipenetan ustez izan diren irregulartasunei buruzko dokumentazioa omen da Fiskaltzaren esku utzi dutena, eta alkateari ere helarazi diote. Bihar emango omen du sindikatuak "informazio guztia".
Alkateak kazetarien galderei erantzutean esan du baduela sindikatuaren salaketaren berri, eta azpimarratu du "bete beharreko prozedurak" errespetatu dituztela, "bai lehiaketan bai esleipenean".
Gaineratu du ez zela idazkariaren ez Udaleko kontu-hartzailearen "kontrako txostenik" egon. Horregatik, ezarritako "bide legala" jarraitu dutela argitu du.
Argia aldizkariak argitaratu duenaren arabera, LABen txostenean aipatzen da LKS eta Fhecor enpresek "esleipenik gabe" hartu zutela euren gain itsasargiaren eraikinaren "errehabilitazioaren ardura", eta gero "Moyuak egindako % 23ko gainkostua" onartu zutela, "Donostiako proiektuen eta lanen departamentuko zuzendariaren oniritziarekin".
Bestalde, Ezker Anitza-IU Donostiako Asanbleak Hondaleako lanen kontu-ikuskaritza bat eskatu du, proiektuaren kostua "neurriz kanpokoa" izan delako, "1,5 milioi eurotik 5 milioi eurora igota". Gainera, "hasiera batean lan artistiko baten donazioa izan behar zena diru publikoaren xahuketa" bihurtu dela salatu du.
Zure interesekoa izan daiteke
Amaia Barredo: "Eusko Jaurlaritza lanean ari da abeltzainekin hartutako epeak eta konpromisoak betetzeko"
Amaia Barredo Eusko Jaurlaritzako Elikadura, Landa Garapen, Nekazaritza eta Arrantza sailburuak aurreratu duenez, Jaurlaritzak "irailaren hasierarako" abeltzaintza-sektorearen esku jarriko ditu lehengai batzuk batera erosteko bideak, lehorteak eragindako belar eskasia dela eta. Radio Euskadin ostiral honetan egindako elkarrizketa batean, Barredok azaldu du Bazka Mahaia oraindik deituta ez dagoen arren, horrek ez duela esan nahi atzerapenak egongo direnik: "Administrazioa ez dago bileraren zain erosketa bateratua prestatzeko".
Abeltzainak haserre, Bazka Mahaia irailera atzeratu duelako Jaurlaritzak
Eusko Jaurlaritzak bazkaren beharrei buruz egindako inkestan 435 ustiategiren erantzunak jaso ditu eta horiekin hartuko ditu erosketa bateratuaren kopuruari eta hornitzaileei buruzko erabakiak. UAGAk eta ENHEk lan egiteko modu eraginkorragoak eskatu dituzte. Hala ere, guztiak ados daude, etorkizunera begira bazkari buruzko plangintza bat behar dela esatean.
Hoteletako sarrerak % 7,7 igo dira uztailean EAEn, eta gaualdiak % 6,7
Sarrera guztien % 58,8 eta gaualdien % 59,9 atzerritar jatorriko pertsonenak izan ziren, 2025eko uztailean baino % 11,1 eta % 11,7 gehiago, hurrenez hurren.
Txakolinaren mahats-bilketa aurreratu dute, beroagatik
Txakolinaren mahats-bilketa ohi baino lehenago hasiko da beroaldien ondorioz. Ekoizleen arabera, data hauek ez dira ohikoak mahats-bilketari ekiteko. Etengabe egiten dituzte analisiak mahastietan, mahatsak azukre eta garraztasun puntua noiz hartuko dituen zehatz-mehatz jakiteko, eta biltzeko une egokiena heldu da.
Bazka eroste bateratua eta lehorte deklarazioa berehala gauzatzeko eskatzen dute abeltzainek
Bi aste dira Bazka Mahaia elkartu eta erakundeek hainbat konpromiso hartu zituztela. Abeltzain asko euren kontura belarra eta lastoa erosten hasi dira, eta erakundeei neurriak berehala hartzeko deia egin diete.
Euskotreneko langileek Bilboko tranbian zezenketen publizitatea jarri izana salatu dute
Arriaga plazan gaur goizean egindako elkarretaratzean, Euskotreneko langileek balio publikoekin koherentea den eta animalien ongizatea errespetatzen duen publizitatea exijitu dio enpresari.
Mingain urdin kasu bat atzeman dute Barrundiako artalde batean
Gaitzaren aurka txertatutako 200 ardi baino gehiagoko artalde bateko animaliak eman du positibo mingain urdinaren 3. serotipoan.
Eusko Jaurlaritzak Administrazio Orokorreko 461 lanpostu betetzeko EPEan izena emateko epea ireki du
Izen-emate telematikoa irailaren 16an amaituko da, eta lehen azterketak 2027ko urtarrilean egitea aurreikusi da.
Milioi bat euroko zigorra ezarri diote AVIS enpresari, trafiko isunengatik bezeroei kudeaketa gastuak kobratzeagatik
Autoak alokatzen dituen enpresak 33,88 eta 45 euro arteko errekargua aplikatzen du isunaren ordainketa kudeatzeagatik eta administrazioari arau-hauslearen nortasuna jakinarazteagatik.
51 urteko langile bat hil da Iurretan, paper-enpresa batean
Sorospen-dispositiboan parte hartu duten Ertzaintzako bi agente bertan artatu behar izan dituzte osasun-langileek, isuritako gasak arnastuta intoxikatu baitira.