Covid-19a hirugarren heriotza arrazoia izan da EAEn lehen hiruhilekoan
Urteko lehen hiruhilekoan, 5.590 lagun hil dira Euskal Autonomia Erkidegoan, eta horietatik 811 covid-19ak eragindakoak izan ziren, heriotzen % 13,5. Hirugarren heriotza arrazoia izan da, tumoreen (1.472) eta zirkulazio-gaixotasunen (1.462) atzetik, Eustat Euskal Estatistika Agentziak gaur argitaratutako datuen arabera.
Covid-19ak eragindako 811 heriotza horietako 785 kasutan frogatutzat jo dute covid-19aren ondoriozkoak izan direla, eta 26 kasutan covid-19a balizko eragilea izan da. Gainera, beste 62 heriotzatan covid-19a heriotza kausa ziurtatuen artean egon da, baina funtsezko arrazoia izan gabe.
Datuak lurraldez lurralde aztertuta, hildakoen kopururik handiena Bizkaian zenbatu dute (476), Gipuzkoan (225) eta Araban (110) baino hildako gehiago zenbatu baitituzte bertan. Hiriburuetako datuei dagokienez, Bilbo nabarmendu da, koronabirusak 199 heriotza eragin baititu Bizkaiko hiriburuan; ondoren, Gasteiz dator, 88 heriotzarekin; eta azkenik, Donostia, 64rekin. Halaber, aipatzekoak dira Getxoko datua (38) eta Barakaldokoa (29).
Gizonen heriotzen kopurua (444) emakumeena (367) baino handiagoa izan da; adinen arabera, berriz, eragin handiena jasan duten taldeak 80 urtetik gorakoak izan dira (548), eta, ondoren, 60-79 urtekoen taldea (236).
Covid-19ak eragindako heriotza gehienak EAEko ospitaleetan gertatu dira, % 83rekin (2020ko lehen hiruhilekoan % 81,4); ondoren, egoitza soziosanitarioetan, % 8,8rekin (iaz % 11); etxeetan, % 7,6rekin (iaz % 7,6); eta beste leku batzuetan, % 0,6rekin (iaz % 0).
Heriotza kopurua jaitsi egin da iaztik
Euskal Autonomia Erkidegoan (EAE) 5.990 pertsona hil dira 2021eko lehen hiruhilekoan, hau da, iazko epealdi berean baino % 8,2 gutxiago. Aurreko urteetako datuekin alderatuz gero, 2020an, 2018an eta 2010-2019 epealdiko batez bestekoan baino heriotza gutxiago izan dira aurtengo martxoan. Sexuen arabera, 3.010 gizon eta 2.980 emakume hil dira, hots, % 7,2 eta % 9,1 gutxiago, hurrenez hurren, Eustat euskal estatistika erakundearen datuen arabera.
Hiru lurraldeetan egin du behera heriotza-kopuruak, eta bereziki aipagarria izan da Araban izandako jaitsiera, % 21,3koa izan baita (761 heriotza gutxiago); Bizkaian % 8,5 gutxitu dira heriotzak (3.277 hildako); eta Gipuzkoan, % 1,2 (1.952).
Urteko lehenengo hiruhilekoan izandako heriotzen artean, hamar hildako urtebetetik beherakoak izan dira (% 0,2), eta 97 heriotza ehun urtetik gorakoenak (% 1,7).
Heriotza kausa nagusiak tumoreak eta zirkulazio sistemako gaixotasunak izan dira, 1.472 eta 1.462 heriotza eragin baitituzte, hurrenez hurren; bien artean heriotzen % 49 izan dira. Hirugarren heriotza kausa covid-19a izan da, 811 kasurekin (% 13,5). Arnas arrazoiengatiko heriotzak laugarren heriotza kausa izan dira, 319 heriotzarekin (% 5,3). Nerbio sistemako gaixotasunek eragindako heriotzak 311 izan dira (% 5,2), eta digestio sistemako gaixotasunek eragindakoak 255 (% 4,3).
Heriotzen kausak desberdinak izan dira sexuaren arabera: gizonezkoen artean, tumoreak hilgarriago gertatu dira zirkulazio aparatuko gaixotasunak baino; emakumezkoen artean, berriz, heriotza kausa nagusia zirkulazio aparatuko gaixotasunak izan dira, eta tumoreak bigarren.
EAEko hazkunde begetatiboa negatiboa izan da 2021eko lehen hiruhilekoan, 2.692 pertsona gutxiagorekin. Hiru lurraldeetan galdu da biztanlerik: Bizkaian 1.665 pertsona, Gipuzkoan 819 eta Araban 208.
Albiste gehiago gizartea
Euskal herritar adingabe bat hil da Castro Urdialesen, eremu harritsu batetik erorita
12 urteko umea, Euskal Herriko bizilaguna, bularrean kolpe bat hartu zuen eta Santanderreko Valdecilla ospitalera eraman zuten.
Sutea izan da Tarifan, eta errepide bat itxi eta kanpin bat hustu behar izan dituzte
Sutea piztu da turistaz betetako Cadizko udalerriko La Peña inguruan, eta zenbait toki hustu behar izan dituzte. Tartean, kanpin bat. Ehun bat suhiltzaile sua kontrolatzeko lanean ari dira.
Foru Gobernuak "lasaitasuna" eskatu du Izarbeibarko sutearen aurrean: "Ez du herrigunerik kaltetu"
Amparo Lopez Barne, Funtzio Publiko eta Justizia kontseilariak "lasaitasun" mezua zabaldu du Muruzabal, Eneritz, Añorbe eta Obanosen artean piztutako sutearen aurrean, "ez baitago, a priori, herrigunerik kaltetutaa". "Eta ez dugu uste gertatuko denik", gaineratu du. Bestalde, Maria Chivitek Nafarroako presidenteak eskertu egin du "inguruko alkateekin izaten ari garen lankidetza perfektua".
Abuztuaren 29an gauez ez da jairik izango Bakion, ekitaldiak bertan behera utzi ostean "indarkeria areagotu delako"
"Hainbat eraso matxista eta borroka izan dira, eta jai giroa hondatu dute", azaldu du Bizkaiko Udalak. Hori dela eta, San Joan Doloz gauean ez da DJ ikuskizunik izango.
Bizkaiko 17 udalerritako hegazti-ustiategiak konfinatu dituzte, hegazti-gripearen hainbat kasu agertu direlako
Ezarritako babes- eta zaintza-eremuak udalerri hauetan ezarri dira: Lemoiz, Bakio, Gorliz, Barrika, Sopela, Mungia, Maruri, Plentzia, Urduliz, Getxo, Berango, Gatika, Laukiz, Leioa, Erandio, Loiu eta Derio.
Fauna basatia sendatzeko Gorlizko zentroak abeletxeko hegazti guztiak hil ditu, eta inguruko udalerrietan prebentzio-neurriak ezarri dituzte
Zentroak hegazti gripearen bi kasu atzeman ditu, eta, iragarri dute, ondorioz, zentroa bera kutsatu egin dela. Hala, alde batetik, abeletxeko hegazti guztiak hil dituzte, eta, bestetik, inguruko herrietan prebentzio-neurriak ezarri dituzte.
Izarbeibarren piztutako baso-sutea egonkortu dute
Muruzabal, Eneritz, Añorbe eta Obanos herrietan piztutako baso-suteak uzta bilduta zeuden hainbat zereal-soro eta pinudi bat kaltetu ditu. Suhiltzaileek gau osoa eman dute bertan, eta lanean jarraitzen dute goizean. Artaxoan piztutako bigarren sute baten ondorioz, NA-132 eta NA-6020 errepideak itxi behar izan dituzte, baina biak dagoeneko berriz zabaldu dituzte.
Bizkaiko Aldundiak esan du hegazti-gripe kasuek ez dutela inor "ustekabean" harrapatu, eta gaitza ez dela gizakion osasunerako kaltegarria
Iñaki Arrazola Aldundiko Abeltzaintza zerbitzuburuak Radio Euskadin azaldu duenez, hegaztien sektoreak "erne" egon behar du birusaren aurrean.
Elvia Gomez nafarrak Young Scientific Explorer Award saria irabazi du, 13 urterekin
Lau urterekin elur-oreinen aztarnak arakatzera joan zen Finlandiara, eta orain, 13 urterekin, Eguesibarreko gazteak Young Scientific Explorer Award saria jaso du. Gainera, Elvia Gomezek arrakasta handia du Instagramen (@elvialarastreadora), animaliei buruzko bitxikeriak kontatzen baititu.
Giro bikaina Gasteizen goizean goizetik Andre Maria Zuriaren egun handian
Abuztuaren 5a, Gasteizko jaietako egun handia, adin eta gustu guztietarako jardueraz beteta dator. Goizeko lehen orduan, adibidez, Andre Maria Zuriari Lore eta Ohorezko Aurreskua egin diote blusa eta nesken kuadrillek.