Hasi dira hirugarren txertoa jartzen Euskadiko nagusien egoitzetan
Gipuzkoako, Arabako eta Bizkaiko adinekoen egoitzetan gaur ekin diote Pfizer txertoaren hirugarren dosia jartzeari, ostegunean Osasun Publikoaren Batzordean hala erabaki ostean. Guztira, 23.000 egoiliarrek jasoko dute hirugarren txertoa.
Gipuzkoako Foru Aldundiak jakinarazi duenez, gaur 132 txerto jarriko dizkiete Irungo Anaka Caser egoitzan bizi diren adinekoei. Araban, Gasteizko Zadorra egoitzan hasi dira indartze dosia jartzen, bertako 84 egoiliarri. Amaitzeko, Bizkaian, Elorrioko egoitzako 47 adinekok hartu dute hirugarren dosia.
Pfizer etxeko txertoak jarriko dizkiete, eta Osakidetza arduratuko da txertatzeko tresneriaz, eta egoitzetako erizainak, berriz, txetoak jartzeaz.
Joan den astean onartu zuen Osasun Publikoaren Batzordeak adinekoen egoitzetan hirugarren dosia jartzea, eta, esan bezala, gaur jarriko dituzte lehendabizikoak EAEko hainbat egoitzetan.
Gotzone Sagardui Eusko Jaurlaritzako Osasun sailburuaren ustez, koronabirusaren aurkako txertoaren hirugarren dosia adineko pertsona guztiei jarri behar zaie, eta ez soilik adinekoen egoitzetan daudenei. Bestalde, Osakidetza joan den astean hasi zen hirugarren dosia jartzen immunodepresio larria duten gaixoei.
Ipar Euskal Herrian joan den astean hasi zuten adinekoen egoitzetan covid-19aren aurkako txertoaren hirugarren dosia emateko prozesua. 80 urtetik gorako erabiltzaileak izango dira lehenak jasotzen, baina, oro har, 65 urtetik gorakoek eta immunodeprimituek hartuko dute hirugarren dosia.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.