Ana Agirre Justizia sailburuordea: "% 35-40ko birgizarteratze tasa lortu nahiko genuke"
Espetxe kudeaketaren EAEko ereduan birgizarteratzeak izango duen garrantzia azpimarratu nahi izan du Ana Agirre Eusko Jaurlaritzako Justizia sailburuordeak. Nabarmendu duenez, % 35-40ko tasa lortu nahiko lukete, "gaur egun hortik behera gaude eta".
Radio Euskadiko "Boulevard" saioan egin dioten elkarrizketan, gaurkoa egun "historikoa" dela aitortu du Agirrek, eta esan du Sailak "emozioarekin baina erantzukizun handiarekin" hartu duela ardura, transferentziak euskal gizartean sortu dituen "itxaropenak" tarteko. Era berean, berretsi du Jaurlaritzaren helburua dela preso guztiek bigarren aukera bat izatea, "eta hori ETAko presoei zein ETAkoak ez direnei eragiten die", azaldu du.
Justizia sailburuordeak birgizarteratzea eta justizia errestauratiboa aipatu ditu EAEko ereduaren oinarri gisa, eta biek ala biek "lan handiarekin eta denbora luzearekin" lortu beharrekoak dira. Agirreren esanetan, "erremintak, baliabideak eta profesionalak behar ditu bide horretan, baita Euskadin oso zabala den hirugarren sektorearen parte hartzea".
Zure interesekoa izan daiteke
Espainiako Gobernuak asteartean onartuko ditu Urdako istripuaren biktimentzako laguntzak
LZB sistemak partzialki huts egiten duenean zirkulazioa orduko 40 km-ra mugatzea proposatu du Renfek
Europak bi euroko tasa ezarri die EBtik kanpo erositako paketeei
Eusko Jaurlaritzako Gazteria zuzendariak uste du jarrera erradikalizatuak gutxiengoa direla
Euskal hiriburuetako saltokiek egurrezko oholak kendu dituzte, gaua istilurik gabe igaro ondoren
2.200 pertsona baino gehiago identifikatu dituzte Bartzelonan, Blocusen deialdiak tarteko
Urdako istripuan hildako 69 pertsonetatik 56 identifikatu dituzte
17 atxilotu Baionan, bizitzaren garestitzea salatzeko protesten hirugarren larunbatean
Puerta del Soleko batzorde gehienak plazatik ateratzen hasi dira mugimendua "auzoetara" eramateko
