Onkologikoa Osakidetzan erabat txertatzeko eskatu dute langileek Donostian
Onkologikoa "bizirik" nahi dutela aldarrikatu dute bertako langileek larunbat goizean Donostian egindako manifestazioan. Minbiziaren prebentzio, diagnostiko eta tratamenduan erreferentzia den zentroa sare publikoari erabat lotzea eta bere izaera eta langileen etorkizuna bermatzeko eskatu diete Eusko Jaurlaritzari eta Kutxa Fundazioari.
Onkologikoa Osakidetzaren sare publikoan sartzeko prozesua abiatu eta bi urtera zehaztu beharreko bi gai daudela oraindik esan dute langileek: lehena, Onkologikoaren eredua; eta bigarrena, langileen etorkizuna.
Osasun zentroaren ereduari dagokionez, minbizia tratatzeko "zentro monografiko izaera galtzen" ari dela salatu dute. Jon Galfarsoro Langile Batzordeko idazkariak azaldu duenez, "2019an Analisi Klinikoen eta Anatomia Patologikoaren zerbitzuak kendu ziren, eta, ondoren, Endoskopien bi gelak. Onkologikoko Bular Unitatea ere badirudi desegin egin nahi dutela, eta ondorioz, Onkologikoko kirurgia kimioterapia emateko gailuak jartzera mugatzen ari da, eta pixkanaka bularreko kirurgia eta digestio-sistema desagertzen ari da".
Ildo horretan, Eusko Jaurlaritza Onkologikoa "desegiten" ari dela salatu dute langileek eta horren erakusle direla, besteak beste, ospitalizazioa %20ra murriztu izana eta kirofanoen erabilera murritza.
Langileei dagokienez, Osakidetzako lan kontratudunak izatea eskatu dute, eta urrats hori egiteko aurrekariak badaudela ekarri dute gogora.
Langile Batzordeak deitutako manifestazioa Eusko Jaurlaritza Donostian duen ordezkaritzaren aurrean amaitu da eta protestarekin bat egin dute, besteak beste, erietxeko erabiltzaileen batzordeak, LAB sindikatuak, EH Bilduk, Ezker Anitzak eta Podemos-Ahal duguk.
Zure interesekoa izan daiteke
Olatu zuri gorriak Iruñea hartu du
Txupinazoarekin, lehertu da festa Iruñean eta ez du atsedenik hartuko datorren uztailaren 14ra arte. Urteroko ohiturei, gaur beste protagonista bat batu zaie: beroa. Festazaleek 40 graduko tenperaturekin abiatu dituzte 2026ko sanferminak.
?fmt=png-alpha&qlt=80)
Antzuola eta Urretxu artean piztutako baso-sutea kontrolpean dago
Gipuzkoako hiru parketako suhiltzaileak aritu dira Antzuolan 13:45ak aldera deklaratutako sutea itzaltzen. Sugarrak ordu batzuk geroago kontrolatu dituzte.
Kontrolatu dute Imarkoainen piztutako sutea
Lizarra, Azkoien eta Tafallako suhiltzaile etxeetako brigadek 15:30ak aldera lortu dute sutea kontrolpeak hartzea. Guztira 80 hektarea baino gehiago erre dira baso eta, batez ere, laborantza artean.
ELAk arreta euskaraz bermatzeko eskatu dio Osakidetzari
Oraindik hizkuntza ez dakiten langileak euskalduntzeko plana aldarrikatu du sindikatuak Osakidetzaren Gasteizko egoitzan.
Lesakako sanferminak hasi dira
Txupinaren jaurtiketak eman die hasiera Lesakako San Fermin jaiei astelehen honetan, 12:00etan. Jai-egitarauak 50 kultura-, kirol- eta jolas-jarduera baino gehiago biltzen ditu, datozen 6 eguneton burutuko direnak. Gaita jotzaileen, musika-banden eta txarangen ohiko soinuek herriko kaleak alaituko dituzte uztailaren 11ra arte, larunbata.
Arrautza frijituak, txistorra eta zapi gorria: Hasi da festa Iruñean
Urtero bezala, ohiko hamaiketakoak izaten dira uztailaren 6ko goizean, festei hasiera emateko zain. Mokadu sendoak beti ere, hau izango baita seguraski, eguneko otordu bakarra.
40 ikasleri ez diete, kautelaz, USaPen Euskarako nota zenbatuko
Auzitegiek arrazoia ematen ez badiete kasuaren funtsari buruz, nota horiek kontuan hartuko dira azkenean.
Asiron eta Chivite: "Jendeak asko goza dezala, baina errespetuz"
Joseba Asiron Iruñeko alkateak eta Maria Chivite Nafarroako presidenteak 2026ko sanferminetara hurbiltzeko deia egin diete herritarrei, jaiez eta hiriaz gozatzeko, baina "beti errespetuz".
Txistulari eta Gaiteroen Bandak dantzan jarri du Iruñeko Udaletxe plaza
Gaur eguerdian Iruñeko Udaletxeko plaza bete duten milaka pertsonek Txistulari eta Gaitarien Bandaren doinuekin dantzan egin ahal izan dute.
3I/ATLAS izarrarteko kometa "Eguzkia baino askoz zaharragoa" dela ondorioztatu du astronomo talde batek
Aztarna kimiko espezifikoak neurtuz iritsi dira ondorio horretara, eta segur aski Eguzki sistematik kanpo sortu zela ere uste dute. Izarrarteko kometak eguzki sistemaren kanpoan sortu eta noizean behin eguzki sisteman sartzen diren izoztutako objektuak dira.