Sei urteko kartzela zigorra ezarri diote Basauriko entrenatzaile ohiari haur bati abusuak egitea egotzita
Epaileak sei urteko kartzela zigorra eta 40.000ko kalte-ordaina ezarri dio Basauriko futbol-entrenatzaile ohiari adingabe bati lau urtez jarraian egindako abusuak frogatuta geratu direla iritzita, EITB Mediak jakin duenez.
Fiskaltzak sei urteko espetxe zigorra eskatzen zuen auzipetuarentzat, eta akusazio partikularrak, zortzikoa; akusatuaren defentsak, berriz, absoluzioa.
Era berean, edozein lanbide eta ogibidetan aritzeko desgaikuntza berezia ezartzen dio, ordaindua izan edo ez, adingabeekin harreman erregularra eta zuzena izatea dakarrena, eta, bereziki, bederatzi urtekoa futbol-entrenamendurako. Horrez gain, sufragio pasiborako eskubiderako desgaikuntza berezia ere ezartzen dio, sei urtez.
Auzitegiak debekatu egiten dio, halaber, biktimaren etxera, ikastetxera edo 200 metro baino gutxiagoko distantziara eta maiz joaten den lekuetara hurbiltzea, eta edozein bide edo prozeduraren bidez harekin hamar urtez komunikatzea.
Hala ere, Bizkaiko Auzitegiaren epaia ez da irmoa, eta akusatuak errekurtsoa jar dezake haren aurka.
Urrian egindako epaiketan, auzipetuak akusazioak ukatu zituen ahozko saioaren lehen saioan. Akusazioak epaiketan adierazitakoaren arabera, frogek "sinesgarritasuna" ematen diote biktimaren testigantzari. Biktimak 15 urte ditu gaur egun, eta abusuak 8 eta 12 urte bitartean zituenean jasan zituela salatu zuen.
Adingabeak ez zuen epaiketaren lehen egunean deklaratu; horren ordez, auziaren instrukzioan epailearen aurrean egindako deklarazioaren grabaketa ikusi zuten aldeek.
Epaiketaren lehen saioan, psikologoek "onargarritzat" jo zuten haurraren kontakizuna, abusuen "xehetasun" ugari eman zituelako.
Epaiketan, sei salatzaileetatik lauk ere lekukotza eman zuten, Pepe Godoyk, besteak beste, duela 30 urte horren abusuak jasan zituela salatu zuen lehen basauritarra. Hala ere, sei biktima horien salaketak artxibatu egin zituzten, gertakariak preskribatuta zeudelako.
Epaiaren berri izandakoan, 62 urteko auzipetua erruduna dela "frogatuta" geratu dela esan dute biktimaren abokatuak eta Fiskaltzak.
2019ko martxoan atxilotu zuen Ertzaintzak 60 urteko gizona, adingabeei sexu-abusuak egitea egotzita, hilabete horren hasieran adingabeak eta haren familiak jarritako salaketaren ondoren. Epailearen aurretik igaro ondoren, karguekin aske geratu zen.
Zure interesekoa izan daiteke
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.
Heriotzen kopurua jaiotzena baino ia bi aldiz handiagoa da EAEn
Heriotzak 6.253 izan ziren urteko lehen hiruhilekoan, aurreko urtean baino % 0,8 gutxiago, eta jaiotakoak bainoa 3.008 gehiago.
Espainiako Abokatu Kristauen Fundazioak hiru urteko espetxe-zigorra eskatu du Bernedoko udalekuen auzian ikertutako 15 kiderentzat
Gasteizko Instrukzio Epaitegiak gaur hartuko die deklarazioa 15 ikertuei, eta testuinguru horretan egin du iragarpena herri-akusazio gisa ari den elkarteak. Bestalde, euskal udalekuetako kideek adierazi dute ez dutela prozesuaren berri emango, adingabeen eskubideak babesteko.
Lanbide Heziketak ia 8.000 plaza gehiagorekin ekin dio ikasturteari, bi gradu bikoitz berrirekin
Ia 75.000 plaza eskaini dira eta oraingoz 51.000 ikasle pasatxok eman dute izena (matrikulatzeko epea urriaren 16ra arte egongo da zabalik). Ikasturte hasierako ekitaldian lehendakariak azpimarratu duenez, egungo LHa "Txapeldunen Ligan" dago eta hezkuntza sistema hobetzeko "ardura partekatua, autokritika eta autoestima" eskatu ditu.