Bellas Artes eraistearen aurka daudenek 4 milioi euro ordaindu beharko lituzkete obrek geldirik jarrai dezaten
Donostiako Bellas Artes antzokiaren inguruko polemikak aurrera darraio. XX. mende hasierako eraikina turistentzako ostatu bihurtu nahi dute eta irailean, proiektuari baimena edo lizentzia eman zion Udalak. Orduan, ondare arkitektonikoa babestea helburu duen Ancora elkarteak demanda jarri zuen Administrazioarekiko Auzien Donostiako 3. Epaitegian, obra horrek eraikinaren barrukoa botatzea eta kanpokoa moldatzea eskatzen duela salatuz, eta epaitegiak antzokia eraberritzeko lanak behin-behinean geldiarazi zituen urriaren 8an.
Donostiako Udalari eta eraikinaren jabetza duen SADE enpresari hiru eguneko epea eman zien, nork bere alegazioak aurkez zitzan, eta atzo, urriaren 29an, epaitegiak autoa kaleratu zuen Ancora elkarteari 4 milioi euro eskatuz, kauzio edo berme gisa, obrak geldirik jarraitzea nahi bazuen. Gaur eguerdian manifestazioa egin dute "Bellas Artes, zine historikoa baino gehiago" lelopean eta Ancorako bozeramaileek zifra hori "groteskoa eta irrazionala" dela salatu dute. "Garbi dago erabat ezinezkoa izango dela kopuru hori biltzea" adierazi du komunikabideen aurrean Alberto Fernandez D'Arlas elkarteko bozeramaileak.
Fernandez D'Arlasek esan du ez dagoela "eskubiderik" Ancora bezalako elkarte bateko kideek, "ondarearen alde doan eta interesik gabe lan egiten dutenek", "erakunde publikoei dagokien berme-lana egiteko", eta kasu honetan, lan hori Udalak eta Eusko Jaurlaritzak egin beharko luketela gaineratu du.
Bere iritziz, bi erakunde horiek izan beharko lukete, "legez, ondarea babesteko konpetentzia dutenak direlako", obren geldialdiak SADE enpresari sor dakizkiokeen galerak bermatzeko behar diren "abal edo bermeak jarri beharko lituzketenak".
Estatuko zinerik zaharrenetako bat
Bellas Artes antzokia Espainiako Estatuko zinerik zaharrenetako bat da, "funtsezko aldaketarik egin ez zaion eta zutik dirauen zaharrena" hainbat adituren arabera. Urbieta eta Prim kaleen artean kokatuta dagoen eraikinak 30 urte baino gehiago daramatza erabili gabe eta oso baldintza txarretan dago.
2011n, M15 mugimenduko hiru gaztek hainbat orduz okupatu zuten eraikina.
Zure interesekoa izan daiteke
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.
1.200 pertsona migrantetik gora lekualdatu dituzte Ceutako El Trampolin hondartzatik harrera-gune berrietara
Goizean ekin diote pertsona migratzaileak lekualdatzeko lehen faseari, uztail amaieran Ceutan izandako oldearen ondotik hondartza hustu asmoz. Lekualdatzea oinez eta taldeka egin da, inolako isitilurik gabe. Lekualdatutako ia erdiak hondartzara itzuli dira; gehienak, beren gauzak berreskuratzera, baina batzuk berriro han lo egiteko asmoz bueltatu dira.
Behi bat erreskatatu dute sasi artean, Faltzesko bosgarren entzierroan lubetatik erori ostean
Behia mugitu ezinik egon da hainbat minutuz, sasiz eta sastrakaz estalitako eremu batean harrapatuta. Azkenean, animalia bere kabuz irteten saiatu da, baina ez du askatzea lortu. Egoera horren aurrean, erreskate bat jarri da martxan, auzolanean sokak jarrita, zezena harrapatuta geratu den eremutik ateratzeko.
Rigloseko sutea egonkortu dute 14.500 hektarea kiskali ostean
Goizean Centenero, Ena eta Botayan herrietako bizilagunak beren etxeetara itzuli dira, atzo beste 13 herritako 583 bizilagunek egin bezala.