Emakumeen aurkako indarkeriagatik 4.000 esku-hartzetik gora egin behar izan ditu Poliziak irailera arte
Emakumeen aurkako indarkeriagatik 4.003 esku-hartze egin behar izan ditu Poliziak irailera arte, Euskadin. 2.400 salaketa jaso, eta ofizioz 1.603 esku-hartze egin dituzte, Segurtasun Sailak jakitera emandako eta Emakundek bildutako datuen arabera.
Bikotekideak edo bikotekide ohiak eragindako indarkeriarekin lotutako kasuak 2.838 izan dira, etxeko indarkeriarekin lotutakoak 853 izan dira, eta sexu-askatasunaren aurkako delituak, 312. Datuak lurraldez lurralde aztertuta, Araban 601 esku-hartze egin behar izan ditu Poliziak, Bizkaian 2.147 eta Gipuzkoan 1.255.
"Tratu txarrak jasotzen dituen emakume bakoitza porrot bat da guretzat. Horietako bakoitzagatik, indarkeria matxistaren aurkako borroka lehentasuna da Jaurlaritzarentzat eta gaur hemen ordezkatuta zaudeten taldeentzat", adierazi du Beatriz Artolazabal Berdintasun sailburuak. Indarkeria matxistaren biktimak artatzeko talde berezien lehen bilera egin dute astelehen honetan.
Horrela, sailburuarekin batera, Gizarte Zerbitzuetako Zuzendaritza (SATEVI), Emakumeen aurkako Indarkeriaren Koordinazio Zentroa, Biktimak Artatzeko Zerbitzua, Zurekin programa eta Familia Biltzeko Tokiak izan dira ordezkatuta bileran, baita Emakunde eta Ertzaintzako indarkeria matxistaren aurkako taldea ere.
Biktimak artatzeko aukerak areagotzeko garrantziari buruzko gogoeta egin du bertan sailburuak.
SATEVIk 2.421 dei artatu ditu aurten emakumeen aurkako indarkeriarekin lotuta.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.