Emakume bat bortxatu du gizon batek asteburuan, Abandon

Gizon batek emakume bat bortxatu du asteburuan, Abandon, Bilboko erdigunean.

Segurtasun Saileko iturriek EITBri baieztatu diotenez, emakumeak salaketa jarri du, eta bertan azaldu du ezagutu berri zuen gizon batek bultza egin ziola kalezulo batera eta bortxatu egin zuela han. Gainera, erasotzaileak mugikorra eta diru-zorroa lapurtu zizkion.

Ertzaintzak zabalik du ikerketa eta erasoaren ustezko egilearen bila ari da.