Tratu txarren 1.103 biktima artatu ditu Arabak 2021ean, inoizko kopururik handiena
Arabako Foru Aldundiak indarkeria matxistaren biktimak artatzeko duen Hegoak zerbitzuak 1.103 emakumeri eman die babesa aurtengo urtarriletik urrira. Zerbitzua martxan jarri zenetik, 1991tik, izandako handiena da (2019an 1.092 biktima artatu zituzten).
Emilio Sola Arabako Gizarte Zerbitzuen diputatuak eta Pilar Sanz de Pablo Ongizate Sozialeko genero indarkeriaren lantaldeko psikologoak prentsaurrekoa eskaini dute gaur datuon berri emateko.
Iaz, pandemiaren eraginez, behera egin zuen Aldundiak artatutako emakumeen kopuruak (1.071 izan ziren 2020an, urtarriletik abendura zenbatuta), baina etxeko konfinamenduak biktima askoren "drama are gehiago zaildu" zuen, eta emakume askok "egoera beldurgarriak pairatu" behar izan zituzten, psikologoak azaldu duenez.
2021ean, gora egin du artatutako emakume eta nerabeen kopuruak, eta 2011rekin alderatuta, halako 10 da (540 biktima izan ziren orduko hartan). Sola diputatuak deitoratu duenez, ez dakite noiz utziko dion kopuruak hazteari.
Aurtengo datuei dagokienez, erdiarentzat baino gehiagorentzat (zehazki, 598 emakume) lehen aldia zen zerbitzuan. Gainerakoak sistemaren barruan zeuden dagoeneko (tratamendu psikologikoak, batez beste, bi urteko iraupena du).
Hegoak zentroak arreta juridikoa ere eskaintzen die tratu txarren biktimei. Aurtengo lehen 10 hilabeteetan, 221 emakumeri lagundu diete arlo horretan, 2019 osoan bezainbeste.
Aldatu nahi duten gizon matxistak
Era berean, jokabidea aldatzeko borondatea azaldu duten 45 gizoni arreta psikologikoa eskaini diete. Laguntza borondatez eskatu dute, nahiz eta askotan bikotekideak eskatu ondoren izan.
Gizonak artatzea "arrakasta izan du batzuetan", gehiago indarkeria hasi denetik denbora gutxi pasa den kasuetan, Sanz de Pablok onartu duenez.
Laguntza eskatzen duen erasotzailearen profilik ez dago, baina gazteen artean aldatzeko borondate handiagoa sumatu dute. Batzuetan ingurukoek animatzen dituzte, lagunek zein gazte elkarteek, "paper garrantzitsua jokatzen ari dira", nabarmendu du Sanz de Pablok.
Hala ere, diputatuak ohartarazi duenez, gazteria feminista izatetik oso urruti dago; izan ere, neska askok "barneratu dute bikotekideak mugikorra kontrolatzea normala dela".
"Pedagogia asko egin behar da", eta gizonek "esfortzu bat egin" behar dute indarkeriazko jokamoldeak aldatzeko eta jarrera matxistak edo mikromatxismoak antzemateko, orain kontziente ez direlako, azaldu duenez.
Albiste gehiago gizartea
Nagore Laffage oroitu dute Iruñean, hil zutenetik 17 urte pasa direnean
Duela 17 urte hil zuen Jose Diego Yllanesek Nagore Laffage, honek 20 urte zituenean. Hura oroitzeko elkarretaratzean, dozenaka lagun bildu dira Astelehen Lilak elkarteak deituta, Asun Casasolari, Nagore Laffageren amari, babesa erakusteko. Musikaz jantzitako ekitaldian, besteak beste, Unai Hualde Nafarroako Parlamentuko presidentea, Joseba Asiron Iruñeko alkatea eta UPN, PSN, EH Bildu, Geroa Bai, PPN eta Contigo-Zurekin alderdietako ordezkariak ere izan dira.
Giako Andre Mariaren eguna ospatu dute Portugaleten
Ohitura den legez, uztailaren 1ean milaka pertsona gerturatu dira Portugaletera Giako Andre Mariaren eguna ospatzera. Egun osoko egitarau oparoa antolatu dute: prozesioaz gainera, jaitsierak, musika, herri-kirolak eta jokoak izango dira giroa alaitzeko.
Abian dira aldundiek eskaintzen dituzten udalekuak
Bizkaia, Araba eta Gipuzkoan 4.000 plaza baino gehiago eskaintzen dira 7 eta 13 urte bitarteko neska-mutilentzat. Horrez gain, 14 eta 17 urte bitarteko gazteentzat ere eskaintzen dira oporretako egonaldiak.
Argi berdea, sarreren birsalmentan prezioa igotzea debekatzen duen arauari
Espainiako Gobernuak argi berdea eman dio ikuskizunetarako sarreren birsalmentan prezioa igotzea debekatzen duen arau bati. Helburua da birsalmentan aritzen diren plataformek eta enpresek sortzen dituzten gehiegizko onurak eta espekulazioa geldiaraztea.
ELAk Bilboko Udala salatuko du, lan eskaintza publikoetan euskara maila jaisteagatik
Udalak %70etik %40ra jaitsi du 35 deialditan euskarazko hizkuntza eskakizunak egiaztatzeko baldintza eta, kasu batzuetan, erabat kendu du baldintza hori.
Nola eragiten die beroak gailu elektronikoei?
Tenperatura altuen eta bero-boladen ondorioak pairatzea ez da soilik gizakion kontua. Askotan, gailu elektronikoek, gure egunerokoan hain beharrezkoak direnek, funtzionatzeari uzten diote beroa dela eta.
Gasteiz eta Bilboko aireportua lotzen dituen autobus linea berria abian da
Lehenengo autobusa 4:30ean irtengo da Gasteiztik, eta, azkena, 21:45ean. Loiutik lehen eta azken zerbitzuak, berriz, 6:30ean eta 23:30ean izango dira, hurrenez hurren.
Aske utzi dute apirilean Bilbon gizon bat indarkeriaz hiltzeaz akusatutako gizona, kautelazko neurriekin
Ertzaintzak atzo atxilotu zuen 30 urteko gizasemea, hilketaren ustezko egilea zelakoan. Baliteke atxiloketa gehiago egitea, jakinarazi dutenez.
Gizon bat espetxeratu dute Donostian emakume bat jo eta bortxatzeagatik
Gertakariak larunbat gauean izan ziren, Udaletik baieztatu dutenez.
TAO zerbitzua, udan: Bilbo, Donostia, Gasteiz eta Iruñean izango diren aldaketa nagusiak
Bilbon, larunbatetan eta jaiegunetan zerbitzua bertan behera geldituko da, eta abuztutik arratsaldetan gauza bera gertatuko da. Gasteizen, abuztuaren 4tik 31ra bitartean ez da zerbitzua ordaindu beharko. Aitzitik, Donostian larunbat arratsaldeetara eta igande eta jaiegunetara zabalduko da, eta Iruñean, sanferminetan, eguneko 24 orduetan ordaindu beharko da.