Azkoitia eta Urretxu lotzen dituen Gi-631 errepidea erabat itxita dago, lur-jausi batengatik
Azkoitia eta Urretxu lotzen dituen GI-631 errepidea erabat itxita dago ostegun arratsaldeko lehen ordutik, lur-jausi baten ondorioz.
Gipuzkoako Foru Aldundia Gi-631 errepidearen bi udalerrien arteko zatian galtzada zabaltzeko lanak egiten ari da azken hilabeteotan. Atzo eguerdian leherketa bat zegoen aurreikusita, hasiera batean kontrolatua; konplikatu egin zen ordea maniobra hori eta hainbat arroka eta lur kopuru handi batek euste-hormaren zati bat eraitsi zuten eta galtzadaraino erori ziren, trafikorako zabalik dagoen errei bakarra oztopatuz.
Diputazioko iturriek EITBri baieztatu diotenez, langileak lanean ari dira errepidea garbitzeko eta zirkulazioa lehenbailehen berrezartzeko. Segur aski, goizean zehar ibiltzeko moduan egongo da errepidea.
Trafikoa bide alternatiboetatik desbideratzen da; ingurutik igarotzen diren autobus lineek ibilbideak aldatu dituzte eta, ondorioz, gorabeherak izan daitezke ordutegietan ere.
N-1eko arazoak konponduta
Segurtasun Sailak jakinarazi duenez, konpondu dira dagoeneko goizean N-1ean izan diren arazoak.
Bi istripu izan dira goizean N-1 errepidean, Andoainen, Donostiarako noranzkoan; guztira bost ibilgailu ziren tartean, eta auto-ilara luzeak sortu dira, 5 kilometrotik gorakoak izateraino.
Bi istripuak 07:45ean gertatu dira, N-1 errepidean, Andoain parean, Donostiarako noranzkoan. Bi ibilgailuren artean izan da bata, eta hiruren artean bigarrena. Ez da zauriturik izan.
Zure interesekoa izan daiteke
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.
Osakidetzak eTXERTOA ezarri du txertoen kontrola eta segurtasuna hobetzeko
Sistema Bilbo-Basurtu ESIko zenbait zentrotan probatzen ari dira, eta txerto bakoitzaren funtsezko datuak automatikoki erregistratu ahal izango dira eman aurretik.
Bi pertsona zauritu dira Leioako ostalaritzako lokal batean izandako gas-leherketa baten ondorioz
Gertakariaren ondorioz, kaltetutako eraikineko bizilagunak etxetik atera behar izan dituzte, eta udal-teknikariak kalteak ebaluatzen ari dira, Iparragirre kalean.
Zalduondoko (Araba) baso-sutea kontrolatzen saiatzeko lanean jarraitzen dute
Gaur goizaldean Galarreta mendiaren goialdean, Zalduondon (Araba), piztutako baso-suteak aktibo jarraitzen zuen 21:00etan, eta suhiltzaileek sua itzaltzeko lanean jarraitzen dute, Foru Aldundiko iturriek jakitera eman dutenez.
Gizon baten gorpua aurkitu dute Bilboko itsasadarrean, Sestao parean
Hilotza asteazken honetako lehen orduan aurkitu dute, Galindo ibaiaren bokalean. Ertzaintzak ikerketa abiatu du, biktima identifikatu eta heriotzaren arrazoiak argitzeko.
Ertzaintzak baztertu egin du Oiz mendian sute bat piztu izana, keagatik hainbat abisu jaso arren
Oiz mendian baso-suteengatik alerta aktibatu dute, Muxikan (Bizkaia), tenperatura altuen testuinguruan. Helikoptero inguruan ibili da sua zegoen ala ez aztertzeko, baina azkenean baztertu egin dute aukera hori.
San Joan suek gaua argitu dute Euskal Herriko zenbait herritan
Muturreko tenperaturek eta sute-arriskuagatiko alarma gorriak eraginda, Euskal Herriko su gehienak bertan behera geratu dira. Hala ere, Euskal Herriko hainbat herritan suak piztu dira San Joan bezperan. Hala ospatu dute Durangon eta Eibarren.