Teknologia enpresak "Black Friday"-ari aurre egin nahian, mikrotxipen krisiaren aurrean
Black Friday-aren eta Gabonen bueltan, teknologia enpresak mikrotxipen krisiari ari dira aurre egiten. Pandemiak horien produkzioa murriztu zuen, eta teknologia-produktuen eskaria igotzeak mikrotxipen eskasia eragin du.
Enpresa handiek eta banaketa-enpresek stocka bildu dute datozen kanpainei begira, produktuen hornidura bermatzeko. Ordea, batzuek ez dute hain begi bistako irtenbiderik. "Produktu guztiak ez dira izango eskuragarri", adierazi du Lenovok. Beste enpresa batzuk baikor agertu dira, eta ez dute uste mikrotxipen eskasiak Black Friday kanpainari asko eragingo dionik.
Irtenbideen bila
Asiarekiko eta Txinarekiko dependentzia handiak aurrekaririk gabeko egoera sorrarazi du. Txipen hornidura kontinente hartan kontzentratu da betidanik. Azken 30 urteetan berrikuntza, produktibitatea eta aurreztea ahalbideratu ditu produkzio modelo hark, Semiconductor Industry Association (SIA) eta Boston Consulting Group (BCG) taldeek egindako ikerketa baten arabera. Halere, mikrotxipen krisiak produkzioan eta ikerkuntzan eragin lezake.
Pandemia dela eta, eskariaren igoerak eta garraio-arazoek (edukiontzien falta, prezioen igoera, erregaien prezioa) are gehiago larriagotu dute hornidura krisia. Mikrotxipen fabrikatzaileak inoiz baino gehiago produzitzen ari dira, baina zaila da mundu mailako eskariari erantzutea.
Mikrotxipak egiteko fabrikak eraikitzeak edo handitzeak luze joko du, erabiltzen den punta-puntako teknologiagatik. Krisiak berdin jarraitzekotan, "garai mingarria" izango da 2022 amaierara artekoa, Matt Murphy Marvell Technology enpresako zuzendari kudeatzailearen arabera. Horren ustez, industria ez da 2023-2024ra arte berreskuratuko.
Gauzak horrela, herrialdeak eta enpresak jada lanean hasi dira Asiako produkzioarekiko independenteago izateko. Europar Batasunak, 20-30 urteetako estrategiaren baitan, "subiranotasun teknologikoa" nahi du lortu, mikrotxipen munduko produkzioaren % 20 kontzentratuz.
Badirudi AEB dela teknologia konpainien helmuga. Intelek iragarri du 20.000 milioi dolarreko inbertsioa egingo duela Arizonan bi fabrika eraikitzeko. TMSCk ere (Taiwan Semiconductor Manufacturer Co.) 12 milioiko instalazioa egingo du bertan; gainera, 100 bilioi bideratuko ditu datozen hiru urteetan bere produkzio-gaitasuna handitzeko.
Zure interesekoa izan daiteke
Global Summud Flotillan atxilotutako 100 lagunetatik lau euskal herritarrak dira eta gose-greba hasi dute
Gazara zihoan beste flotilla bateko itsasontziak atzeman ditu Israelgo Armadak gaur goizean. Euskal Herrian zein Europako hainbat tokitan protestak antolatu dituzte "Flotilla ez da ukitzen" lelopean.
'Bi ilunabarreko eguna', abuztuko eguzki eklipseari buruzko erakusketa, ireki dute Bergaran
Egun seinalatua iristen denean herritarrek "ekitaldia ulertu eta gozatu" ahal izateko, eklipsea modu didaktiko, irisgarri eta erakargarrian azaltzen du.
Gizon batek 44 urteko emaztea hil du Arguedasen
Asteburuan izan dira gertakariak. Guardia Zibilak gizona atxilotu du, genero indarkeriarekin lotutako homizidio delitua leporatuta.
Bi gizon atxilotu dituzte Gasteizen, bikotekideei erasotzeagatik, horietako bat 14 urtekoa
Bi gertakariak larunbatean izan ziren, eta 19 eta 25 urteko bi atxilotuei tratu txarrak eta lesio-delituak leporatu dizkiete, hurrenez hurren.
Eusko Jaurlaritzak ziurtatu du ez dagoela "ebidentzeriarik" Petronorrek osasun publikoari kalte egiten diola esateko
Osasun Publikoko zuzendariaren arabera, "datu asko" dituzte eskuartean, eta horietako bakar batek ere ez du erakusten Petronorrek Muskizen duen plantak inguruko bizilagunen osasunari kalte egiten dionik.
Nelson Davidek 73 urteko gizona itota hil zuela ondorioztatzeko zantzuak daudela esan dute auzitegiko medikuek
Biharko saioan, aldeek euren txostenak eta ondorioak aurkeztuko dituzte. Aurreikuspenen arabera, asteazkenean amaituko da epaiketa, herri-epaimahaiaren ebazpenarekin.
Lukas Agirreren hilketan erabili zuten labana "oso arriskutsua" zela nabarmendu du polizia zientifikoak
Ertzaintzako polizia zientifikoaren agenteek krimena gertatu zen lekua ikuskatu zuten, eta haien deklarazioa izan du ardatz epaiketaren zazpigarren saioak.
Laura jaitsi da "Ambition" ontzian gastroenterisak jota bakartutakoen kopurua
Kanpo-osasun departamentuko langileek kaltetutako ontzia aztertu dute goizean, eta, hasiera batean 18 baziren ere gastroenteritis arruntak jota zeudenak, ikuskapenaren ondoren murriztu egin da kopurua, eta lau daude orain bakartuta. Ontzia arratsaldean atzera itsasoratzea esepero da, bidaian jarraitzeko, Frantziarantz.
Pazienteen hizkuntzan egiten ez jakiteak arriskuan jartzen du diagnostiko zehatza, Pompeu Fabraren ikerketa baten arabera
Lanak ohartarazi duenez, egoerak ez die etorri berriei soilik eragiten, "munduko hainbat herrialdetan hizkuntza gutxituetan hitz egiten duten lurraldeetako herriatarrei ere". Gainera, ikusi dutenez, kasu gehienetan adinekoek eta haurrek arrisku handiagoa dute osasun-arretako hizkuntza-desoreka horren ondorioak pairatzeko.
Justiziak arrazoia eman dio Shakirari eta 60 milioi euro itzultzeko eskatu dio Ogasunari
Auzitegiak onartu egin du artistak Zerga Agentziaren ebazpenaren aurka jarritako errekurtsoa, eta bertan behera utzi ditu ezarritako likidazioak eta zehapenak, Administrazioak ez baitu egiaztatu 2011n abeslaria Espainian 183 egun baino gehiago egon zenik, eta legeak Pertsona Fisikoen Errentaren gaineko Zerga (PFEZ) ordaintzeko hori eskatzen du.