Aste honetan erabakiko du Sendagaien Europako Agentziak Pfizer txertoa jarri dakiekeen 5 eta 11 urte artekoei
Pfizer txertoa 5-11 adin tartean erabiltzeko aukeraren inguruan erabakia astelehenean estreinatuko dugun astean egingo du publiko Sendagaien Europako Agentziak (EMA). Hala iragarri zuen ostegunean Marco Cavaleri Txertaketa Estrategiako arduradun nagusiak. Aste amaieran iritsiko da, ziur aski, erabakia.
AEBetan azkar doa txertaketa eta jada adin tarte horretako haurren %10 txertatuta daude. Txinan eta Kuban ere ari dira haurrak txertatzen.
Europan EMAren erabakiaren zain dira herrialde guztiak Austria izan ezik. Bertako Gobernuak ez du itxaron eta astelehenetik txertoa jartzen ari zaie hala nahi duten 12 urtez azpiko haurrei, herrialdea jasaten ari den koronabirus tsunamia geldiarazteko estrategiaren baitan. Egoera oso larria da, izan ere, Austrian, eta astelehenetik aurrera berriz ere konfinamendu orokorra izango dute herritar guztiek.
Sendagaien Europako Agentziak baiezkoa ematen badio Pfizerren txertoa haurrekin erabiltzeari, helduei jartzen zaien dosiaren herena jarriko zaie horiei. Txertoak % 90,7ko eraginkortasuna du haurrengan.
Estatu Espainiarrean 6-12 urte arteko adin tartea da, hain zuzen ere, 100.000 biztanleko intzidentzia metatu tasa altuena duena, 166 kasurekin. EAEn zein Nafarroan dezente altuago da zifra hori, gainera.
Gauzak honela, osasun agintariek uste dute haurrak txertatzeak, udan gazteen txertaketarekin gertatu zen bezala, kutsatzeak nabarmen jaitsiko lituzkeela.
Adinez nagusi direnei dagokienez, hirugarren dosia jartzen ari dira jada 60 urtetik gorakoei eta errefortzu dosi horiek "gakoa" izango direla nabarmendu du Cavalerik. Adituek uste dute litekeena dela hurrengo asteetan adin hori jaisten joatea eta, azkenean, 18 urtetik gorako guztiei jartzea hirugarren dosia.
Zure interesekoa izan daiteke
Oiartzungo AP-8ko saihesbidea obrengatik itxiko dute igande eta astelehen gauetan
Mantentze-lanak Bilborako noranzkoan izango dira, 22:00etatik 06:00etara.
GOIDIaren biktimek Mazon espetxeratzeko eskatu dute
Carlos Mazonek dimisioa eman zuenetik astebete igaro denean, goi-geruzetako depresio isolatuaren biktimek herritarren garaipentzat jo dute, baina ez dela nahikoa nabarmendu dute. Valentziako Gorteen aurrean egindako protestan, Mazon espetxeratzeko eta haren gobernu osoaren dimisioa eskatu dute, Feijooren eta Abascalen arteko negoziazioak gaitzetsi eta Valentziaren etorkizuna valentziarrek hauteskundeetan erabaki behar dutela aldarrikatzeaz gainera.
Milaka lagunek protesta egin dute Andaluzian osasun publikoaren gainbehera salatzeko
Gure biziek ezin dute itxaron. Hori da argi eta ozen oihukatu dutena bularreko minbiziaren baheketengatik kaltetutako emakumeek Andaluziako lurralde guztietan gaur egin dituzten mobilizazioetan. Milaka lagun irten dira kalera Juanma Morenoren gobernuaren kudeaketa salatzera. Egin dituen murrizketek eta pribatizazioek osasun publikoaren gainbehera ekarri dutela deitoratu dute.
Amaitu dira AP-8ko auto-ilarak Orioko zubian, Bilboko noranzkoan
Kamioi baten eta auto baten arteko talkak 3,5 kilometrora arteko ilarak eragin ditu Orioko zubian, Bilboko noranzkoan.
Harresirik gabeko nazioarteko egunean, elkarretaratzeak egin dituzte Bilbon, Irunen, Iruñean eta Gasteizen
Harresirik gabeko eguna ospatzen da urtero azaroaren 9an, pertsonei eragiten dieten indarkeria salatzeko eta harresirik gabeko mundu bat aldarrikatzeko. 1989ko azaroaren 9an eraitsi zuten Berlingo harresia, eta horregatik egiten dute egun horretan. Hainbat elkarretaratze izan dira gaur Hego Euskal Herrian, Ongi Etorri Errefuxiatuak, BDZ eta beste eragile batzuek deituta. Bereziki Palestinako herria izan dute aurten gogoan.
Giro ezin hobea Donostian, Behobia-Donostia dela eta
Milaka pertsona bildu dira Donostian igande honetan, toki askotako korrikalariak erakarri dituen lasterketa herrikoian. Kirol proba hunkigarria izan da familia eta lagun talde askorentzat.
?fmt=webp-alpha&qlt=80)
Egun osoko elkartasun eguna iragarri du Gernika-Palestinak
Herri ekimenak azaldu duenez, partidak "Euskal Herriak eta Palestinak aske izateko eskubidea dutela helaraziko dio munduari".
Artxibatu egin dute Nafarroako neska adingabe bat ustez "saldu" zutenen aurkako auzia
Epaileak auzia behin-behinean artxibatzeko agindu du, instrukzioa berriro irekitzea ahalbidetzen duten elementu berriak aurkezten ez diren bitartean, adingabearen lekukotza gainerako zantzuak baino garrantzitsuagotzat jota.
Emakume bat eta bi adingabe ospitaleratu dituzte Sesman, horien etxebizitzan izandako sutearen ondorioz
46 urteko emakumeak erredurak egin ditu, eta intoxikatu egin da, kea arnastu baitu. 6 eta 2 urteko umeek, berriz, kea arnastu dute, baina pronostiko arina dute.
Ertzaintzak gizon bat atxilotu zuen atzo Bergaran, euroagindu bat betez
76 urteko gizonak istripua izan zuen GI-627 errepidean, eta identifikatzeko orduan ohartu ziren atxilotzeko euroagindua zuela indarrean.