"Black Friday" iristear da: zeintzuk dira iruzurrik ohikoenak?
Ostiral honetan, azaroaren 26an, Black Friday ("ostiral beltza") eguna ospatuko dute saltoki eta enpresek. Egun horretan, beherapenak eta promozioak eskaintzen dituzte. Herritarrek zentzuz eta arriskurik gabe kontsumitzeko, hainbat elkarte eta konpainiak ostiralean kontuan izan beharreko aholku batzuk kaleratu dituzte.
Euskal Herriko Kontsumitzaileen Batasunak (EHKB), esaterako, Internet bidezko erosketetan transferentziak alde batera utzi eta kreditu-txartelak erabiltzeko gomendioa egin du. Horrez gain, protokolo segurua erabiltzen duten webguneetan erosteko aholkua eman du, hau da, helbidean "https" siglak dituzten webguneak erabiltzeko.
FACUAren arabera, ezer erosi aurretik hiru gauza izan behar dira kontuan: prezioa benetan zentzuzkoa duen, produktua beharrezkoa dugun eta zorpetze-maila gehiegi haztea ekarriko duen edo gastu onargarria den. Hainbat produkturen prezioak igo egiten dira egunotan, Kontsumitzaileen eta Erabiltzaileen Elkarteak (OCU) ohartarazi duenez. Iaz, esaterako, prezioak batez beste % 2,6 igo zituzten.
Online bidez egiten diren salmentak gero eta gehiago dira, eta, horregatik, ESET zibersegurtasun enpresak Internet bidezko salmentetan izaten diren iruzurrik ohikoenak bildu ditu.
Doako produktuak
Kanpaina hauetan, produktuak dohainik edo prezio oso baxuan eskura ditzakeela esaten diote askotan erabiltzaileari, sare sozialetan gehienbat. Ondorioz, klik bidezko ordainketa egiten amaitu dezake iruzurraren biktimak.
Banaketa enpresak ordeztea
Delitugileen beste praktika bat banaketa enpresak ordeztea da. Horrela, erabiltzaileak mezu elektroniko edo SMS bat jaso dezake, banaketa enpresa baten izenean. Mezu horretako estekaren gainean klik eginez gero, erabiltzen ari den gailua kodifika dezakete, eta hura deskodifikatzeko dirua eska dezakete delitugileek.
2021eko Black Friday eguna iritsi aurretik, banaketa enpresak lanean dira jada.
Idazketa akatsak
Iruzur hau idazteko orduan egiten diren akatsez baliatzen da. Webgune baten helbidea idazten denean, oso antzeko izena duen webgune faltsu batera bideratzen du erabiltzailea. Horrela, iruzurgileek software gaizto bat instala dezakete horren gailuan, dirua zein datuak lapurtzeko.
Beherapen handiegiak
Garrantzitsua da webgune batera sartu aurretik egiaztatzea benetakoa dela, produktu merkeegiak erosten saiatu aurretik. Hori egiteko modu bat saltokiarekin edo markarekin zuzenean harremanetan jartzea da, telefono edo posta elektroniko bidez. Interneteko erabiltzaileek enpresa horren inguruan duten iritzia bilatzea ere gomendatzen dute.
Zure interesekoa izan daiteke
Irrikitaldia kalejira antzeztuak amaiera bikaina eman dio Donostiako Aste Nagusiari
Donostiako alkate aldaketa edo La Oreja de Van Goghen itzulera. Horiexek, besteak beste, Irrikitaldiak utzi dizkigun irudiak. Parodiaz jositako desfilearekin amaiera eman diete Piratek Aste Nagusiari. Urtean zehar hirian gertatu diren kontuak antzezten dituzte kritikaz eta umorez.
Renfek autobus bidez eskainiko du Beasain eta Tolosa arteko zerbitzua gaurtik aurrera, lanak direla eta
Beasain eta Tolosa arteko tren zerbitzua sei egunez etengo dute, abuztuaren 17tik 19ra eta 29tik 31ra.
Iruñeko Iturrama auzoko obra batzuen bilakaera jarraitzeko behatoki bereziak jarri dituzte
Misericordia egoitzan bizi diren herritarren artean obrek piztu duten interesaren ondorioz, eraikuntza-enpresak sei leiho ireki ditu lanak estaltzen dituen oihalean. Batek baino gehiagok irmo kritikatu ditu leihoen ondoan idatzitako esloganak.
Llantenoko sutea kontrolpean dute, 100 hektarea inguru kiskali ondoren
Suteak itzaltzeko zerbitzuek lanean jarraitzen dute erabat itzali arte, haizeak eta tenperatura altuek ez baitute laguntzen. Familia batek etxera itzuli ahal izan du igande honetan.
"Nolabaiteko baikortasuna" Rigloseko sutean, suak Jaca ondoko Oroel mendira jotzea oztopatu ondoren
16.600 hektarea baino gehiago kaltetu ditu suteak, eta mila bat lagun eta 35-40 aire-baliabide ari dira lanean; 19 herrigunetako 1.046 bizilagunek etxetik kanpo jarraitzen dute. UMEko militar bat hil da gaur arratsaldean, Jakatik 10 kilometrora.
Autoak zeramatzan kamioi batek errepidetik irten eta su hartu du Sunbillan
Autoak zeramatzan kamioi bat errepidetik atera eta su hartu du Sunbilla parean. Kamioia erabat kiskalita geratu da baina gidaria, 49 urteko gizonezkoa, arin zauritu da. 07:00ak aldera gertatu da ezbeharra N-121 errepidean.
10 urteko haur bizkaitar bat egoera kritikoan, Espinosa de los Monterosen (Burgos) traktore batek harrapatu ostean
Istripua larunbateko 22:30ak baino minutu batzuk lehenago gertatu zen, Sancho Garcia plazan, oraindik argitzeke dauden arrazoiengatik.
Jorge Carvalhok euskara bere bizimodu bihurtzea lortu du
Ia 30 urte daramatza jada Euskal Herrian bizitzen. Igeltseroa da lanbidez, baina pandemian lana galdu zuen, eta 62 urte zituela betidanik maite izan duen zaletasuna bizimodu bihurtzea erabaki zuen: kalean euskaraz kantatzea. Ordutik, Bilboko Plaza Eliptikoan giroa alaitzen du, euskarazko errepertorio zabalarekin.
Bi lagun zauritu dira hegazkin txiki batek Vianan izan duen istripuan
300 oin inguruko altueratik erori dira Ulagosa izeneko eremura. Batek pronostiko larriko traumatismo kraneoentzefalikoa du, eta besteak traumatismo kraneoentzefalikoa eta orkatilla hautsita.
Abian da mahats-bilketa, historiako goiztiarrena
Mahatsondoak ohi baino lehenago hasi dira fruitua ematen, eta Nafarroako Erriberan ekin diote jada mahatsa biltzeari. Inurrieta bodegan iaz baino astebete lehenago jarri dituzte martxan uzta biltzeko makinak.