Arrigorriagako emakumeak amore eman eta etxeko giltzak entregatu ditu, kalean gelditzeko arriskuan zegoelako
Gaur, azaroak 25, Emakumeen kontrako Indarkeria Desagerrarazteko nazioarteko Egunean, indarkeria matxistaren biktima den Joaquina bere etxetik kanporatu dute, Arrigorriagan. Joaqui, alabarekin eta bi biloba adingaberekin bizi zen han. Etxetik bota dute, hura erasotzaileari emateko, senar ohiari.
Goizetik dozenaka lagun bildu dira Abusu auzoan, familiari babesa adierazteko. Joaqui, bere alaba eta haurrak ez zeuden etxebizitzan, bai hala, Batu Elkarlaguntza Sareko hainbat kide, azken unera arte egon dira bertan.
Ertzaintzak etxe-atari ingurua sokaz itxi du eta, elkartetik salatu dutenez, Ertzaintza bertaratutako jendeari oldartu zaio.
11:30ak inguruan iritsi da batzorde judiziala etxegabetzea gauzatzeko, bai eta Udaleko Gizarte Zerbitzuetako langileak ere. Hain zuzen ere, haiek esan diote, etxegabetzea atzeratuz gero, galdu egingo zuela, Udalak indarkeria matxistako biktima gisa utzia zion gela erabiltzeko eskubidea.
Ultimatum horren aurrean, eta kale gorrian gelditzeko arriskuan zela ikusirik, bere etxeko giltzak entregatu ditu, eta berez, etxerik gabe geratu da.
Batu Elkarlaguntza Sareak azaldu duenez, Joaqui, bere aurka indarkeria matxista erabiltzen zuen gizon batekin ezkonduta egon zen, eta gizon hori zigortu ere egin zuten horregatik. Halere, ez zen espetxean inoiz sartu, ezta urruntze agindua urratu ondoren ere.
"Gure bizilaguna bi urtez egon zen bizkartzainarekin, bere segurtasuna arrisku larrian baitzegoen. Ezin zen auzoan lasaitasunez eta normaltasunez bizi", adierazi dute.
Harremanaren urteetan, biek notario-agiri bat sinatu zuten, agiri horrek ezartzen zuen senarrari 625.000 pezeta ordaindu behar zizkiola etxebizitzaren jabetza lortzeko, gizonak izango zuen, ordea, hura erabiltzeko eskubidea. Horrek esan nahi du Joaquik, han bizi ez arren, komunitatearen kostu guztiei aurre egin beharko ziela. "Jakina, akordio bidegabea da, eta manipulazio eta ezjakintasun baldintzetan sinatu zen, botere desberdintasun testuinguru batean", ohartarazi dute.
Akordio horretan oinarrituta, bikotekide ohiak Joaqui salatu zuen 2019an, bera, alaba eta bilobak etxetik botatzeko asmoz, eta, horrela, etxebizitza horretan bizi ahal izateko. "Joaquik, hau guztia bakardadean bizitzen ohitua, ez zuen bere egoera inorekin konpartitu, bere abokatua eta oinarrizko gizarte zerbitzuekin baino ez. 2021ean, ordea, erasotzaileak berriro salatu zuen Joaqui, eta orduan auzoko emakume bati kontatu zion gertatzen ari zitzaiona", azaltzen dute.
Duela astebete ingurutik Arrigorriako Udalak utzitako logela batean bizi dira eta Gizarte Zerbitzuekin batera, beraientzat egokia izan daiteken alokairu sozialeko etxebizitza baten bila ari dira.
Hurrengo bideoan Joaquik berak bere testigantza ematen du:
Zure interesekoa izan daiteke
San Joan suak bertan behera utzi dituzte herri askotan, muturreko beroagatik
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak "ezin direla zehaztu presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gizon bat hil da Sopuertan, trafiko istripuz
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.