1.237 emakumek indarkeria matxista jasan dute urtearen lehen seihilekoan Bizkaian
Bikotekideen edo bikotekide ohien indarkeria, familia barruko indarkeria edo sexu-askatasunaren aurkako erasoak jasan dituzte 1.237 emakumek urtearen lehen seihilekoan Bizkaian.
Datu horiek eskuan, Bizkaiko Foru Aldundiak azaroaren 25ean ospatuko den Emakumeenganako Indarkeriaren Aurkako Nazioarteko Egunaren harira abian jarritako sentsibilizazio kanpaina aurkeztu du gaur.
Matxismoa indarkeria da leloan oinarritzen da kanpaina, eta neska baten eta mutil baten irudiak ditu ardatzak, mezu bana dute: emakumeak dio "ni neurea nai, ez naiz zurea"; mutilak berriz "ez da beste barik gertatzen".
Ostegun honetan Elorrieta Erreka-Mari Lanbide Heziketako Bilboko zentroan egindako aurkezpenean, Teresa Laespada Bizkaiko Enplegu, Gizarteratze eta Berdintasun diputatuak azpimarratu duenez, indarkeria matxista "estrukturala da", "sistema patriarkal" batean bizi garelako. Sistema horretan, sarritan, "matxismoak menderatzen" duela eta hori "emakumeen aurkako indarkeria bihurtzen" dela azaldu du. "Parekidetasun ezean oinarrituriko gizarte batean bizi gara" eta "emakumeen aurkako indarkeria matxista da parekidetasun eza horren erakusgarririk larriena", gaineratu du.
Kanpainari lagunduko dion sentsibilizazio materiala banatu dute gaur aurkezpena egin duten ikastetxeko ikasleen artean, eta datozen egunetan lurralde osoan zehar banatuko da: 221 emakume-elkartetan, irabazi-asmorik gabeko 233 erakundetan, Bizkaiko 112 udaletxetan, 6.454 dendetan, eskola-kiroleko 648 erakundetan (azaroaren 27ko eta 28ko asteburuan argazkiak egingo dituzte, egiten dituzten kirol-topaketen aurretik), 71 kiroldegitan, 257 ikastetxetan eta 171 osasun-zentrotan, besteak beste.
Kirol profesionalean ere presente egongo da kanpaina, Athletic Clubaren (hilaren 20an emakumezkoen partida eta 26an gizonezkoena), Lointek Gernikaren (hilaren 18an), Lutxana Arraunen (hilaren 28an), Bilbao Basketen edo Zuazo Eskubaloia eta Bidaideak saskibaloi egokituaren bidez.
Dauak gorantz
2021eko lehen sei hilabeteetan izan diren indarkeria matxistako kasuek gainditu egin dituzte iazko epe berean izandakoak, 1.237 emakumek jasan baitute indarkeria matxista. 2020an, guztira, 2.311 emakumek pairatu zuten indarkeria matxista Bizkaian.
Bizkaiko Foru Aldundiaren datuen arabera, 1.589 emakumek bikotekidearen edo bikotekide ohiaren indarkeria-gertakari bat edo gehiago jasan zituzten iaz, 554 emakumek familia barruko indarkeria-gertakari bat jasan zuten gutxienez, eta 168 emakumek sexu-askatasunaren aurkako eraso bat edo gehiago jasan zituzten.
Era berean, iaz 304 babes-agindu abiarazi ziren (171 onartu), eta aurtengo lehen seihilekoan 175 babes-agindu ireki dira (94 onartu) lurraldean.
Bizkaiko Indarkeria Matxistaren Behatokiaren datuen arabera, Bizkaiko Foru Aldundiko Larrialdiko Harrera Zerbitzuak 191 pertsona artatu zituen iaz (105 emakume, 82 seme-alaba eta mendeko lau pertsona). Aurten, abuztuaren erdialdera arte, 144 pertsona artatu dituzte (84 emakume, 59 seme-alaba eta mendeko pertsona bat).
Zure interesekoa izan daiteke
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian. Imanol Pradales lehendakaria ere bertan egon da.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.
Nola ikusiko da eguzki-eklipsea zure herritik? Kontsultatu hemen fenomeno historikoari behatzeko mapak
Ilargiak erabat ezkutatuko du Eguzkia 2026ko abuztuaren 12an: Euskal Herrian 2183. urtera arte ez da berriro ikusiko horrelako fenomenorik. Eguzki-eklipse osoa ilunabarrean hasiko da, eta egunak "bi ilunabar" izango ditu. Eklipsea Orain.eus-en bidez zuzenean jarraitu ahal izango da.
Perez-Iglesias: "Eklipsea ikusiko den lekuetan milioi bat bisitari izango dira"
Eklipsea etxetik gertu eta urrun joan gabe ikusteko gomendioa egin du sailburuak. Milaka betaurreko banatu dituzte iada mugarritzat jo duen fenomenoa ikusteko. Pozik agertu da eklipseak zientzia plazara eramateko balio izan duelako.