Hegoafrikan atzemandako koronabirus aldaera berriaren ezaugarri nagusiak
Hegoafrikan atzeman duten koronabirusaren B.1.1.529 aldaera berriak, mutazio ugari dituenak, kezka handia zabaldu du mundu osoan, nahiz eta orain arte kasu gutxi atzeman dituzten. Horren aurrean, komeni da argi izatea orain arte jakina dena.
Munduko Osasun Erakundeko adituak ostiralean elkartu dira aldaera berriaren nondik norakoak aztertzeko, baina orain arte Hegoafrikako zientzialariek zabaldutako informazioa hauxe da:
Mutazioak
Aldaera berriak "mutazio nahasketa ezohikoa" du, ostegunean Tulio de Oliveira KwaZulu-Nataleko Ikerketa eta Sekuentziazio Berrikuntza Plataformako (KRISP erakunde zientifikoa) irakasleak aurkikuntzaren berri eman zuenean azaldu zuenez.
Guztira 30 bat mutazio omen dira, eta batzuk beta eta delta aldaeretan agertu diren arren, beste batzuen kasuan ez dakite zein izan daitekeen eragina.
Sintomak
Baieztatutako kasuak gutxi (ehun inguru) badira ere, oraingoz ez da desberdintasunik aurkitu beste aldaeren eraginarekin alderatuta.
"Orain arte ez da ezohiko sintomarik atzeman B.1.1.529 aldaerarekin kutsatutakoen artean, eta, beste aldaera batzuetan bezala, batzuk asintomatikoak dira", adierazi du Hegoafrikako Gaixotasun Kutsakorren Institutu Nazionalak.
Kutsatzeak eta txertoak
Oraingoz, ikerketa oso atariko fasean dagoenez, ez dute argi zein den aldaera berriaren eragina birusaren kutsatzeari eta txertoei dagokienez.
Hegoafrikako zientzialariek uste dute balitekeela aldaera berria egotea azken egunotako kasuen gorakadaren atzean, eta delta aldaeraren gainetik dagoela uneotan.
Herrialdeak
Hegoafrika izan da alerta zabaldu zuena iragan ostegunean, 22 kasu atzeman ostean (ondoren 77ra igo zuen kopurua). Azaroaren 23an aurkitu zuten lehenengo kasua, hilabete erdialdean jasotako datuak aztertuta.
Botswanan ere atzeman dituzte kasu batzuk (4) data horien inguruan, eta Hong Kongen (Txina) Hegoafrikara bidaiatu zuen pertsona bat gaixotu da.
Gaur, Israelek iragarri du aldaera berriarekin kutsatutako pertsona bat agertu dela, Malawira bidaiatu berri duen batena, hain zuzen ere; eta Belgikan ere atzeman dute lehenengo kasua.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.