Covid ziurtagiriaren derrigortasuna beste eremu batzuetara zabaltzea aztertzen ari da Eusko Jaurlaritza
Jaurlaritza auzitegien bermea eskatzea aztertzen ari da, gaueko aisialdiaz eta ostalaritzaz harago, covid ziurtagiriaren derrigortasuna beste esparru batzuetara zabaldu ahal izateko, Iñigo Urkullu lehendakariak ostegun honetan aurreratu duenez.
Koronabirusaren transmisioa geldiarazteko prebentzio neurriak betetzen jarraitzeko beharra azpimarratu du lehendakariak, eta Eusko Jaurlaritzaren eskariari babesa eman dion Auzitegi Gorenaren epaia bere osotasunean ezagutzeko zain daudela gogorarazi du.
Gorenaren baimena jasotakoan, Euskadik covid pasaportearen eskakizuna abiatuko du, gaur bertan ziur asko.
Lehendakariaren hitzetan, Jaurlaritza aztertzen ari da ziurtagiri hori beste gune batzuetara sartzeko ere nahitaezkoa izatea, baina ez du argitu nora. Dena dela, horretarako auzitegien babesa beharko luketela gogorarazi du.
Covid-19aren kutsatzeek gora egin ahala, prebentzio neurri berriak hartzen ari dira gobernuak, zenbait egoera edo sektoretan covid-19 pasaportea eskatzeko, esaterako. Batzuk dagoeneko ezarri dute edo datozen egunetan egingo dute; beste batzuk, berriz, epaileen baimenaren zain daude edo neurria aztertzen ari dira.
Gaur bertan, Maria Chivite Nafarroako Gobernuko presidenteak Euskadi Irratian egindako elkarrizketa batean iragarri duenez, bere gobernua adinekoen egoitzetan covid pasaportea ezartzea aztertzen ari da.
Espainiako Estatuan, Katalunian, Galizian eta Balearretan dagoeneko egiten dute, eta Katalunian derrigorrezkoa da ziurtagiria gimnasioetan, kirol-zentroetan edo musika-ekitaldietan sartzeko.
Itxura guztien arabera, covid pasaportea aste honetan bertan aktibatuko da Euskadin, eta, ingurumari honetan, Euskadiko gaueko aisialdian eta jatetxe handietan hasi dira dagoeneko covid ziurtagiria eskatzeko prestatzen, nahiz eta askok oraindik ez dakiten nola kudeatuko duten.
Dena dela, kezka da nagusi ostalarien artean; izan ere, osasun-larrialdia aktibatzeak ordutegietan eta edukieretan murrizketak ezartzea ekar lezake, baita gaueko aisialdia ixtea ere.
Zure interesekoa izan daiteke
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.