Auzitegi Gorenak ontzat jo du EAEn covid ziurtagiria ezartzea
Espainiako Auzitegi Gorenak baimena eman dio Eusko Jaurlaritzari covid ziurtagiria eskatzeko, gaueko aisialdirako lokaletan eta 50 lagunetik gorako jatetxeetan sartzeko. Horrela, aintzat hartu du Euskal Autonomia Erkidegoko Auzitegi Nagusiaren ezezkoaren aurrean Jaurlaritzak aurkeztu zuen errekurtsoa.
Gotzone Sagarduik Eusko Jaurlaritzaren Kontseiluaren osteko prentsaurrekoan baieztatu du -Gorenaren ebazpena jakin baino minutu batzuk lehenago-, Eusko Jaurlaritzak osasun larrialdia aktibatuko duela Auzitegi Gorenak hala bermatuz gero. Behin ebazpena jakinda eta kazetarien galderei erantzunez, Bingen Zupiria Gobernuko bozeramaileak baieztatu du lehendakariak erabakiko duela orain noiz sartuko den indarrean neurria.
Iñigo Urkullu lehendakariaren ahotan, covid ziurtagiria "tresna bat gehiago" izango da kutsatzeak gelditzeko lanean. Hala ere, lehendakariak ez du osasun larrialdia noiz ezarriko den zehaztu.
Zientzia, Teknologia eta Berrikuntzaren Euskal Kontseiluaren bileran hitza hartu du buruzagi politikoak. Urkulluk azaldu duenez, "martxan ditugun eta martxan jarriko ditugun neurriak arintzea posible egingo duen beste tresna bat gehiago da. Kutsatzeak gelditzeko eta osasun publikoa bermatzeko guztia izanen da beharrezkoa, pandemia gaiztotzen ari den honetan".
Auzitegi Goreneko Administrazioarekiko Auzien Salaren Laugarren Sekzioak gehiengoz onartu du helegitea. Antonio Fonseca-Herrero epaileak boto partikularra eman du, eta horren edukia datozen egunetan jakinaraziko dute, baita epaiarena ere.
Horrela, Auzitegi Gorenak bat egin du Fiskaltzaren iritziarekin, hark ere covid ziurtagiria bermatzearen alde egin baitzuen, proportzionaltasun- eta behar-baldintzak betetzen direlako.
Gainera, Fiskaltzak Galiziako Xustizako Auzitegi Nagusiaren epaia aipatu zuen, zeinak baimena eman zion Xuntari covid pasaportea aurkeztera behartzeko herritarrak ospitale publiko eta pribatuetara nahiz ostalaritzako lokaletara sartzeko.
Hasiera batean, Eusko Jaurlaritzak helegiterik ez aurkeztea erabaki zuen, gaia ez judizializatzeko, auzitegi autonomikoak Jaurlaritzaren asmoen aurka egin izan zuen beste aldi batzuetan bezala.
Hala ere, Eusko Jaurlaritzako zerbitzu juridikoek errekurtsoa erregistratu zuten joan den asteazkenean covid pasaportea baliozkotzea eskatuz bertan, gaueko aisialdirako leku eta establezimendu jakin batzuetara eta 50 lagunetik gora har ditzaketen jatetxeetara sartzeko, "pandemiaren egungo gorakada geldiarazteko".
Iñigo Urkulluren Gobernuak neurriaren proportzionaltasuna defendatu izan du, eskubideen murrizketa orok "beharrezkoa eta egokia" izan behar duelako "bizitzeko eta osasuna babesteko eskubide goren bat babesteko".
Zure interesekoa izan daiteke
Begoña jai-giroz bete da Ama Birjinaren Egunean
Giro ezin hobea izan da Begoñan, Ama Birjinaren Eguna ospatzeko. Erroskillak, musika eta debozioa izan dira nagusi Basilikaren inguruan, eta jai-giroak barrualdea eta kanpoaldea hartu ditu egun berezian. Milaka lagunek parte hartu dute, beste urte batez, ekitaldi tradizionalean.
Riglosko suteak aurrera jarraitzen du Huescan, baina sugarrak ez dira herrietara iritsi
Suteak 15.000 hektarea baino gehiagori eragin die dagoeneko, eta 18 herri hustu dituzte; 600 suhiltzaile eta langile ari dira sugarrak geldiarazteko lanean.
11 pertsona intoxikatu dira Vianako kiroldegian kloro-gasa arnastuta
Kaltetuetako bi 5 eta 9 urteko haurrak dira, eta pronostiko erreserbatua dute.
Llantenoko baso-sutea perimetratu eta egonkortu dute
Guztira, 75 eta 100 hektarea artean kiskali ditu suak. Datozen orduotan lanean jarraituko dute, eremua egonkortuta mantentzeko eta erabat kontrolatzeko ahaleginean aurrera egiteko.
5 graduko lurrikara batek Granada astindu du goizaldean
Lurrikarak Alhendinen izan du epizentroa, eta 112 larrialdi-zerbitzuak 200 dei baino gehiago jaso ditu; gainera, hamabost bat erreplika izan dira Granadako Vega inguruan, baina ez da inor zauritu.
Llantenoko baso-sutea larunbat honetarako kontrolatzea espero dute suhiltzaileek
Datozen egunotan bertan jarraitu beharko dute lanean, ingurua hoztu eta garrak berriro piztuz gero berehala itzaltzeko. Larunbatean, bost helikoptero izango dituzte berriro lanean.
Ebroko Konfederazioak jakinarazi du bat-batean ur-goraldiak izateko arriskua dagoela ia arro osoan
Hauek dira ostiral arratsaldean horien eragina jasateko probabilitate handiena duten eremuak: Araba, Nafarroa, Kantabria, Burgos, Soria, Errioxa, Aragoi, Katalunia eta Castello.
11.200 hektarea baino gehiago erre ditu Las Peñas de Riglos Huescako udalerriko suteak
Suak San Juan de la Peña monasterio zaharra inguratu du (egitura ez da kaltetu) eta monasterio berrira hurbildu da. Gizon bat atxilotu dute, sua eragin duelakoan.
Itzulera Operazioa abian jartzeko eskatu dio Irunek Eusko Jaurlaritzari, AP-8 autobidean auto-ilara luzeak sortu ostean
Udalerriak plan berezia aktibatu du, eta, horren arabera, bertako ibilgailuek baino ezin dute erdigunetik zirkulatu. Cristina Laborda alkateak Eusko Jaurlaritzari eskatu dio dagoeneko abian jar dezala dispositibo berezia, pilaketek udalerria "kolapsatu" ez dezaten.
Barrakak zabalik daude jada Bilbon: Etxebarria parkea atrakzioz bete da berriro
Egunero irekiko dira, 17:00etan, irailaren 6ra arte. Horien artean, helduentzako hamabi atrakzio, haurrentzako hamahiru, sei txurro-postu, hainbat motatako hamazazpi postu eta terraza duten lau taberna izango dira, baita ikuskizunak, trebetasun-jokoak eta ausazkoak ere.