Hurtadoren arabera, "onak" izan dira zubian hotelen okupazio datuak, % 70 inguruan
Javier Hurtado Turismo, Merkataritza eta Kontsumo sailburuak abenduko zubiak utzitako turismo datuen balantzea egin du, Radio Euskadin eskainitako elkarrizketa batean. Haren arabera, covid ziurtagiriaren ezarpena "normala" izan da, "herritargoaren babesarekin eta ostalaritzaren sektorearen lan handiarekin". Zubian zehar, % 70ekoa izan da hotelen okupazioa, eta landa-turismoak datuak hobetu ditu, 2019koen aldean.
Sailburuak hausnartu duenez, "aldeko" zifrak dira, eta nazioarteko turismoaren beherakada turismo nazionalarekin orekatu dute. Batez ere, Madriletik, Kataluniatik, Andaluziatik eta Valentziatik dator turismo hori. Pandemia egoerak eta eguraldi txarrak "kantzelazio puntualak" eragin dituzte egunotan, sailburuaren arabera. Nabarmendu du Euskadiren "indargune" turistikoak kultura, gastronomia eta natura-turismoa direla.
Azpimarratu du "helmuga turistiko segurua" dela, eta pandemiaren garapenean zehar daturik txarrenak dituzten erkidegoetako bat izateak ez diola turistikoki eragin. Hala ere, aitortu du egoera "zaila" dela, eta "adi egon" beharra dagoela.
Zubiarekin batera, Euskadin covid ziurtagiria sartu zen indarrean, 50 mahaikidetik gorako jatetxeetan zein gaueko aisialdiko lokaletan sartzeko. Sailburuaren hitzetan, "ondo hartu da neurria, kasu puntualak gorabehera".
Arbuiatu ditu sare sozialetan egin diren zenbait iruzkin, lokal batera edo bestera joatea gomendatzen dutenak, covid agiria erakusteko eskatzen duten edo ez oinarri hartuta. Azpimarratu du "erabat insolidarioak" direla, eta ezin direla onartu. Gaineratu duenez, sektorea "Eusko Jaurlaritzaren agindu bat betetzen ari da eta, aldi berean, guztion osasuna zaintzen".
Era berean, gogora ekarri du zenbait establezimendutan sartzeko txertaketa eskatzeaz gain, neurri guztiak indarrean mantendu behar direla. Horien artean, musukoa, "guztiok baitakigu txertatuta egon arren kutsa gaitezkeela".
Zure interesekoa izan daiteke
Hiru adingabe identifikatu dituzte Plentziako jaietan Ertzaintzari botilak jaurtitzeagatik
16 eta 17 urteko gazteek bi patruilari eraso zieten abuztuaren 29ko goizaldean, irain eta oihu artean.
Santurtziko gaztea bi ordu geroago eraman zuten ospitalera, eta ez zuten jakinarazi taser batekin atxiki zutela
Hala jasotzen du Osasun Sailak aurkeztutako kronologiak. Familiak salatu duenez, agenteek hasieratik jakinarazi izan balute taser-pistola bat erabili zutela hura mendean hartzeko, bestela artatuko zuketen.
Donostian perdigoi-tiroen ondorioz zauritutako gizon baten aurkako eraso arrazista salatu dute
Gizonak hiru jaurtigairen kolpea jaso zuen aurpegian eta bizkarrean. Harrera Sarearen arabera, "hilabete gutxiren buruan etorkin bati egin zaion horrelako bigarren erasoa da".
Esako urtegian aurkitutako gizon zatikatuaren hilketaren ustezko egilea espetxeratu dute
Biktimaren eta susmagarriaren etxebizitzan aurkitutako ebidentziek, segurtasun-kamerek hartutako irudien analisiarekin batera, krimenaren kronologia ezartzea eta susmagarri nagusia atxilotzea ahalbidetu dute.
Medikuek urriaren 28an hasiko dute greba mugagabea
Euskadiko Medikuen Sindikatua sartuta dagoen Greba Batzordeak Estatutu Markoaren aurka borrokatzeko greba mugagabea iragarri du. Horrekin batera, SATSE, ELA, LAB, CCOO eta UGT sindikatuek deituta, beste bost greba egun egitera deituta daude Osakidetzako langileak, urritik abendura bitartean.
Miren Elgarresta, Emakundeko zuzendaria: “Zenbat eta sentsibilizazio lan handiagoa egin, orduan eta kasu gehiago azaleratzen dira sexu askatasunaren kontrako delituei lotuta"
Miren Elgarresta Emakundeko zuzendariak gaur Euskadi Irratian azaldu duenez, genero-indarkeriagatik edo sexu-askatasunaren aurkako delituengatik Euskadin jarritako salaketen kopuruak goranzko joera du. Horren hitzetan, igoera hori, neurri batean, sentsibilizazio-lanaren eta biktimen eskura baliabide eta zerbitzu gehiago jartzearen ondorio da, babes handiagoa ematen baitiete eta salaketa jartzera bultzatzen baitituzte.
PISAko emaitza txarren gakoak sakon eta denboraz aztertu behar direla diote adituek
Ostiral honetan EAEko 900 ikastetxetako ordezkariekin bildu aurretik, Begoña Pedrosa Hezkuntza sailburua aditu talde batekin bildu da gaur arratsaldean, hezkuntza-sistemaren gabeziak aztertzeko. Horietako batek, Junkal Gutierrezek, azaldu du ez dagoela faktore bakar bat PISA txostenak erakutsitako emaitza txarrak azaltzen dituena, eta askotarikoak izan daitezkeela.
CAFen Beasaingo plantako komun batean kamera bat aurkitu dute eta langile batek bere burua erruduntzat jo du
Enpresa Batzordeak gertatutakoa salatu du eta "elkartasun osoa" adierazi die "eraso hau jasan ahal izan duten pertsona guztiei". Ertzaintzak ikerketa zabaldu du.
'Euskara Bonuaren' estreinaldiarekin hasi da euskaltegietako matrikulazioa
Ekimen horri esker, euskara lau urtez ikas daiteke 120 euroko ordainketa bakarra eginda, eta herritar gero eta gehiago hizkuntzaren "erabiltzaile independente" izatea du helburu.
Hezkuntza Saila arratsaldean bilduko da ebaluaziorako aditu taldearekin PISA txostenaren emaitzak aztertzeko
Begoña Pedrosa sailburuak gidatuko du gaurko bilera, eta hezkuntza-sistemaren gabeziak aztertzeko balioko du, besteak beste. Hausnarketa horiek guztiak bihar BECen bilduko diren 900 ikastetxeetako ordezkariei helaraziko dizkiete, elkarrekin aurrera pausoak emateko.