Osasun egoera "delikatua" da Nafarroan, eta ez da baztertzen "neurri komunitarioak" hartzea
Santos Indurain Nafarroako Gobernuko Osasun kontseilariaren hitzetan, Nafarroako osasun egoera "delikatua" da; izan ere, covid-19 kasuak gora eta gora doaz azkenaldian. Hori dela eta, aurrera begira ez du baztertzen "neurri komunitarioak" hartzea.
Kutsatzeek ez dute etenik Nafarroan. Gaur 465 positibo berri atzeman dira, eta atzo, urteko daturik okerrenak: 655. Indurainek komunikabideen aurrean azpimarratu duenez, oraindik finkatzeko dauden adierazleek arrisku handiko egoera baten hasieran gaudela adierazten dute, eta hori osasun-sisteman antzematen ari da.
Ildo horretan, Osasun kontseilariaren arabera, "gaixo kronikoei eragiten dieten arnasketa koadro guztiek" eskatzen dute lehen mailako arreta (urte sasoi honetan ohikoa), eta horri, gainera, covid-19a atzemateko, jarraipena egiteko eta txertatzeko lana gehitu behar zaio.
Ingurumari horretan, Indurainen esanetan, pandemiaren bilakaera ikusita, "ez da baztertzen beharrezkoa balitz neurri komunitarioak hartzea nafarren osasuna lehenesteko".
Eguberrietarako murrizketen inguruan, Nafarroako Gobernua "egoera eta agertoki ezberdinak aztertzen ari da", Indurainek jakinarazi duenez, "esperientzia propiotik eta nazioarteko eta Estatu mailako testuingurutik abiatuta", eta egoerari aurre egite aldera, udalerriekin eta sektore pribatuarekin harremanetan jarraituko duela gaineratu du.
"Gabonetarako eta gabon aurreko jardueretarako bileren egutegia lantzen ari gara", esan du, eta "gutxieneko segurtasuna bermatu ezin den egoerak ez lirateke antolatu edo bultzatu behar", gaineratu du.
5 eta 11 urte artekoen txertaketa
Kontseilariak adierazi duenez, "intzidentzian zenbaki oso altuak daude, baina ez da aztertu behar zenbat, nortzuk baizik", eta 14 urtetik beherakoen ehunekoa handia dela nabarmendu du, eta horien % 50 sintomarik gabekoak direla azpimarratu du.
Horrela, Nafarroak abenduaren 15ean ekingo dio haurren txertaketari, eta, gainera, hitzordurik gabeko txertoaren aukerari eutsiko diola nabarmendu du, baita oraindik txertoa hartu ez dutenei ziztada jartzeko lanari ere. Hirugarren dosia jartzen jarraitzen dutela gogorarazi du.
Proba diagnostiko eta positibo kopuru handiaren aurrean, Indurainek onartu du detekzio sistema tentsionatuta dagoela eta probak egiteko "atzerapenak" daudela.
Halaber, herritarrei maskara erabiltzeko deia egin die, bai barrualdean, baita kanpoaldean ere, segurtasun distantzia mantendu ezin den tokietan.
Zure interesekoa izan daiteke
Beste elur-jausi hilgarri bat izan da Pirinioetan
Cerler estazioan, Huescan, 25 urteko eskiatzaile bat hil da elur-jausi batek harrapatuta, Cebolles mendian, pistatik kanpo. Negu beltza izaten ari da Pirinioetan, eta dagoeneko zortzi pertsona hil dira denboraldi honetan elur-jausiengatik.
Adamuzeko 45 hildakoen aldeko hileta elizkizuna, Huelvan
5.000 lagun inguru elkartu dira ospakizuna egin den kirol-pabilioian. Gotzainen Batzarreko presidenteak eta Huelvako gotzainak gidatu dute elizkizuna.
Aurrekarien ziurtagiria eskatzeko ilara luzeak sortu dira egunotan Estatuko kontsulatuetan
Aste honetan iragarritako migratzaileen erregulazioaren harira, egunotan ilara luzeak sortu dira Estatuko hamaika kontsulaturen aurrean. Kasu deigarriena Bartzelonan izaten ari dira. Pakistango dozenaka pertsona kontsulatuaren aurrean pilatu dira, aurrekarien ziurtagiria eskatzeko.
Eusko Jaurlaritzak iraungitako beste bi txerto atzeman ditu, 78 kalteturekin
Zehazki, tetrabalenteari (49 pazienteri eragin diezaiekeena) eta txerto hirukoitz birikoari (29 kasu potentzialekin) dagozkie intzidentzia berri horiek. Azkenik, 30 pertsona baino gutxiago txertatu beharko dira berriro hexabalentearen harira.
Nafarroako Auzitegi Nagusiak bidezko jo du lanbide-zentro bateko arduraduna kaleratzea sexu-jazarpenagatik
Auzitegiak uste du pertsona hori kaleratzera eraman zuten gertaerek "gaitzespen etiko eta moral handiena" merezi dutela, eta kaleratzea "neurri egokia" izan zela.
Fiskaltzak iraungitako txertoen kasua ikertuko du, osasun publikoaren aurkako deliturik izan den argitzeko
Pazientearen Defendatzailearen Elkarteak eskatu du ikerketa zabaltzea. Erregistratu duen idatzian dio iraungitze data "ez egiaztatzea" nahikoa arrazoi badela lan hori dagokionari "ardurak" eskatzeko.
Bilboko Udalak ez du atxilotuen jatorria argitaratuko "ekarpenik ez duelako egiten" eta "delituzko jarduera ez duelako justifikatzen"
Bilboko Udaleko osoko bilkurak PPren proposamen bat eztabaidatu du ostegun honetan, atxilotuen nazionalitatea publiko egitearen alde egiten zuena, eta Elkarrekin Bilbaoren beste bat, hori saihestea eskatzen zuena. Testu horien ordez, gobernu taldeak (EAJ-PSE) porposatutako aldaketa-zuzenketa bat onartu da -EH Bilduk babestu du, PPk aurka bozkatu du eta Elkarrekin abstenitu egin da-, zeinak gobernu taldeari eskatzen dion segurtasun-politika eta bizikidetza indartzeko, segurtasun itunaren esparruan.
Adingabeen aurkako sexu-indarkeria digitaleko kasuen epaiketak gehiegi luzatzen direla salatu du Save the Childrenek
GKEak salatu duenez, prozesuen % 60 baino gehiago hiru urte edo gehiago luzatzen dira, eta Interneten haurren aurkako sexu-delituengatik jarritako salaketak % 13 hazi dira bi urtean.
Futbol emankizunak pirateaturik ematen dituzten tabernak salatzea 50 eurorekin sarituko du Ligak
Futbol emankizunen legez kanpoko emisioen aurka borrokatzeko estrategian, klub profesionalen patronalak salaketa-kanal "azkarra, intuitiboa eta konfidentziala" eskainiko du, kontsumitzaileek ostalaritza-establezimenduak salatu dezaten, 50 euroren truke.
"Datuetan oinarrituta, kronifikazio patroi bat identifikatzen bada" erabakitzen da ikastetxe bat fusionatzea edo ixtea, Pedrosaren hitzetan
Euskadi Irratiko Faktoria irratsaioan egindako elkarrizketan Begoña Pedrosa Hezkuntza sailburuak azaldu duenez, matrikulazio datuak urtetik urtera murrizten doazen ikastetxeak itxiko dira, besteak beste, eta "aldaketa estruktural hori" ikastetxe horien zuzendaritzarekin adosten dira beti.