Xabier Amurizak eta Jose Ramon Etxebarriak Manuel Lekuona saria jaso dute
Eusko Ikaskuntzaren 2019ko eta 2020ko Manuel Lekuona sariak jaso dituzte astelehen honetan Xabier Amurizak eta Jose Ramon Etxebarriak, Bilboko Kafe Antzokian egindako ekitaldian, herri agintarien, ezagunen eta sarituen senideen artean.
Pandemiaren ondorioz atzeratuta, bi sari emateak batera ospatu dira, bertaratzeko ekitaldi mugatuan, egungo osasun publikoko baldintzak direla eta. Ekitaldian, Lorea Bilbao Bizkaiko Aldundiko Euskara, Kultura eta Kirol foru diputatuak, Ana Urkiza Eusko Ikaskuntzako presidenteak eta Nieves Fernandezek epaimahaikideen ordezkari gisa hartu dute hitza.
Eusko Ikaskuntzako lehendakariak gogoratu duenez, Xabier Amuriza da Manuel de Lekuona euskal letren eta ahozko literaturaren figura handiaren izena daraman saria jaso duen lehen bertsolaria.
Saritua "erreferente absolutu" gisa definitu du, "bertsolaritzan irakasle, teorialari eta ikertzaile gisa sakondu duen berritzaile" gisa, baita olerkari, eleberrigile, saiakeragile, artikulugile eta itzultzaile ere. Halaber, musikaren alorrean ere egin dituen ekarpenak eta diktaduran hartu zuen konpromiso sozial eta politikoa adierazi nahi izan du.
Jose Ramon Etxebarriaren ibilbideari dagokionez, euskararen alde egindako lana nabarmendu du, eta normalizazioan unibertsitateko ikerkuntzaren eta irakaskuntzaren esparrutik bere laguntza azpimarratu. "Hitza ezagutzarako eta komunikaziorako; aditza sentiberatasunaren etakulturaren, zientziaren eta Euskal Herriko kontzientziaren zerbitzura", esan du.
Bere hitzaldian, Xabier Amurizak ere zientziarekin lotutako hitza aipatu du, diziplina horretan "'era inteligentean bizitzeko' osagaietako bat" baitauka. Zorionekoa dela aitortu du, zahartu eta esperientzia pozgarri batzuez gozatu ahal izan duelako, besteak beste, Eusko Ikaskuntzaren aitorpen horretaz. "Saritutako izenen zerrendan nire burua ikusita, nire utopia betetzen ari dela uste dut", adierazi du.
Etxepareren inguruan egin dituen azken lanen harira, zeinetan ikusten baituen euskal idazletzat bere burua hartu zuen lehenengoa eta, hortaz, "euskaldunik zoriontsuena", Amurizak bere burua "bigarren euskaldunik zoriontsuena" bezala ikusten du.
Jose Ramon Etxebarriak, bestalde, euskaltzale, irakasle eta ikertzaile lanetan parte hartu duen lantaldeekin partekatu nahi izan du saria, eta bi ohar egin ditu: lehenik, eguneroko jardunean euskaraz hitz egiten duen komunitate zientifiko bat dagoela, eta baieztapen hori datu zehatzekin irudikatu du; bigarrenik, "euskarak gizarteko bizimodu arruntean euskaldunok irauteko behar dugun den-dena esateko ahalmena dauka, eta gaitasuna du, baita ere, oraindik existitzen ez dena esateko... edo asmatzeko ere".
Saria irudikatzen duen Remigio Mendibururen eskulturak jaso ondoren, bi sarituek elkarrizketa izan dute elkarren artean eta bertaratutako publikoarekin. Hemendik egun batzuetara, hizketaldiaren grabazioa Eusko Ikaskuntzaren webgunean jarriko da, Solasaldiak ikus-entzunezkoen atalean.
Zure interesekoa izan daiteke
Gasteizko parrokiek aldi baterako estalpea eman diete asiloaren zain dauden Maliko migratzaileei
San Joakin eta Santa Ana parrokiak eta Elurretako Andre Mariarenak ateak ireki dizkiete 20 maliarri. Salburuako Auzo Elkarteari esker, beste 20 etorkinek gutxieneko zerbitzuak dituzte. Asilo eskaerak tramitatzeko hitzorduak lortzea eragozten dien blokeoa tarteko, 300 maliar baino gehiago igaro dira jada Gasteiztik iazko udaz geroztik.
Bilbon arma zuriz egindako eraso baten egilearen bila ari da Ertzaintza
Segurtasun Sailak jakinarazi duenez, 15:00ak aldera jakinarazi diote Ertzaintzari gizon bat zaurituta zegoela Bilbo Zaharrean. 33 urteko biktimak arma zuriz egindako zauriak zituen, eta Basurtuko Ospitalera eraman dute.
Amaitu dira pilaketak N-1 errepidean, Andoain parean
Bi kamioik eta auto batek ezbeharra izan dute 15:15ean, Donostiarako bidean. Ibilgailu astunek guraizearena egin dute, eta bidea trabatzen geratu dira. Ilara luzeak sortu dira, baina 18:45erako konponduta zeuden arazoak, eta zirkulazioa ohikoa zen.
Airearen kalitatea "egokia" da Iurretan, Smurfit Kappa paper fabrikan sutea piztu eta biharamunean
Iurretako Udalak nabarmendu duenez, gaur egindako analisien arabera, "ez dago osasunerako inolako arriskurik"; are gehiago, atzotik "parametroek behera egin dute" euriari esker. Suhiltzaileek gau osoa eman dute sua itzaltzen, eta han geratu dira, erretako materiala bustitzen. N-634 errepidea gaur goizean zabaldu dute berriro.
AP-8 autobidea itxiko dute Deban bihar, zuhaitzak mozteko
07:00etatik 20:00etara egongo da itxita, Bilborako bidean, eta trafikoa bypass baten bidez zuzenduko dute, Behobiarako bidea erabilita.
La Salleko ikasle ohiek egia eta erreparazioa eskatu dituzte Patxi Ezkiagaren biktimentzat
Ikasle ohiek elkarretaratzea egin dute hainbat hamarkadatan izandako sexu abusuak salatu eta ikastetxeari premiazko aldaketak eskatzeko.
Gizon bat atxilotu dute Bilbon hilketa saiakeragatik
31 urteko gizon bat larri zauritu zuen, hiru labankada emanda, eta biharamunean atxilotu zuten, Zazpikaleetan.
Bi pertsona hipotermiak jota erreskatatu dituzte Igeldoko kala batean
Suhiltzaileak ur motorrekin iritsi dira Tximistarrira, eta bertan ez aurrera ez atzera zeuden bi pertsonak portura eraman dituzte, eta handik ospitalera.
Paper fabrika batean piztutako sute handi batek Iurretan eta Durangon errautsa egotea eragin du
Ez da inor zauritu Smurfit Kappa enpresaren kanpoaldean piztutako sutean. Suhiltzaileak kontrolpean dute sua, baina lanean jarraitzen dute N-634 errepidean, eta bi noranzkoetan itxita dago.
Eusko Jaurlaritzak eta Euskararen Erakunde Publikoak Iparraldean euskara sustatzeko 2,47 milioi euroko fondoa eratuko dute
2025-2029 aldirako hitzarmenaren esparruan, 2026. urterako lankidetzaren ildoak jakinarazi dituzte. Batera egingo dituzten proiektuez gain, 2,47 milioi euro bideratuko dituzte Ipar Euskal Herriko euskalgintzako eragile pribatuen lana diruz laguntzera.