Hezkuntzaren etorkizuneko ereduaren oinarriak ezartzeko jardunaldiak antolatu ditu Eusko Ikaskuntzak
Eusko Ikaskuntzak euskal hezkuntza sistemaz eztabaida bideratzeko jardunaldiak prestatu ditu asteburu honetarako. Gaur arratsaldea eta bihar bitartean, hitzaldi zein mahai-inguruak eskainiko dituzte Gasteizko Europa Biltzar Jauregian. Hezkuntza sistema: etorkizuna elkarrekin lantzen izenpean aurkeztu du sinposioa Eusko Ikaskuntzak, Eusko Jaurlaritzarekin lankidetzan.
Jardunaldien helburua hezkuntzako "lehentasunezko gaietan" sakontzea eta eztabaidatzeko gune bat abian jartzea da. Adituen ekarpenak eta herritarren azpimarrak jasoko dira bertan egingo diren ekitaldietan. Antolatzaileen arabera, eztabaidagaien inguruko begiradak jasotzea funtsezkoa da "nahi eta behar" den hezkuntza sistema irudikatzeko.
Gaur, ostirala, 16:00etan hasiko da sinposioa, eta, 18:00ak bitartean, hitzaldi ugari eskainiko dituzte hezkuntza segregazioaz, bereizkeriaz edota aniztasunaz; hona hemen egitarau osoa. Amaitzeko, hizlari eta partaideen arteko solasaldia egingo da.
Bihar emango diote segida egitasmoari, 09:30ean. Besteak beste, "Ezagutzaren gramatika partekatuaren bila?" mahai-ingurua eskainiko dute, 12:40an. Azken solasaldiaren ostean, 14:00etan amaituko dute sinposioa.
Jardunaldietan parte hartzeko, aldez aurretik eman behar da izena Eusko Ikaskuntzaren webgunean. Ekitaldi guztiak aurrez aurre jarraitu ahalko dira, edukiera bete arte, eta online parte hartzeko aukera ere izango da. Aldibereko itzulpen zerbitzua eskainiko da euskarazko zein gaztelaniazko hitzaldietan.
Zure interesekoa izan daiteke
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Gabonetako loteriaren 3. saria egokitu zitzaion zenbaki horri, eta orain 2,2 milioi euroko zuloari egin behar diote aurre.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.