2022ko Errege Magoen kabalgatak pandemia egoerarekin bat egingo dira
Errege egunaren bezpera hurbil delarik, Euskadiko hiriburuak gabonaldiko azken egunak segurtasunez gozatzeko prestatzen ari dira.
Iñigo Urkullu lehendakariak asteartean argitu zuenez, covid-19aren hedapena eteteko neurriek ez diete Errege Magoen kabalgatei eragingo. Lehendakariaren hitzetan, udalerri bakoitzeko arduradunek badakite arrisku egoeran dauden edo ez, "zer egin dezaketen" erabakitzeko.
Bilboko Udalak Gabonetako ikuskizun bat eskainiko du, 'Gau magikoa', Gabon gauean egin bezala. Ohiko kabalgata ordezkatuko du hala, bigarren urtez jarraian. Musika-emanaldiak lau pase izango ditu: 11:00etan, 13:00etan, 17:00etan eta 19:00etan. Gainera, oraingoan, 6.000 pertsonakoa izango da edukiera, alegia, iazko Gabonetan baino 4.000 pertsona gehiago. Hala, 1.500 pertsona sartuko dira pase bakoitzeko.
Bestalde, Gasteizek urtarrilaren 5eko kabalgataren ibilbidea moldatu du, Olentzeroren kalejirarekin hartutako erabaki bera hartuta. Errege Magoen desfilea 19:00etan hasiko da Los Herran kaletik, Jesus Guridirekin bat egiten duen bidegurutzean; eta Errege-erregina Katolikoen kalea, Simon Anda, Basoa eta Gasteiz Etorbidea zeharkatuko ditu, Justizia Jauregiaren parean amaitzeko.
Udalak nabarmendu duenez, ibilbide berriak ohiko bideak baino 700 metro gehiago izango ditu, "segurtasun neurriak betetzea" errazte aldera, "distantzia mantentzeko eta jende-pilaketak ekiditeko".
Gipuzkoako hiriburuari dagokionez, ez du kabalgataren inguruko berririk eman. Edonola ere, Donostiako Udalaren azken adierazpenekin bat, desfilea aurreikusita dago. Abenduaren 24an, Donostian ere luzatu zuten Olentzero eta Mari Domingiren ibilbidea, pilaketarik izan ez zedin.
Zure interesekoa izan daiteke
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.
Ordu aldaketa: Bueltan da udako ordutegia
Martxoaren 28tik (larunbata) 29ra (igandea) bitarteko goizaldean, 02:00etan ordua aldatu egin beharko da, eta 03:00ak izango dira. Atseden hartzeko ordubete gutxiago egongo da. Egungo ordutegi ereduarekin jarraitzeko beharrak eztabaida sortzen du, batez ere bi arrazoi garrantzitsu direla eta: Osasuna eta energia kostua.
Futbol arbitro neska batek salatu du irainak eta mehatxuak bota zizkiotela partida batean, Basaurin
Bizkaiko Futbol Federakundeko lehiaketa batzordea gaur elkartzekoa da gertatutakoa aztertzeko eta balizko neurriak aztertzeko. Basauriko futbol taldeko jokalariak, teknikariak eta zaleak barne, irainka hasi zitzaizkion, talde bisitariak berdinketa (3-3) lortu eta gero.
BI-30 errepidean izandako istripu batek auto-ilarak eragin ditu Txorierrin eta Arrontegin
Ezbeharra goizean goiz gertatu da Erandion, eta errei bat itxi behar izan dute Galdakaorako noranzkoan. Ilara luzeak sortu dira.