'Aita Mari' ontziak medikuak behar ditu: "Jende asko prest azaldu arren, ez dute egunak eskatzeko aukerarik"
Izaskun Arriaran SMH gobernuz kanpoko erakundearen osasun proiektuko koordinatzaileak eitb.eus-i azaldu dionez, mediku eskaera egin dute Aita Mari ontziaren zazpigarren misioa prestatzen ari direlako. "Garai zailak dira osasun langileentzako, jende asko prest azaldu arren, ez dute egunak eskatzeko aukerarik", onartu du.
Arriaranek zehaztu duenez, mediku ikasketak beharrezkoak dira ontziratzeko, baina ez da prestakuntza berezirik behar. Hori bai, datekin malgutasuna beharrezkoa dela ohartarazi du, ontziaren misioetan "ez delako erraza aurrez dena lotzea".
"Ez dakigu noiz izango den erreskatea, zenbat egun itxaron beharko dugun portua eman arte eta koarentena eskatuko diguten edo ez", gogorarazi du.
Arriararen hitzetan, lehen misiorako urtarrilaren 13an edo 14an denak ontziratuta egon beharko lirateke; izan ere, 18an ala 19an itsasoratzea nahi dute, eta aldez aurretik taldeko prestakuntza egitea "ezinbestekoa" da.
Ontziratuko diren medikuen eginbeharrak zerrendatu ditu osasun proiektuko koordinatzaileak. Alde batetik, erreskatea egin arte trebatzea, erizaintza prest izan, baita materiala, medikazioa eta protokoloak ere.
Behin erreskatea eginda "tokatzen den dena artatzea". "24 ordu dira beraien arreta emateko prest", azpimarratu du.
"Normalean ez dugu gauza larririk izan, baina beti prest egon behar, batez ere erreskate momentuan", adierazi du Aramaioko (Araba) erizainak.
Misio guztian zehar, eskifaiako kide bat gehiago izango da medikua; beraz, ontziko lan ezberdinetan parte hartu beharko du, hala nola, garbiketa, sukaldean lagundu, "margotu behar bada margotu... denetik".
Zure interesekoa izan daiteke
Antzar Egunean hildako mutila gogoratuko dute gaur Lekeition, elkarretaratze isil batekin
10 minutuko isilunea egingo dute igande honetan, 19:00etan, Udaletxe aurrean, hildako gaztea gogoratzeko eta haren ingurukoei elkartasuna adierazteko. Horrez gain, gaurko jai-egitarauak aldaketa batzuk izango ditu.
Eltziegon bikotekidea harrapatzea egotzita atxilotutako emakumeak ertzain-etxean jarraitzen du
Gertaera larunbat goizean jazo zen, 07:30 aldera. Etxeko indarkeriaren esparruan hilketa-saiakera delitua egotzi diote. 25 urteko emakumea ertzain-etxera eraman dute, eta eginbideak amaitutakoan utziko dute epailearen esku.
Epailearen aurretik igarotzeko zain jarraitzen du Azpeitiko ustezko hiltzaileak
Azpeitiko eta inguruko beste herri batzuetako hainbat tokitan miaketak egin dituzte egunotan. Ustezko hiltzaileak, 43 urteko gizon batek, bere burua entregatu zuen larunbat goizaldean Ondarroako ertzain-etxean, eta soinean zeraman su-arma labur bat konfiskatu zioten.
Espainiako Gobernuak Ceutako portuaren kontrola hartu du etorkinei "arreta humanitarioa" emateko
Espainiako Gobernua Ceutako Mendebaldeko Kaian dagoen zabalgune bat egokitzen hasi da migratzaileak hartzeko. Bizilagunak, Portu Agintaritza eta Enpresarien Konfederazioa aurka dauden arren, kanpin dendak jarriko dituzte bertan. Aurreikuspenen arabera, mila migratzaile inguru hartuko dituzte. Ceutako Gobernua ere aurka agertu da, eta erabakia "akats larria" dela esan du.
36 urteko euskal mendizale bat larri zauritu da Asturiasen, eskalatzen ari zela harkaitz bat erorita
Antza denez, harria emakumea zegoen tokitik 300 bat metrora goragotik erori da. Garezurreko traumatismo larria izan du, eta Asturiasko Unibertsitate Ospitale Nagusira (HUCA) eraman dute.
Ondarroan atxilotu dute Azpeitiko ustezko hiltzailea
Ertzaintza haren bila ari zen asteartetik, eta azkenean, larunbat goizaldean, ustezko hiltzaileak bere burua entregatu du Ondarroako ertzain-etxean. Arma bat zeraman soinean, baina oraindik ez dute jakinarazi hilketan erabilitakoa ote den.
Ehunka lagunek harrera egin diote Freedom Flotilla ontziari Euskadin
Asteartera arte (hilak 8), Euskadin egoteko asmoa du. Egun horretan, Vigora abiatuko da, eta, ondoren, Mediterraneoko beste hainbat gunetara jarraituko du. Ontziak Bilbon egingo duen egonaldian, hainbat ekitaldi antolatu dituzte, besteak beste, hitzaldiak, emanaldiak, Palestinako azoka eta flotillako aktibistekin prentsaurrekoa.
25 urteko emakume bat atxilotu dute Eltziegon, bikotekidea harrapatzea leporatuta
Etxeko indarkeriaren esparruan hilketa-saiakera delitua egotzi diote. Gertaera larunbat goizean jazo da, 07:30ak aldera. Atxilotua polizia-etxera eraman dute eta, eginbideak amaitu ondoren, epailearen esku utziko dute.
20 urteko mutil bat hil da Lekeitioko Antzar Egunean, hesi batetik erorita; ospakizuna bertan behera utzi dute
Gaztea portuan zegoen, antzarren proba jarraitzen, eta bi metro inguruko altueratik erori da. Milaka lagun bildu dira gaur Lekeition, eta ekitaldia normaltasunez ari zen garatzen istripua gertatu den arte.
4.000 pertsona inguru bildu dira Donostiako Sagardo Egunean
Gipuzkoako 32 sagardotegitako sagardoak dastatzeko aukera eskaini dute. Trikitilari eta bertsolarien musikaz girotu dute eguna. Une hunkigarrienetako bat Jabier Ansorena eta Marian Matasen omenezko ekitaldia izan da.